Elordanyŋ Densaulyq saqtau basqarmasynyŋ mälımetı boiynşa Astanada qyzylşa asqynyp tūr. Äsırese balalar arasynda qyzylşamen auyratyndar köbeiıp barady.
Qaladaǧy №3 köpsalaly qalalyq balalar auruhanasynda qyzylşadan emdeu üşın tösek-oryn sany 557-ge deiın ūlǧaidy. Sondai-aq jansaqtau bölımşesındegı oryndar da köbeigen.
Mamandardyŋ aituynşa, qyzylşamen auyrǧan balalardyŋ 70 paiyzy arnaiy ekpe almaǧandar bolyp otyr. Sondyqtan qyzylşanyŋ aldyn alu jäne odan qorǧanu üşın ekpe alu maŋyzdy sanalady. Ekpenı qalanyŋ barlyq emhasynan tegın aluǧa bolady.
Ötken aptada elordada qyzylşa auruynyŋ küşeiuıne bailanysty emdeu mekemelerıne tüsetın jükteme artty. Nauqastardyŋ köbı ekpe almaǧan balalar eken, bır aita keterlıgı, olardyŋ arasynda eresekter de bar.
Mäselen, qaladaǧy №3 köpsalaly qalalyq balalar auruhanasy 300 tösek-orynǧa arnalsa da, qyzylşamen auyryp keletınderdıŋ köbeiuıne bailanysty mekemedegı tösek sany 557-ge jäne taǧy 20 jansaqtau oryndaryna deiın ūlǧaiǧan.
– Köptegen ata-ana älı künge deiın qyzylşanyŋ qanşalyqty qauıptı ekenın tüsınbeidı. Keibırı jeke senımıne qarai balalardy vaksinasiialaudan bas tartady. Senımsız faktılerge süienedı. Bıraq būl auru basqa aurulardyŋ asqynuyna aparady. Nauqas balada qyzylşadan midyŋ ısınuı, ökpenıŋ abssessı siiaqty auyr zardaptar paida bolyp, būl onyŋ saŋyrau bolyp qaluyna äkeluı mümkın, – deidı infeksiia bölımınıŋ meŋgeruşısı Gülmira Nūrtazina.
Atalǧan auruhananyŋ reanimasiia bölımınıŋ meŋgeruşısı Ekaterina Bulatovanyŋ aituynşa, qazır auruhanada qyzylşamen 6 nauqas reanimasiiada jatyr. Olardyŋ törteuı auyr, ekeuı öte auyr jaǧdaida. Qazır būl balalardyŋ ata-anasy dabyl qaǧyp, üreilenıp, balalary üşın alaŋdauda. Negızınen, 14 jasqa deiıngı balalar auyrady. Sondai-aq eresekter arasynda qyzylşaǧa qarsy eşqaşan vaksina almaǧan nemese vaksinasiia küntızbesıne säikes revaksinasiialanbaǧan adamdar da kezdesedı. Därıgerler eger būryn qyzylşa auruy, negızınen, bır jastan asqan balalarda köp bolsa, qazır nauqastardyŋ arasynda 5-6 ailyq balalar da bar ekenın aitady.
Osyndai jüktemege bailanysty qazır auruhanalarda därıgerdıŋ qabyldauyn kütu uaqyty keide 1,5-3 saǧattan asyp ketıp otyr, sebebı nauqastardyŋ jedel medisinalyq järdem jäne özın-özı emdeu boiynşa ötınışterınıŋ sany 2,5 esege deiın östı. Osyǧan bailanysty jalpy qabyldau bölmesınde därıgerlerdı qabyldaudyŋ 8 beketı, onyŋ ışınde qyzylşa boiynşa qabyldau bölmesınde 2 beket jūmysy ūiymdastyryldy. Täuekel tobyndaǧy balalarǧa kezekten tys qyzmet körsetıledı. Sondai-aq ärbır infeksiialyq bölımşede qosymşa orta medisinalyq personaldyŋ taǧy bır beketı jūmys ısteude.
Elordanyŋ qoǧamdyq Densaulyq saqtau basqarmasynyŋ mälımetınşe, qalada qyzylşa boiynşa tösek-oryndardyŋ jalpy sanynyŋ jüktemesı 42 paiyzdy qūraidy. Eresekter arasynda qyzylşamen stasionarlyq emdeude 63 nauqas jatyr. Bır jastan 7 jasqa deiıngı balalardyŋ 70 paiyzy qyzylşamen auruhanada emdelude. Būl – vaksina almaǧan balalar, al ekpe saldyrǧandar aurudy ambulatorlyq deŋgeide oŋai köteredı. Olardyŋ denesınde dene qyzuy qatty bolmaidy, börtpe köp şyqpaidy. Vaksina alǧanynyŋ arqasynda auru 3-5 kün ışınde tez ötıp ketedı. Därıgerler qyzylşanyŋ aldyn alu jäne qorǧau joly vaksinasiia ekenın eske salady. Qazır elordada qyzylşaǧa qarsy 6 aidan bastap balalardy qosymşa jappai immundau jūmysy jalǧasuda. Ekpenı qalanyŋ barlyq emhanasynda tegın aluǧa bolady.
