QYS ÄBIGERGE TÜSIRMEIDI
Qys tüspei jatyp tosyn mınez tanytqan qalyŋ qar men sary aiazǧa bailanysty qalada saqtyq şaralary küşeitılude. Astana qalasynyŋ Tötenşe jaǧdailar departamentı mamandary küşeitılgen rejimge auystyrylyp, köşe tazalyǧyna jauapty kommunaldyq şaruaşylyq qyzmetı künı-tünı qarmen arpalysyp jatyr.
Keşe äkımdık ǧimaratynda arnaiy baspasöz mäslihaty ötkızılıp, tötenşe jaǧdailar jäne qala tazalyǧyna jauapty mamandar qalanyŋ qysqa daiyndyǧy turaly baiandady.
«Astana Tazalyq» mekemesınıŋ öndırıstık-tehnikalyq bölım basşysy Altyn Nūrjūminanyŋ aituynşa, qala tazalyǧyna barlyǧy 2 928 arnaiy tehnika jūmyldyrylyp, ainalasy ekı-üş künnıŋ ışınde 120 myŋ tekşe metr qar şyǧarylypty. «Qalany qardan tazalau jūmystary 13 qaraşa künı bastaldy. Qazırgı taŋda 2 928 arnaiy tehnika jūmyldyrylyp, barlyǧy 2 285 adam jūmys ıstep jatyr. Būl tehnikalardyŋ 739-y Almaty audanyna jıberılse, 563-ı Esıl audany boiynşa sanitarlyq tazalyq jū-mystaryna qatystyrylyp otyr. Saryarqa audanyna da 396 tehnika jūmyldyryldy. Bügınde qala köşelerı qardan tolyq tazartylyp, köktaiǧaqtyŋ aldyn alu maqsatynda 3,5 myŋ tekşe metr tūz aralas qūm qospasy sebıldı» deidı Altyn Nūrjūmina.
Sondai-aq, ol biyl qysqy mausymdaǧy oqys oqiǧalar men sanitarlyq tazalyqty saqtau maqsatynda jaŋa tehnologiia paidalanyp jatqanyn mälım ettı. «Aismelt reagentı» dep atalatyn būl tehnologiia köktaiǧaqtyŋ aldyn alady. Ärı artynda saz qaldyrmaidy. «Negızınen reseilık tehnologiia. Baǧasy säl qymbattau. Alaida mamandar tiımdılıgı öte joǧary dep baǧa berıp otyr. Biylǧy jyly alǧaş ret paidalanyp körıp otyrmyz. 11-15 qaraşa aralyǧynda 575 tonnadan astam «aismelt reagentın» septık joldarǧa. Nätijesı jaman emes» deidı A.Nūrjūmina.
Jiynda Astana qalasy Tötenşe jaǧdailar departamentınıŋ basşysy Barat Dūzaqbaev qalalyq kommunaldyq qyzmetterdıŋ qys mausymyna daiyndyǧyn tekseru aiasynda «Qys-2016» respublikalyq komandalyq oqu-jattyǧuy bastalǧanyn atap öttı. Elımızdıŋ barlyq öŋırın qamtityn būl komandalyq oqu-jattyǧu 16-18 qaraşa künderı aralyǧynda ötedı.
Sonymen qatar, ört qauıpsızdıgıne de qatty köŋıl bölınedı. Sebebı qys mezgılınde jeke sektorlarda qauıpsızdık şaralarynyŋ saqtalmauynan ört, ys tiiu oqiǧasy köbeiıp ketedı. Jyl basynan berı qalamyzda 600-den astam ört oqiǧasy tırkelıptı. Ys tiıp, qanşama adam zardap şegıp jatyr. «Tūrǧyndar peş jaǧu barysynda qarapaiym erejelerdı saqtai bermeidı. Mūnyŋ arty adam ölımıne alyp keledı. Ökınıştısı, olardyŋ arasynda jas balalar da bar. Jyl basynan berı ys tiıp, üş säbi qaitys boldy» deidı Astana qalasy Tötenşe jaǧdailar departamentınıŋ basşysy.
Bürkıt NŪRASYL