Nūrsūltan Nazarbaev Qytai Halyq Respublikasynyŋ Töraǧasy Si Szinpinmen Beijıŋde kezdesu ötkızdı. Resmi kezdesu räsımınen keiın ekı el basşylary keŋeitılgen qūramda kelıssöz jürgızdı.
Qazaqstan Prezidentı Qytai tarapyna memlekettık saparmen keluge şaqyrǧany üşın rizaşylyq bıldırıp, dästürlı qonaqjailyq körsetkenın atap öttı.
Nūrsūltan Nazarbaev «Qytai armanyn» jüzege asyru ısınde el memlekettılıgınıŋ tıregı sanalatyn Qytai Kompartiiasy rölınıŋ artqanyna toqtaldy.
Qazaqstan Prezidentı 2012 jyldan berı joǧary deŋgeidegı 18 kezdesu ötkenın aityp, Qazaqstan-Qytai qatynastarynyŋ qarqyndy damyp kele jatqanyna nazar audardy.
– Osy uaqyt ışınde bız jalpy somasy 67 milliard dollar kölemındegı ekı jaqty 127 qūjatqa qol qoidyq. Bızge osy dialogty jalǧastyru qajet. Byltyr özara sauda kölemı 11 milliard dollarǧa juyqtady. Būl jerdegı ösım 30 paiyzdan astam. Ekı jaqty qatynastarymyzdy ılgerıletu üşın bızdıŋ būdan da zor äleuetımız bar, – dedı Nūrsūltan Nazarbaev.
Memleket basşysy Qytai Halyq Respublikasy Töraǧasynyŋ dostyq, teŋ qūqylyq, özara yntymaqtastyq jäne memlekettık egemendıktı qūrmetteu ruhynda tatu körşılık qatynastardy däiektı damytu ısındegı jeke ülesın joǧary baǧalady.
– Sızdıŋ Jıbek jolynyŋ ekonomikalyq beldeuın qalyptastyru jönındegı bastamaŋyzdy ıske asyru barysynda bızdıŋ yntymaqtastyǧymyz nyǧaia tüstı, – dedı Nūrsūltan Nazarbaev.
Qytai Halyq Respublikasynyŋ Töraǧasy tatu körşılıktıŋ ülgısıne ainalǧan ekı jaqty yqpaldastyqtyŋ joǧary qarqynmen damyp kele jatqanyna toqtalyp, bırlesken infraqūrylymdyq bastamalardy, sonyŋ ışınde «Bır beldeu, bır jol» baǧdarlamasyn ıske asyru ısınde özara senım men yntymaqtastyqtyŋ nyǧaiǧanyn atap öttı.
– Bız adamzattyŋ ortaq taǧdyryn qalyptastyru jolynda Qazaqstanmen bırge boluǧa jäne adamzattyŋ jarqyn bolaşaǧy üşın aqyl-oiymyz ben küş-jıgerımızdı jūmyldyruǧa daiynbyz. Men Qazaqstan-Qytai dostyǧynyŋ alyp kemesın Sızben bırge basqaruǧa äzırmın, – dedı Si Szinpin.
Kelıssözder barysynda Qytai tarapy Qazaqstannyŋ ekologiialyq tūrǧydan taza auyl şaruaşylyǧy önımın öz naryǧyna jetkızuge, energetika salasyndaǧy, mūnai-gaz keşenındegı, sondai-aq mädeni-gumanitarlyq bailanystar, jaŋa tehnologiialar men sifrlandyru salalaryndaǧy ekı jaqty yntymaqtastyqty tereŋdetuge müddelılık tanytty.
Kezdesu soŋynda Qazaqstan Prezidentı Qytai Halyq Respublikasynyŋ Töraǧasyn Qazaqstanǧa resmi saparmen keluge şaqyrdy.
Sapardyŋ nätijelerı boiynşa 9 qūjatqa qol qoiyldy.
