Jylytu mausymyna daiarlyq
2019-2020 jyldardyŋ jylytu kezeŋıne «Astana-Energiia» AQ jylu-energetikalyq ortalyqtarynyŋ jalpy daiyndyǧy 77,9 paiyzdy qūrady: JEO-1 – 68,8 paiyz, JEO-2 – 79 paiyz daiyn. Audandyq qazandyqtardyŋ daiyndyǧy – 91,5 paiyz. Qazirgi künı JEO-lar üşın 20 künge şaqtalǧan kömır qory tūr. Būǧan qosa, 10 myŋ tonna mazut janarmaiy taǧy bar.
Sondai-aq jylu beru mausymyna «Astana-Teplotranzit» AQ – 55 paiyz, «Astana-AEK» AQ 72 paiyz sailanǧan. Onyŋ 30 şaqyrymǧa sozylǧan kabel jüiesi auystyrylǧan. JEO-1 men JEO-2 arasyn jalǧaityn jalpy ūzyndyǧy 6,2 km jylu magistralı qalany jylumen eş kedergısız jabdyqtap tūruy üşın eskırgen qūbyrlar jaŋaǧa auystyrylu üstınde. Būl jūmystar da bekıtılgen kestege sai jürgızılıp keledı.
Al äleumettık-mädeni sala boiynşa qysqa daiarlyq jaǧdaiy bırşama köş ılgerı. Bilim beru, densaulyq saqtau, mədeniet nysandary jylu beru mausymyna josparǧa säikes daiyndalyp jatyr, eşqandai qiyndyq joq. Qazırgı künı olardyŋ sailylyǧy 90 paiyzdan asty. Basqarma basşysynyŋ aituynşa, qaladaǧy 173 bılım beru nysanynyŋ 164-i, 38 densaulyq saqtau nysanynyŋ 36-sy, al 14 mädeniet nysanynyŋ 11-i daiyn.
Äleumettıŋ qamy qalai?
Büginde elordada 2512 tūrǧyn üi ortalyqtandyrylǧan jylu jüiesine qosylǧan. Onyŋ 87 paiyzy aldaǧy mausymǧa daiyn. Degenmen būl salada əli de problemalar bar. Ol audandyq əkimdiktermen birlesip qarastyrylyp jatyr. Problemalardyŋ arasynda PİK məselesi, tūrǧyndardyŋ tūtynǧan qyzmetter üşın uaqytyly aqşa tölemeuı siiaqty keleŋsızdıkter, özara kikıljıŋder sekildi tüitkilder az emes.
Ötken jyldardyŋ täjıribesıne süiensek, Nūr-Sūltan qalasyn qatty otynmen qamtamasyz etu üşın 420 myŋ tonnadai kömır qajet. Qajettı otyn jylu beru mausymy bastalǧanǧa deiın tolyqtai jetkızıluı tiıs. Basqarma basşysynyŋ aituynşa, osy kölemnıŋ ışıne tūrǧylyqty halyqtyŋ qajettılıgınen artylyp, körşı oblystyŋ tūtynuşylary satyp alady degen 20 paiyz da eseptelgen. Tek, qys közı qyrauda, halyqtyŋ otynǧa degen sūranysy jappai artyp, bärı bırdei kömır satyp alam dep dürlıgıp, özderı erıksız kezek tudyryp alatyny bar, sodan saqtanǧan dūrys.
– Halyqty kömirmen qamtamasyz etu – jyldan-jylǧa jalǧasyp kele jatqan məsele. Bügınde qalada iri 7 kömir satatyn kompaniia bar. Biz olarmen baǧalardy bekıtu jönındegı memorandumǧa qol qoidyq. Baǧalar 12-14 myŋ teŋge aralyǧyn qūraidy. Olar qatty otynnyŋ sapasyna, sūrpyna qarai baǧalanady. Būdan bölek, 109 telefon nömırı boiynşa «ıKomek» qauyrt jelısı qūryldy, onda tūrǧyndar kömırlerdıŋ baǧasy, türlerı jäne qorlary boiynşa qajet aqparat ala alady, – deidi Erbol Töleuov.
Sondai-aq äleumettık osal toptardaǧy elordalyqtarǧa kömır satyp aluǧa 20200 teŋge kölemınde bır rettık äleumettık kömek berıledı. Äleumettık kömek körsetu, onyŋ mölşerlerın belgıleu jäne mūqtaj azamattardyŋ jeke sanattarynyŋ tızbesın aiqyndau qaǧidalaryna säikes, qatty otyndy satyp aluǧa äleumettık kömek tört eŋ tömengı künkörıs deŋgeiınen aspaityn tabysy bar otbasylarǧa, peşpen jylytylatyn jer üilerde tūratyn mügedekterge, mügedek balalarǧa, zeinetkerlerge, köpbalaly otbasylarǧa körsetıledı. Järdemaqy jylytu mausymynda bır ret berıledı. Atalǧan somaǧa kömırdı jetkızıp beru qyzmetı kıredı.
