Kün raiy qalai qūbylsa da, saǧy synbaityn qalanyŋ belsendı tūrǧyndary jaz boiy jügırıp şynyqsa, qysta şaŋǧy teuıp boi qyzdyrady. Būqarany bırlıkke şaqyrǧan sport şaralarynyŋ bır mausymy senbı künı dästürlı «Qys örnegı» festivalımen ajarlana tüstı.
Būl jolǧy sport merekesı Triatlon parkınde saltanat qūrdy. Qimyly şiraq astanalyqtar taŋerteŋnen erte tūryp, osy araǧa jinaldy. Jyldaǧy orny özgergendıkten be, biyl «Qys örnegıne» kelgenderdıŋ qatary byltyrǧydan edäuır az boldy. Biyl ondaǧan sport türı boiynşa jarysqa qatysuǧa barlyǧy 2 myŋ adam niet bıldırse, ötken jyly būl körsetkış 3 myŋnan asyp jyǧylǧan.
On segızınşı ret ūiymdastyrylǧan şaŋǧy festivalın tamaşalauǧa arnaiy kelgen Astana äkımınıŋ orynbasary Ermek Amanşaev jinalǧan köpşılıktı sport merekesımen qūttyqtap, sättılık tıledı. Ol mūndai şaralardyŋ salauatty ömır saltyn qalyptastyruda maŋyzy zor ekenın atap öttı.
Osy jerdı ataqonysy köretın tūrǧyndar jarystyŋ on segızınşı dep naqtylanǧanymen, būnyŋ dästürge ainalǧanyna elu jyldai boldy deidı. Degenmen Astana astana bolǧaly, atalmyş şaranyŋ märtebesı köterılıp qalǧanyn jasyrmady.
«Qys örnegınde» türlı jarystarǧa laiyqtalǧan alaŋdar qūryldy. Şaqyrymdy şaqtaityn şaŋǧy joldaryna qosa, hokkei men şaǧyn futbolǧa, motokrossqa jäne arqan tartyp, kır tasyn tasyn köterıp, beldesıp, qol kürestırıp küş synauşylarǧa arnaiy jaǧdai jasaldy.
Merekenı körıktı etken köpşılıktıŋ ışınde käsıbi jäne äuesqoi sportşylar, oquşylar, studentter, mūǧalımder, äskeriler jäne türlı mekemelerdıŋ qyzmetkerlerı bar. Olardyŋ eŋ köbı şaŋǧy jarysynda baq synady. Dälırek aitsaq, şaŋǧy jarysyna – 1500, kır tasyn köteru men qol küresıne – 45, şaibaly hokkeige – 60, şaǧyn futbolǧa – 50, motokrossqa – 30, arqan tartuǧa – 200, belbeu küresıne 30 adam qatysty.
Sonymen, şaŋǧy jarysynda jüzden jüirık şyqqandardyŋ qarasy köp boldy. Aldymen, 1 şaqyrymǧa sozylǧan simvoldyq jarysta bärınen būryn deputat Abai Tasbolatov keldı. Küştık qūrylymdar jıgıtterınıŋ ışınen Ruslan Qojaev şaŋǧy tebude aldyna jan salmady. Qyzdardyŋ arasynda Nūrsäule Däuletqalieva bırınşı boldy.
Kezek balalar men jasöspırımderge kelgende, olardyŋ arasynan türlı jas erekşelıkterıne qarai Berık Boranbaev, Vsevolod Geramişenko, Dmitrii Adamovich, Nikita Afanasev, Ämır Abduahitov, İvan Afanasev esımdı ūldar bärınen üzdık şyqty. Al qyzdardan Elmira Moldaşeva, Angelina Soloveva, Mariia Geraşenko, Ekaterina Moskalenko esımdı arular altynnan alqa taqty.
Sonymen qatar, ardagerlerdıŋ ışınen Andrei Gerasimenko (40-49 jas), Roman Kazemirchik (50-59 jas), Vasilii Kuşin (60-69 jas) jeŋımpaz boldy. 50 jasqa deiıngı äielderdıŋ ışınen Olga Selezneva märe syzyǧyn bırınşı bolyp kestı.
Belbeu küresınen Ernar Qozy (75 kg) men Jalǧas Şynkeev (+75 kg) chempion atandy. 16 kelı tartatyn kır tasyn Serık Abdahin men 24 kelılıktı Maǧjan Ahmetov eŋ köp köterdı.
Sondai-aq, arqan tartu, qol küres, şaǧyn futbol, şaibaly hokkei, motokross sekıldı sport türlerınen jeŋımpazdar anyqtaldy.
Orynbek ÖTEMŪRAT
