Ūlttyq muzeide Qazaqstannyŋ eŋbek sıŋırgen mädeniet qairatkerı, Suretşıler Odaǧynyŋ müşesı, köptegen halyqaralyq jäne respublikalyq körmelerdıŋ qatysuşysy Iаssaui Aǧytaevtyŋ «Dästürge toly ömır» atty jeke körmesı aşyldy.
Körmege mädeni jäne saiasi qairatkerler, tanymal suretşıler men önertanuşylar qatysty. Mädeniet jäne sport ministrlıgı Mädeniet komitetı töraǧasynyŋ orynbasary Daniiar Äliev qazaqtyŋ salt-dästürın, qazaqtyŋ mädenietın qylqalam arqyly därıptep, özınıŋ elıne aianbai eŋbek etıp kele jatqan Iаssaui Aǧytaevty körmesınıŋ aşyluymen qūttyqtady. Senat deputaty Ruslan Rüstemov suretşınıŋ boiyndaǧy erekşe talantty atap ötıp, onyŋ şyǧarmalarynda būrynǧy men bügıngınıŋ sabaqtasatynyn mysal ettı. Qyzylorda oblystyq tarihi-ölketanu muzeiınıŋ direktory Sapar Közeibaev öner iesın körmesınıŋ aşyluymen qūttyqtap, sättılık tıledı.
Körmege Iаssaui Aǧytaevtyŋ 70-ten astam jūmysy qoiylǧan. Suretşınıŋ kartinalarynda halqymyzdyŋ salt-dästür men ädet-ǧūrypqa toly ömırı beinelengen. Qylqalam şeberı yqylym zamannan bügınge deiın jetken ruhani bailyǧymyzdy tüsterdıŋ bai palitrasy arqyly jetkızıp, qoǧamnyŋ mädeni sipaty men qūndylyqtary turaly tüsınık beredı. Körme halyq ömırınıŋ ensiklopediiasyna illiustrasiia bola alady. Adam ömırınde bolyp jatqan barlyq maŋyzdy qūbylystar, merekeler men qiyn kezeŋder Iаssaui Aǧytaevtyŋ şyǧarmaşylyǧynda körınıs tabady.
Körmenı Ūlttyq muzeidıŋ 6-qabatynda ornalasqan Uaqytşa körme zalynda 27 tamyzǧa deiın tamaşalauǧa bolady.
