Jaqynda «Oqulyq» respublikalyq ǧylymi-praktikalyq ortalyǧynyŋ direktory Ǧani Beisembaev pen «Bas redaktorlar kluby» qoǧamdyq bırlestıgınıŋ prezidentı Bibıgül Jeksenbai özara yntymaqtastyq turaly memorandumǧa qol qoidy. Onlain tärtıppen ötkızılgen şaraǧa Bas redaktorlar klubynyŋ müşelerı men aimaqtyq BAQ basşylary qatysyp, pıkır almasty.
Kün tärtıbındegı özektı mäselelerdıŋ bırı – mektep oqulyqtarynyŋ sapasyn arttyru men balalar arasynda kıtap oqu mädenietın qalyptastyru. Osy oraida «Oqulyq» respublikalyq ǧylymi-praktikalyq ortalyǧynyŋ direktory Ǧani Beisembaev jurnalister qauymyn mazalap jürgen sūraqtarǧa jauap berdı. «Oqulyq mäselesın aitqanda, oiymyzǧa bırneşe tüitkıl oralady. Eŋ äuelı, oqulyqtardyŋ baǧdarlama-jospar tüzılımınde ırı qatelıkterdıŋ boluy. Baǧdarlama ışınen tüzelmei, jüiesı dūrys qūrylmai, oqulyqtardyŋ da tügel sapaly boluy kümändı. Öitkenı bırınşı tüime dūrys qadalmasa, keiıngılerı de dūrys tızılmeidı. Ekınşıden, aita beretın poligrafiialyq, iaki tehnikalyq qatelıkter, suretterdıŋ auysyp ketuı sekıldı olqylyqtar. Üşınşıden, mätın tılınıŋ kürdelılıgı. Mätınderdı balalar tügılı ata-analardyŋ tüsınbei jatuy. Onyŋ syrtynda bastauyş synyp pänderındegı termin sözderdıŋ köptıgı. Mıne, osyndai basty baǧyttar negızınen köpşılıktıŋ nazaryna ılınıp, syn qazanyn qainatyp tūr. Tiısınşe, bız de olardyŋ tüitkılderın tarqatu üşın jūmys ısteudemız» dedı Ǧani Beisembaev.
«Oqulyq» respublikalyq ǧylymi-praktikalyq ortalyǧynyŋ direktorynyŋ aituynşa, oqulyq jazu – ülken ǧylym. Sol üşın de Ortalyq janynan Ǧylymi ädıstemelık keŋes qūrylyp, oǧan tanymal ǧalymdar men akademikter tartylǧan. Al joǧary oqu oryndarynda aldaǧy uaqytta «Oqulyqtanu» mamandyǧyn aşu josparlanǧan. «Oqulyqtyŋ sapasyn köteru üşın ärbır avtordyŋ jauapkerşılıgın köteru de kezek küttırmeidı. Däl mūny tereŋ tüsınıp otyrmyz. Kerek deseŋız, el auqymynda qajettı şaralar legı jüzege asyryluda. Tıpten, bolaşaq avtorlardy arnaiy oqytuǧa ırı ekı ǧylym-bılım ordasy belgılendı. Olardyŋ qatarynda Abai atyndaǧy Qazaq Ūlttyq pedagogikalyq universitetı de bar. Osylaişa, JOO-da magistrlık därejesı retınde «Oqulyqtanu» pänı qolǧa alynyp jatyr. Qalai degende de, bolaşaq avtorlardy oqulyq jazuda eskerıluge tiıs tarmaqtardan bölek, mädeniettanu, lingvistika salalaryna da üiretuge mındettımız. Oqulyq deŋgeiı avtorlardyŋ deŋgeiımen tıkelei bailanysty. Sondyqtan, oqulyq äzırleuşılerdıŋ käsıbi boluyna bırınşı kezekte män beremız» dedı Ǧani Bektaiūly.
Memleket basşysynyŋ Ūlttyq qoǧamdyq senım keŋesınde aitqan būqara halyqty kıtap oqityn ūltqa ainaldyru jäne el azamattaryn kıtap mädenietıne bauluǧa qatysty tapsyrmalaryn oryndau üşın ekı tarap tıze qosyp, bırlesıp jūmys ıstemekşı.Osy yntymaqtastyq aiasynda aqparattyq süiemeldeuge iek artyp, öskeleŋ ūrpaqtyŋ oquǧa degen süiıspenşılıgın arttyruǧa baǧyttalǧan jalpyhalyqtyq fleşmob ötkızu turaly ūsynys jasaldy. «Bızdıŋ ūiymdar arasynda jasalǧan memorandumnyŋ joǧary qūndylyǧy men mazmūnyn atap ötkım keledı. Bas redaktorlar klubynyŋ barlyq müşelerınıŋ atynan «Oqulyq» ortalyǧyna äleumettık maŋyzdy qyzmetınde ülken tabys tıleimın jäne jemıstı yntymaqtastyq pen bırlesken jobalardy jüzege asyruǧa niettımız» dedı Bibıgül Jeksenbai.
Köktem QARQYN
