Keşe Nūr-Sūltan qalasy äkımdıgınıŋ baspasöz ortalyǧynda ındettıŋ taraluyna, qaladaǧy karantin rejimınıŋ saqtaluyna qatysty onlain brifing öttı.
Esterıŋızde bolsa, 10 jeltoqsannan bastap elorda koronavirus infeksiiasy boiynşa «qyzyl aimaqqa» kırgen edı. Osyǧan bailanysty karantin talaptaryn baqylaityn monitoring tobynyŋ jūmysy jalǧasuda. Kezdesude Nūr-Sūltan qalasynyŋ bas sanitarlyq därıgerı Janna Pırälieva 13 nauryz-10 jeltoqsan aralyǧynda bas şaharda 16880 ındetke şaldyqqandar tırkelgenın atap aitty. «Qazırgı uaqytta 23934 adam karantinnen şyǧaryldy. 15583 adam ambulatoriialyq em aldy. Bügınge deiın 340 adam qaitys boldy. 837 adam stasionarlyq jäne ambulatoriialyq em alyp jatyr. Koronavirus infeksiiasynyŋ tırkeluı älı de jalǧasuda. Täulıgıne 50-120-ǧa deiın auru belgılerı tırkelude» dedı Janna Pırälieva.
Qoǧamdyq densaulyq saqtau basqarmasynyŋ basşysy Timur Mūratov elordadaǧy infeksiialyq stasionarlarda därı qorynyŋ jetkılıktı ekenın atap öttı. «Qazırgı uaqytta qalanyŋ infeksiialyq stasionarlarynda 204 nauqas em alyp jatyr. Jalpy tösek oryndar sany – 560. Onyŋ 38 paiyzy bos emes, iaǧni nauqastar jatqyzylǧan. Al 705 nauqas ambulatorlyq türde em aluda. Būl degenımız – simptomsyz jaǧdailar. Mobildı brigadalar olardyŋ üiıne qajettı därılerın aparyp berıp jatyr. Aldyn ala daiyndalǧan jaǧdai boiynşa qazırgı künde negızgı küş ambulatorlyq emdeuge tüsıp otyr. Är emhanada 2-3 filtr kabinetten aşyldy. Eger jedel respiratorlyq infeksiialardyŋ simptomdary bolsa, nauqastar özderı emhanaǧa baryp, bölek esıkten kırıp, sol filtr kabinetterde qyzuy ölşenıp, PTR test tapsyra alady. Al eger nauqastyŋ jaǧdaiy naşarlasa, 103 nömırıne nemese jaqyn jerdegı ambulatoriialyq emhanaǧa habarlasyp, mobildı topty üiıne şaqyra alady. Olar üige därı-därmekpen jäne PTR test aluǧa arnalǧan qūralmen bırge barady. Qazırgı uaqytta qaladaǧy stasionarlarda därı qory jetkılıktı. Ottegımen qamtamasyz etılgen» dedı ol.
Monitoringtık toptyŋ reidtık jūmystary nätijesınde sanitarlyq talapty būzǧan 107 qoǧamdyq tamaqtanu nysany, 9 düken, köŋıl köteru nysandary, 41 SOO janyndaǧy batut ortalyǧy, oiyn-sauyq ortalyǧy, tüngı klub jäne 1 şinomontaj anyqtalǧan. «Qazırgı uaqytta aldaǧy merekelerge bailanysty äleumettık jelılerde korporativtık keşter ūiymdastyrylatyny turaly aqparattar tüsıp jatyr. Bız būl boiynşa arnaiy monitoring jürgızdık. Qoǧamdyq oryndar, äsırese köŋıl köteru oryndary, azamattar köp şoǧyrlanatyn tūstar tolyqtai baqylauymyzda» dedı Polisiia departamentı Jergılıktı polisiia qyzmetiniŋ bastyǧy Ǧosman Jakin.
Nūr-Sūltan qalasynyŋ bas sanitarlyq därıgerı Täuelsızdık künınde qala tūrǧyndarynyŋ 4 kün demalatynyn aityp: «Osy meiram künderı barynşa saqtyqpen üide bolyŋyzdar. Jaqyndaryŋyzdyŋ jäne özderıŋızdıŋ densaulyqtaryŋyzdy saqtaŋyzdar» dep eskerttı.
