Nūr-Sūltan qalasynyŋ äkımı Altai Kölgınov tehnikanyŋ qysqa daiyndyǧyn tekserıp, «Astana Tazalyq» JŞS jūmysşylaryn mekemenıŋ 11 jyldyǧymen qūttyqtady.
«Astanaenergoservis» AQ-yn taratudan ünemdelgen qarjy esebınen 120 arnaiy tehnika satyp alynady. Osyny atap ötken qala basşysy aldaǧy qys mezgılı men jylu mausymy kezınde jūmys auqymy ūlǧaiatynyn, osy mezgılde kommunaldyq mekemeler äkımdık tarapynan qoldausyz qalmaitynyn aitty. «Käsıporyn qūrylǧan uaqyttan bastap öte maŋyzdy mındettı atqaryp, elordamyzdyŋ tazalyǧyn qamtamasyz etude ülken üles qosyp keledı. Sızder qystyŋ aiazy men jazdyŋ ystyǧyna, qar men jaŋbyrǧa qaramastan taŋnyŋ atysynan keş batqanǧa deiın qala jailylyǧy üşın eŋbek etıp jürsızder. Osy eŋbekterıŋız ben osyndai jūmys qabıletterıŋızge qarap, köptegen qala tūrǧyndary, äsırese, balalar ülgı alady dep oilaimyn» dedı qala äkımı öz sözınde.
Būǧan qosa, qala jyldan jylǧa ösıp, tūrǧyndardyŋ da talaby artyp otyrǧanyn aityp, avtoparkter mümkındıgınşe jaŋaryp otyratynyn atap öttı. Qala basşysy jūmysşylarǧa atqaryp jürgen qiyn da kürdelı jūmystary üşın alǧys aityp, densaulyq, otbasylyq amandyq-saulyq tıledı.
