Keşe Ädep kodeksınde belgılengen erejelerdı saqtaudy küşeitu maqsatynda Qazaqstan Respublikasy Memlekettık qyzmet ısterı jäne sybailas jemqorlyqqa qarsy ıs-qimyl agenttıgınıŋ bastamasymen Astana qalasy äkımdıgı men jergılıktı atqaruşy memlekettık organdardyŋ qyzmettık kölıkterıne senım telefony körsetılgen arnaiy japsyrmalardy japsyru şarasy öttı.
Atalmyş agenttıktıŋ ökılderı men äkımdık qyzmetkerlerınıŋ qatysuymen ötken şara barysynda 30 qyzmettık avtokölıkke arnaiy japsyrmalar japsyryldy. Mūndai japsyrmalardyŋ qalalyq äkımdıktıŋ bazasyndaǧy 400-ge juyq kölıktıŋ barlyǧyna japsyrylatynyn aitady mamandar. Būdan bylai eger de äkımdıktıŋ jäne jergılıktı atqaruşy memlekettık organdardyŋ qyzmettık kölıkterın jūmys uaqytynan tys, iaǧni tüngı uaqyttarda kafe, meiramhana, kinoteatr, tüngı klub siiaqty käsıporyndardyŋ maŋaiynan közıŋız şalyp qalsa, būl jönınde japsyrmada körsetılgen sybailas jemqorlyqqa qarsy media ortalyqtyŋ senım telefonyna habarlasyp nemese WhatsApp jelısı arqyly suret, beine iaki audio aqparatty joldauǧa mümkındıgıŋız bar. QR Memlekettık qyzmet ısterı turaly zaŋǧa säikes, qyzmettık tärtıptı būzuşylarǧa tiıstı şaralar qoldanylmaq.
– Öitkenı kez kelgen memlekettık mülık tek qana qyzmettık maqsatta ǧana paidalanyluy tiıs. Jeke maqsatta qoldanyluǧa qataŋ tyiym salynady. Eger mūndai tärtıp būzuşylyq anyqtalǧan jaǧdaida, qyzmetşı bırınşı ret tärtıptık jazaǧa tartylady. Al eger mūndai tärtıp būzuşylyq qaitalanǧan jaǧdaida lauazymynan tömendetılıp, tıptı jūmystan quyluy da mümkın, – deidı Qazaqstan Respublikasynyŋ Memlekettık qyzmet ısterı jäne sybailas jemqorlyqqa qarsy ıs-qimyl agenttıgınıŋ Astana qalasy boiynşa departamentınıŋ memlekettık qyzmet salasyn baqylau jönındegı basqarma basşysy Ernar Mahanov tılşılerge bergen sūhbatynda.
Qazaqstan Respublikasy Memlekettık qyzmet ısterı jäne sybailas jemqorlyqqa qarsy ıs-qimyl agenttıgınıŋ Astana qalasy boiynşa departamentınıŋ direktory Quanyş Jabaqovtyŋ sözıne süiensek, qyzmettık kölıkke mūndai japsyrmalardy japsyru būǧan deiın Qostanai, Şyǧys Qazaqstan jäne Qaraǧandy oblystarynda jüzege asqan eken. Endı mūndai şara elımızdıŋ barlyq aimaqtarynda qolǧa alynbaq.
Nūrdäulet KÄKIŞEV
