Ospanälieva Räşkül Jälelqyzy 1961 jyly 20 qazanda düniege kelgen. Bılımı joǧary, 1984 jyly Jambyl jeŋıl jäne tamaq önerkäsıbı institutynyŋ Almaty filialyn bıtırgen. Mamandyǧy – injener-tehnolog.
Eŋbek jolyn 1978-1979 jyly Jambyl oblysyndaǧy Abai orta mektebınıŋ mūǧalımınen bastaǧan. 1984-1991 jyldary Şymkent qalasynda «Şymkent astyq önımderı» kombinatynyŋ nūsqauşy-tälımgerı, injener-metrology, öndırıstık-tehnikalyq bölımnıŋ aǧa injenerı, karbomid sehynyŋ tehnik-laboranty, 1992-1994 jyldary Şymkent qalasyndaǧy №35 orta mektepte bastauyş synyp mūǧalımı boldy. Odan keiın jeke käsıpkerlıkpen ainalysyp, «Ainūr» şaştaraz salonyn aşady. 1997-1998 jyldary Şymkent qalasynda «Qanat» JŞS-nıŋ direktory qyzmetın atqarady. 1998 jyly «Bereke» JŞS-nıŋ direktory bolǧan Räşkül Jälelqyzy – qazır «Bereke A korporasiiasy» JŞS-nıŋ prezidentı.
Bırneşe ret Oŋtüstık Qazaqstan oblystyq jäne Şymkent qalalyq mäslihattaryna deputat bolyp sailandy. Bırneşe memlekettık marapatqa ie. Jambyl oblysy Şu audanynyŋ, Türkıstan oblysy Bäidıbek, Tölebi audandarynyŋ Qūrmettı azamaty.
«Qazır jūmyla jūmys ısteitın uaqyt»
– Räşkül Jälelqyzy, sız halyq igılıgı men müddesı jolynda aianbai ter tögıp kele jatqan elge belgılı, qadırı men abyroiy bar, sözı ötımdı erek adamsyz. Mäslihat deputaty retınde köpşılıktıŋ kökeikestı mäselelerın şeşuge de tıkelei aralasatynyŋyzdy jūrtşylyq jaqsy bıledı. Jergılıktı jerdıŋ äleumettık-tūrmystyq jaǧdaiyn, bizneske bailanysty tüitkıldı mäselelerın jaqsy bıletın bedelı biık käsıpkersız, halyqpen de, bilıkpen de qarym-qatynasyŋyz jaqsy, jūrttyŋ pıkırıne jürdım-bardym qaramai, qūlaq asatyn deputatsyz, aityŋyzşy, qaita sailanǧan Memleket basşysynyŋ ūstanǧan saiasaty men közqarasyn köpşılık qūptap otyr dep sanaisyz ba?
– Men jaǧympazdyq pen jalpaqtaudy suqanym süimeitın adammyn. Eger jaŋa özıŋ aitqan azdy-köptı abyroi-bedelge ie bolsam, oǧan adal eŋbekpen jettım, eşkımge jastyq bolyp jalpaqtaǧanym joq. «Bardy bar, joqty joq» dep betke aitatyn turaşyldyǧymnan talai ret «taiaq jesem» de, sol mınezımnen ainyǧan emespın, ainymaimyn da.
Şynyn aitaiyn, Memleket basşysynyŋ saiasaty men baǧyt-baǧdary öte dūrys. Jaŋa Qazaqstandy qūru jolyndaǧy naqty jäne tabandy ıs-äreketı köptıŋ kökeiınen şyǧyp otyr. Basqasyn aitpaǧanda, Prezidenttıŋ Qazaqstan halqyna arnaǧan soŋǧy Joldauyn alaiyq. Onda Qasym-Jomart Kemelūly jaŋa ekonomikalyq baǧdarymyzdyŋ basty basymdyqtaryn atap bergen joq pa? Onyŋ ışınde jaŋadan käsıp aşamyn degenderge ülken qoldau bar. Olarǧa qaitarymsyz memlekettık grant berudıŋ özı zor demeu emes pe? Tıptı jeŋıldetılgen tärtıppen jyldyq ösımı 2,5 paiyz bolatyn şaǧyn nesie berıletının aitty. Būl – ülken qoldau. Jeŋıldetılgen nesie – jastar arasynda käsıpkerlıktı damytudyŋ jaŋa mümkındıgı. Menıŋ biznes salasynda eŋbek etıp kele jatqanyma otyz jylǧa juyq uaqyt bolyp qaldy, būǧan deiın jeŋıldetılgen nesie degendı körgen de, estıgen de emespın.
Bolaşaq ūrpaqtyŋ igılıgı üşın «Ūlttyq qor – balalarǧa» atty jaŋa baǧdarlama qolǧa alyndy. Būl – ärbır otbasy elımız paidalanyp jatqan ūlttyq bailyqtyŋ igılıgın köretın jaǧdai. Jinaqtalǧan qarjy balalar kämelet jasyna tolǧannan keiın olardyŋ baspana nemese bılım aluyna jūmsalatyn bolady. Būl adam kapitalyn damytuǧa öz septıgın tigızetını anyq.
Qasym-Jomart Toqaev halyqqa Joldauynda är saladaǧy kıltipan tūstardy jıpke tızıp berıp, odan arylu üşın tübegeilı reforma jürgızu qajettıgın aitty. Ärine,onyŋ ıske asuyna uaqyt kerek. Qazırgı taŋdaǧy qarqyndy qimyl-äreketke qaraǧanda, reformalardyŋ oidaǧydai oryndalatynyna senuge bolady.
Qarap otyrsaq, Prezidenttıŋ dūrys saiasaty arqasynda qazır memleket pen halyq bır-bırıne etene jaqyndai tüstı. Türlı äleumettık jelı arqyly memleket tūrǧyndarmen belsendı bailanys jasap otyr.
Şynyn aitaiyn, Memleket basşysynyŋ saiasaty men baǧyt-baǧdary öte dūrys. Jaŋa Qazaqstandy qūru jolyndaǧy naqty jäne tabandy ıs-äreketı köptıŋ kökeiınen şyǧyp otyr
Mäjılıs pen mäslihattarǧa deputattardy sailau jaŋa sipatta ötkızılmek. Jalpy, Memleket basşysynyŋ ekonomika men saiasi jüiege, äleumettık jäne basqa da salalarǧa bailanysty qolǧa alǧan auqymdy ısterıne köŋıl süisınedı. Endı sony syrttai baqylap otyrmai, ärqaisymyz qoldan keler ülesımızdı qosuymyz qajet. Qazır jūmyla jūmys ısteitın uaqyt. Sonda ǧana memleketımız damyp, halyqtyŋ äl-auqaty artady.
– Sızdıŋ deputattyq dodaǧa taǧy da tüsu josparyŋyzda bar ma?
– Būl sūraǧyŋyzǧa jauap bermes būryn säl-päl şegınıs jasaiyq. Keşegı keŋestık jüie kezınde qarapaiym jūmys ısteitın, belsendılıgı baiqala qoimaityn äielderdı qolynan jetelep aparyp «jasandy deputat» jasaityn edı ǧoi. Tıptı būl künı elımız täuelsızdık alǧannan keiın de jalǧasqan joq pa? Bıreudıŋ özı jaqsy, bıreudıŋ közı jaqsy, bıreudıŋ kökesı jaqsy degendei, deputattyq korpusqa kezdeisoq adamdar ötıp kettı. Sony körıp jürgen men osyndai keleŋsızdıkke şydai almai, 2003 jyly alǧaş ret oblystyq mäslihat deputattyǧyna sailanu üşın baq synaǧym keldı. Alaida keibır kısıler kandidaturamdy qaityp aldyrtty. Tıptı reketterdı de jıbergenı bar. Arada ekı jyldai uaqyt ötkende Şymkent qalalyq mäslihatyndaǧy bosaǧan orynǧa deputat bolyp sailandym. Odan oblystyq mäslihattyŋ mandatyn ielenu baǧyma būiyrdy.
Qazır zaman özgerdı, uaqyt basqa. Bügıngı taŋda äbden ysylǧan, ömır körgen, özın saiasat sahnasynda körsete alǧan qyz-kelınşekterge deputat boluǧa mümkındık bar. Sondyqtan nege jaŋa sipatta ötkelı otyrǧan deputattyq dodaǧa taǧy da tüsıp, baǧymdy synap körmeske?.
– Keibıreuler «Käsıpkerler jeke biznesı üşın deputattyq mandatqa talasady» degendei pıkır aitady. Osy qanşalyqty ras?
Būl – jalǧan pıkır. Menıŋ qalalyq jäne oblystyq mäslihatqa deputat bolǧanyma on jetı jyl boldy. Halyq sailady, senım bıldırdı. Bıraq men üşın jeke biznes pen deputattyqty qatar alyp jüru paida äkelgen joq, kerısınşe kedergı jasady. Deputattyq mandatty ielengenge deiın eşqaida alaŋdamai, jeke biznesımdı oidaǧydai jürgızuge uaqyt jetetın edı, qazır jetpeidı. Sebebı sailauşylardyŋ amanattary az emes. Onyŋ bärın oryndauǧa qyruar qajyr-qairatyŋ men uaqytyŋ ketedı. Ony qoişy, janyŋdy jaralaityn taǧy bır jaǧdai bar: deputat retınde köpşılıkke ortaq mäsele köterseŋız boldy, keibıreuler «Tender ala almai qalǧannan keiın osylai baibalam salyp jatyr» degendei qisynsyz äŋgımelerdıŋ ūşyn şyǧarǧysy keledı. Mūnyŋ menıŋ käsıbıme zalal keltıretın jaǧy da joq emes. Keide deputat retınde qattyraq söilep qoisam, korporasiiany tekserıp, qorqytqysy kelgender de boldy. Bylaişa aitqanda, halyqtyŋ jaǧdaiyna bailanysty özektı mäselelerdı köterıp, batyl söileseŋ, tızesın batyrǧysy keletınder deputat bolǧan alǧaşqy jyldary kezdestı. Bıraq, bärıbır şyndyqty aitpai jüre almaisyŋ ǧoi. Onyŋ üstıne qalada bolsyn, auylda bolsyn, aryz jazudy ädetke ainaldyrǧandar bar. Olar jan-jaqqa jıberetın aryzdaryn deputat ekenımnen bastaitynyn qaitersız? Bıraq, qanǧa sıŋgen qasiet, bärıbır şyndyqty aitpai jüre almaimyn. Aqiqat bärınen qymbat.
– Räşkül Jälelqyzy, qalalyq mäslihatta Joldaudy talqylaǧan bır basqosuda halyq sanyn köbeituge bailanysty da öz ūsynysyŋyzdy aitqanyŋyz bar edı?
– İä, aitqanym ras. Qazaqstanda on toǧyz million halyq tūrady, onyŋ ışınde on ekı milliony – qazaq. Olardyŋ otyz paiyzy – jastar. Jastarǧa jaǧdai jasalsa, tezırek otbasyn qūruǧa tyrysady. Üiı joq, küiı joq bolsa, uaqyt ötkızıp jürıp alady. Bız köpbalaly jas otbasylarǧa jaldamaly päterlerdı jeŋıldıkpen beruımız qajet. Jas şaŋyraq ielerıne jūmys ısteitındei jaǧdai jasap, barynşa qoldau bıldıru kerek. Sonda ǧana Qazaqstanda bala tuu men ösu körsetkışı jaqsy bolady.
– Surrogat analarǧa bailanysty da jaqsy oi aitqan edıŋız?
– Ǧalamtordaǧy kei jarnamany qarasaŋyz, balany toǧyz ai köterıp, bosanǧany üşın surrogat ana toǧyz million teŋge alady eken. Mamandar būdan bölek ai saiyn arnaiy tölemaqy men päteraqy da tölenetının aityp otyr. Reproduktolog Mira Nūraşovanyŋ aituynşa, äielder būǧan köbıne jūmyssyzdyqtan baratyn körınedı.
Bıraq, qazaqqa jat «mūndai jūmys» jaqsylyqqa aparmaidy. Bälkım, äielder tūrmys jaǧdailaryn jaqsartuǧa talpynatyn şyǧar. Bıraq mūndai äreketke barǧan analar toǧyz ai boiy kötergen balasyn bıreuge bergen kezınen bastap, ömır baqi özın kınälap ötuı mümkın. Onyŋ üstıne osyndai jolmen ömırge kelgen säbiler Qazaqstannyŋ bala ösımın köbeitpeidı. Öitkenı olar şetel asyp ketedı. Qazaqstandyq analarǧa köbıne reseilıkterden sūranys köp tüsedı eken. Demek, surrogat analar – osy el halqynyŋ sanyn köbeitedı degen söz.
– Bala turaly äŋgıme qozǧap qaldyq ǧoi, osyǧan sabaqtas taǧy bır mäsele bar, «Şymkentte balalar därıgerı jetpeidı» dep şyryldap jürgenıŋızge bırşama uaqyt boldy…
– Būl da – özektı mäselenıŋ bırı. Şymkentte balalar därıgerlerı tapşy ekenı ras. Büldırşınderdı emhanalarda terapevter qaraidy. Al ekpenı balabaqşa men mektep medbikelerı salady eken. Osy mäselenı özım ǧana emes, qalalyq mäslihat deputattarynyŋ köterıp jürgenıne bırneşe jyl boldy. Menıŋ pıkırım, medisinalyq mekemelerde balalar ülken jastaǧy azamattarmen bırge kezekte tūruy dūrys emes. Pediatr därıgerlerdı köbeitudıŋ jolyn ızdegen jön. Būl – tek Şymkent qalasyna ǧana emes, respublikanyŋ basqa da öŋırlerıne tän özektı mäsele.
«Sauapty ıs adamdy myŋ türlı päleden saqtaidy»
– Qazır Türkıstan öŋırınde, közıŋızge maqtaǧandyq emes, bedel-abyroiyŋyz biık. Būl adal eŋbektıŋ arqasynda ekenın söz basynda aityp qaldyŋyz. Äitse de osyndai deŋgeige jetude otbasyndaǧy tärbienıŋ, äke-şeşenıŋ de yqpaly bolǧan şyǧar…
– Ärine, boldy. Men Jambyl oblysynyŋ Şu audanynda köpbalaly otbasynda östım. On ūl-qyzdyŋ tūŋǧyşymyn. Äkem qyryq toǧyz jasynda ömırden öttı. Bıraq sol az ǧūmyrynyŋ özınde elge syily, qadırlı bola bıldı. Bärımızdı bala künımızden eŋbekke, adaldyqqa tärbieledı. «Bıreudıŋ ala jıbın attama, eşkımge qiianat jasama, tura jür, şamaŋ jetse jaqsylyq jasa, qamqorlyq körset, ösıp-öngen ortaŋdy, auyldastaryŋdy ūmytpa» dep aitudan jalyqpaityn edı, jaryqtyq äkem. Boiymdaǧy turaşyldyq da – äkemnen jūqqan qasiet. Mınezım äkeme tartqan deitın sebebım, şyndyqty betke aityp tastaimyn da, soŋynan kek saqtamaimyn. Tez ūmytamyn. Äkem de osyndai bolatyn.
Anamnyŋ qaitys bolǧanyna köp uaqyt bolǧan joq. Közı jūmylǧanşa auyldaǧy qaraşaŋyraqta tūrdy. Nemerelerın tärbieledı.
Bauyrlarymnyŋ barlyǧy şama-şarqynşa joǧary oqu ornyn bıtırıp, bır-bır mamandyq iesı boldy. Aramyzda mūǧalım de, därıger de, qarjyger de, ekonomist te, käsıpker de bar.
Ata-anamnyŋ ömır jolynan, tuyp-ösken otbasymdaǧy jaǧdaidan köŋılge tüigenım, osy uaqytqa deiın jinaǧan düniemız de, abyroiymyz da, ataǧymyz da – balalarymyz. Öitkenı esıktegı basyŋdy törge süireitın de, kerısınşe tördegı basyŋdy bosaǧaǧa aparatyn da – osy balalaryŋ, olardyŋ ıs-äreketı. Ömırdıŋ mänı perzentpen ölşenedı eken. Allaǧa myŋ märte şükırlık etemın. Ūl-qyzdarym köşten qalmai, laiyqty joǧary bılım aldy, qazır öz qoldary öz auyzdaryna jettı, käsıpkerlıktı döŋgeletıp otyrǧandary da bar. Täuba!
– Osy oŋtüstık öŋırde talai sauapty ıs jasaǧanyŋyzdy jaqsy bılemız, al auylyŋyzda meşıt saluǧa ne sebep boldy?
– Joǧaryda aityp kettım, menıŋ kındık qanym tamǧan jer – Jambyl oblysy Şu audanynyŋ Abai auyly. Şu qarasoranyŋ ordasy ekenı jūrtşylyqqa mälım. Meşıt saldyrtuymnyŋ negızgı sebebı – qarasoranyŋ elge tigızıp jatqan orasan ziianyna bailanysty boldy.
Men sızge esırtkıge bailanysty bır jaǧdaidy aitaiyn. Bala künımde, odan keiın student bolǧan bırınşı jyly da auyldaǧy bauda adamnyŋ boiymen şamalas bolyp, sereiıp ösıp tūratyn şöp esırtkı ekenın bılmeppın ǧoi. Älı esımde, Almatyǧa institutqa tüsken alǧaşqy jyl bolatyn. Studentterdıŋ qolynan diplomat körsek, qyzyǧyp qaraityn uaqyt. Köbımızdıŋ qolymyz jete bermeitın. Bır künı Qaraǧandynyŋ bır jıgıtı qara diplomatty körsetıp, «Räşkül, auyldaryŋda anaşa ösedı eken ǧoi, men osy diplomatty saǧan beremın, sen maǧan anaşa äkelıp berşı» dedı. Sol sätte «Oŋai jerden oljaly boldym ǧoi» dep quanyp kettım. «Auylǧa kelıp, būl jaily eŋ aldymen, äkeme aittym. Äkem şoşyp kettı, «Ol üşın adam sottalady» dedı. Anaşa üşın adam sottalatynyn sol kezde alǧaş ret estıdım. Keiın osy kesapat şöptıŋ kesırınen talai adamnyŋ temır torǧa qamalyp, taǧdyry talqan, otbasy oiran bolǧanyn közım kördı. Auylda qara soranyŋ kesırınen sottalǧan jastardyŋ qatary köbeiıp kettı. Auyl azǧyndap, soranyŋ kesapatynan jastar sorlap jatqanyn körgennen keiın meşıt salu oiyma keldı. Osy arqyly jastardy dūrys jolǧa saluǧa bel budym.
– Räşkül Jälelqyzy, sızge «Jaqsy ıske janaşyr, adamdarǧa jaqsylyq jasauǧa jaqyn tūrady» dep baǧa bergen sözdı talai adamnyŋ auzynan estıdım. Būl atyŋyzdy şyǧaru üşın be, joq älde basqadai sebebı bar ma?
– Būl – äkem men anamnyŋ bala jasymnan qūlaǧyma qūiǧan pälsafasy. Olar «Şamaŋ jetse, qolyŋnan kelse, adamdarǧa jaqsylyq jasaudan taiynba, qol ūşyŋdy ber!» deitın. Sol söz sanamda jattalyp qaldy. «Bereke A» korporasiiasyn qūrǧannan keiın jūmysymyz alǧa basyp, tūrmys-tırşılıgımız tüzelıp, jaǧdaiy joqtarǧa qarailasatyndai mümkındıgımız boldy ǧoi. Jasyratyny joq, keide negızgı jūmysymdy ysyryp qoiyp, kömek sūrap kelgenderdıŋ qarasy köp bolǧandyqtan, solarǧa köbırek köŋıl böluıme tura kelgen kezder de boldy. Bıraq, bır baiqaǧanym, masyldyq ömırge töselıp alatyndar da bolady eken. Olar, qol-aiaǧy sau, aqyl-esı dūrys, bıraq adal eŋbekpen aqşa tapqysy kelmeidı, esesıne qaita-qaita alaqan jaiyp kele bergenge eş arlanbaidy. Soǧan közım jettı. «Eger şyn qinalyp jürseŋız qolymnan kelgen kömegımdı jasaiyn, erıŋızdı nemese balaŋyzdy jūmysqa alaiyn, eŋbek etıp, näpaqasyn tapsyn» desem, «Ne senen jūmys sūrap keldım be, berseŋ aqşaŋdy ber, bermeseŋ basymdy qatyrma» dep özıme tap bergender de boldy. Keide oilaimyn, men käsıbımdı bastau üşın eşkımge alaqan jaimai, tehnika, basqa da kerek-jaraq jabdyqtardy alu üşın milliondaǧan dollar nesie alǧanymdy, ony aitarlyqtai ösımmen qaitaruym kerek ekenın keibıreuler bılmeidı-au şamasy. Maǧan aqşa aspannan jauyp jatqan joq. Tabys tynymsyz tırlık, külkısız künder men ūiqysyz tünder, jüielı jūmys arqyly keledı.
Negızı «Bereke A» korporasiiasy qaiyrymdylyq şaralardan eş uaqytta şet qalǧan emes. Äsırese, qarapaiym adamdar qiyn jaǧdaiǧa tap bolǧanda, janym jai tauyp otyra almaimyn. 2008 jyly Saryaǧaştyŋ bırneşe auylyn su basty. Barar jer, basar tauy joq jūrt baspanasyz, dalada qaldy. Osyǧan köz jūma qarai almadym. Körmegendei, bılmegendei keiıp tanytqymyz kelmedı. Korporasiia tez arada on üi salyp berdı. «Dostyq» auylynda az qamtamasyz etılgen otbasylarǧa alty üi, Qazyǧūrt audanynda on üi salyndy.
Aty-şuly VİCh oqiǧasy kezınde de korporasiia syrt qalǧan joq. Bır balanyŋ tūraqty emdeluıne bar kerektı qarjysyn tölep berdık.
Şymkent qalasy künı keşegıge deiın säulettı ǧimarattarymen maqtana almaǧanyn jūrtşylyq jaqsy bıledı. Basqasyn aitpaǧanda, düniege säbi äkeluden Qazaqstan boiynşa aldyŋǧy orynda tūrǧan şaharda Neke saraiy joq bolatyn. Osyǧan bailanysty oblys äkımı käsıpkerlermen keŋes ötkızgende, biznestıŋ äleumettık jauapkerşılıgı aiasynda osy qūrylysty qolǧa aluǧa niet ettım. Būl korporasiia üşın tabysty bolmasa da, osyndai täuekelge bardym. Ras, qarjyny maŋdai terımızdı syǧyp jürıp, tırnektep tabatynymyzǧa eşkım talas tudyrmaidy. Bıraq täuelsız elımız bolmasa, ol qarjyny qaidan alar edık? Kım beredı ony bızge? Eşkım de bermeidı. Tapqan tabysymyzdy käsıbımızdı döŋgeletıp otyrǧan qalanyŋ körkeiıp, säulettenuı üşın jūmsasaq, onyŋ nesı aiyp?!.
Bärın tızıp aita bersem, maqtanǧandai bolamyn ǧoi. Pandemiia kezınde jūmys toqtaǧanyna qaramastan, adamdarǧa şarapatymyz tisın degen nietpen därı-därmek, ekpe üşın jiyrma bes million teŋge audardyq.
Bızdıŋ korporasiia Şymkent qalasynda ǧana emes Qazyǧūrt, Töle bi, Saryaǧaş jäne Bäidıbek audandarynda da köptegen qaiyrymdylyq ıs-şaralarǧa aralasty.
«Adam balasy baǧyndyra almaityn biık bolmaidy»
– Räşkül Jälelqyzy, şynyŋyzdy aityŋyzşy, myqty käsıpker bolu kez kelgen adamnyŋ qolynan kele me?
– Eger adam aldyna ülken maqsat qoiyp, soǧan jetu üşın qajymas qajyr-qairat körsetse, baǧyndyra almaityn biık bolmaidy. Ärine, bärı taqtaidai tegıs bolady dep aitu qiyn. Sürınesıŋ, qūlaisyŋ, şaldyǧasyŋ, meselıŋ qaitady… Eger soǧan eŋseŋ ezılıp, tauyŋ şaǧylsa, onda asqaq armanyŋ adyra qalady. Bastaǧan ısıŋdı jarty jolda qaldyrmai, soŋyna deiın jetkızuge küş-jıgerıŋdı sarqa jūmsauyŋ kerek. Mūny öz täjıribemnen jaqsy bılemın. Jūbaiym Älışer Tolybaev ekeumız biznestı bastaǧan uaqytta, laiyqty baspanamyz da bolmady. Ekeumızdıŋ ıstemegen käsıbımız joq şyǧar. 1984-1990 jyldar aralyǧynda ökımettıŋ jūmysyn ıstei jürıp, bal arasyn asyraumen ainalystyq. Küz mezgılınde Şymkentte tünge qarai salqyn bolady. Al ara üşın aua raiy jyly boluy kerek. Būl uaqytta Täjıkstanda kün jyp-jyly. Omartalardy sonda köşıretınbız. Būl aituǧa oŋai bolǧanymen, ıs jüzınde öte qiyn.
Odan keiın balapan da ösırdık, mal da baqtyq. Äiteuır Älışer ekeumız üilengen künnen bastap negızgı jūmysymyzben qatar käsıppen de ainalysa bastadyq. Qol qusyryp, qam-qareketsız otyrǧan künımız bolǧan emes. Öitkenı bır ailyqqa qarap otyrsaq, künkörısımız mäz bolmauşy edı.
Ökınışke qarai, osydan üş jyldai būryn joldasym Älışer qatty syrqattanyp, qaitys bolyp kettı, qazır korporasiianyŋ jūmysyn odan ärı özım jalǧastyryp otyrǧan jaiym bar.
– Korporasiianyŋ negızgı ainalysatyn ısı qandai?
– Jol qūrylysy. Köpır salamyz. Tek Türkıstan öŋırınde ǧana emes, respublika kölemınde atqarǧan auqymdy jobalarymyz bar. Basqasyn aitpaǧanda, ǧasyrlyq joba «Batys Qytai – Batys Europa» avtomagistralıne öz ülesımızdı qosqanymyzdy maqtanyş etemız.
Jol qūrylysy materialdaryn da özımız daiyndaimyz. Asfalt zauyttarymyz bar. Ondaǧy jūmys tolyq kompiuterlendırılgen. Jol salatyn, tegısteitın tehnologiialardy ūdaiy jaŋalap tūramyz. Germaniia, Qytai sekıldı memleketterden arnauly mamandar şaqyryp, jaŋa qondyrǧylardyŋ qyr-syryna jūmysşylardy üiretıp, käsıbi şeberlıkterın şyŋdauǧa da jete män beremız.
– Rahmet, sūhbatyŋyzǧa! Jūmystaryŋyz jemıstı bola bersın!
Ǧalym ORYNBASARŪLY
