Mädeniet jäne sport ministrı Däuren Abaev şyǧarmaşylyq, ziialy qauym ökılderınıŋ jäne respublikalyq maŋyzy bar qalalar men oblys äkımderı orynbasarlarynyŋ qatysuymen memlekettık rämızderdıŋ 30 jyldyǧyn merekeleuge arnalǧan keŋes ötkızdı.
«Tarihi tūrǧydan alǧanda, elımızdıŋ basty rämızderı erkındıktı beineleidı jäne azamattarymyzǧa patriottyq ruh beredı. 30 jyl ışınde qoǧamda memlekettık rämızderdı qūrmetteu mädenietı qalyptasty, endı ony qoldap, ılgerıletu qajet» dep atap öttı Däuren Abaev.
Onyŋ aituynşa, Mädeniet jäne sport ministrlıgınıŋ aldynda memlekettık rämızderdıŋ mereitoiyn joǧary deŋgeide ötkızu mındetı tūr. Būl rette, ministr atap ötkendei, negızgı nazar ıs-şaralardyŋ sany men kölemıne emes, olardyŋ män-mazmūny men ūiymdastyru sapasyna audarylatyn bolady. Atap aitqanda, ǧylymi-praktikalyq konferensiialar, mektepterde aşyq sabaqtar men synyp saǧattaryn, körmeler jäne t. b. ötkızu josparlanǧan.
Däuren Abaev ıs-şaralar men kampaniialarǧa qatysudyŋ mäjbürlı tärtıbın boldyrmauǧa şaqyrdy.
«Atqarylatyn jūmystyŋ basty maqsaty – otandastarymyzdyŋ, äsırese jastardyŋ memlekettık rämızder künın jan-jüregımen sezınıp, maqtan tūtuyna jaǧdai jasau – būl Prezident aiqyndaǧan «Jaŋa Qazaqstandy» qūru jolyndaǧy maŋyzdy qadam» dedı ministr.
