«HQKO» mobildı qosymşasynda beinekonsultasiia arqyly körsetıletın memlekettık qyzmetter pilottyq rejimde qoljetımdı. Qazırgı uaqytta 34 anyqtamanyŋ sifrlyq ainalym mümkındıgı jüzege asyrylǧan. eGov mobile mobildı qosymşasynda qūjattardyŋ 18 türın qamtityn «Sifrlyq qūjat» servisı ıske asyryldy. Bügınde būl qyzmettı 6 million adam paidalanǧan.
Memlekettık qyzmetter körsetu salasynda olardy oŋtailandyru, avtomattandyru jäne «bır tereze» qaǧidaty boiynşa körsetu jolǧa qoiyldy. Halyqqa qyzmet körsetu, aqparattyq jüielerdıŋ jūmysy, elektrondyq qūjat jäne elektrondyq sifrlyq qoltaŋba mäselelerı şeşılıp keledı. «Azamattarǧa arnalǧan ükımet» memlekettık korporasiiasynyŋ qyzmetın üilestırudı jüzege asyrady, «elektrondyq ükımet» jäne 1414 bıryŋǧai bailanys ortalyǧynyŋ jūmysymen ärbır astanalyq tanys deuge bolady. Sifrlandyru salasyndaǧy mūndai jetıstıkter ötken jyly BŪŪ-nyŋ elektrondyq ükımettı damytudyŋ jahandyq reitingınde Qazaqstan 29-orynǧa köterıldı. Būl reiting är 2 jyl saiyn jasalady jäne BŪŪ-ǧa müşe 193 eldıŋ körsetkışterı baǧalanady. 2020 jylǧy reiting memleketterdıŋ 2018-2019 jyldary jürgızgen jūmystarynyŋ nätijesıne negızdelgen.
Elektrondyq ükımet qūru ısı bilık organdarynyŋ jūmysyn anaǧūrlym tiımdı, azamattarǧa qoljetımdı etu üşın qajet boldy. Būryndary ärbır memlekettık organ öz betınşe «oqşau ömır sürıp», basqalarymen bailanysqa tüse qoimaityn, al azamattardyŋ aluan türlı anyqtama, rastama sekıldı özge de qaǧazdardy jinau üşın tolyp jatqan instansiialardan ötuıne tura keletın. Osynyŋ barlyǧy bır ǧana qyzmet türın paidalanu üşın tolyp jatqan mekemeler tabaldyryǧyn tozdyruǧa mäjbürleitın. Bügınde elektrondyq ükımet jobalarynyŋ arqasynda ol zaman kelmeske kettı.
Elektrondyq ükımet – aqparattyq tehnologiialar kömegımen ışınara kelısuşılıktı qamtamasyz etetın, memleket pen azamattar arasyndaǧy, sondai-aq, memlekettık organdardyŋ özara ärekettestıgınıŋ bıryŋǧai mehanizmı. Memlekettık organdarǧa kezektı qysqartyp, anyqtama, kuälık, rūqsat qūjattaryn jäne taǧy basqalaryn aludy jeŋıldetuge ärı jyldamdatuǧa mümkındık bergen de däl osy mehanizm.
TMD elderı arasynda Qazaqstan 1-oryndy ielendı. Qazaqstannan keiın Resei (36), Belarus (40), Ukraina (69), Moldova (79), Özbekstan (87) jäne t. b.elder ornalasqan.
Jaqynda ǧana IDC Excellence Awards 2021 nūsqasy boiynşa Nūr-Sūltan qalasynyŋ Sifrlandyru jäne memlekettık qyzmetter basqarmasynyŋ basşysy Botagöz Qasabek Ortalyq Aziia men TMD-nyŋ 11 elı arasynda Digital Leader syilyǧyn aldy, onyŋ ışınde Armeniia, Äzerbaijan, Belarus, Gruziia, Qazaqstan, Qyrǧyzstan, Moŋǧoliia, Täjıkstan, Türıkmenstan, Ukraina jäne Özbekstan bar. Ötken jūmada Nūr-Sūltanda IDC CIO Summit 2021 öttı, onyŋ barysynda türlı elden kelgen CIO jaŋa jaǧdailarda aqparattyq tehnologiialar salasyndaǧy şeşımderdı, täsılderdı jäne üzdık täjıribelerdı ūsyndy.
