Nūr-Sūltan qalasy mäslihatynyŋ biudjet, ekonomika, önerkäsıp jäne käsıpkerlık, sonymen qatar qūrylys, ekologiia, kölık, sauda jäne tūrǧyn üi-kommunaldyq şaruaşylyq mäselelerı jönındegı tūraqty komissiialardyŋ bırlesken otyrysynda renovasiia mäselelerı talqylanyp, atalmyş jūmysqa qarjy bölu mäselesı qaraldy.
Būǧan deiın qalalyq mäslihat deputattary renovasiia jūmysyna ozyq tehnologiialardy engızu boiynşa halyqaralyq täjıribenı zertteu mäselesın kötergen edı. Ony eske alǧan mäslihat deputaty Vladislav Sergeev bas qala ösıp jatqandyqtan eskı üiler sürılıp, jaŋa baspana salynatyn aumaqtardy basqa elder ülgısımen saraptau kerektıgın aityp öttı.
Osyǧan orai, öŋırlerde tūrǧyn üi qoryn renovasiialauǧa qatysu täjıribesı bar «Samruk-Kazyna Construction» AQ qūrylys departamentınıŋ direktory Niiaz Mūsataev Almaty, Şymkent qalalarynyŋ jäne Soltüstık Qazaqstan, Şyǧys Qazaqstan oblystary äkımdıkterımen, äleumettık-käsıpkerlık korporasiialarmen būl tarapta yntymaqtastyq turaly memorandumdarǧa qol qoiylǧanyn baiandady.
Öz kezegınde elordanyŋ Tūrǧyn üi jäne tūrǧyn üi inspeksiiasy basqarmasynyŋ basşysy Änuar Saipov tūrǧyn üi-kommunaldyq şaruaşylyqty damytudyŋ 2020-2025 jyldarǧa arnalǧan «Nūrly jer» memlekettık baǧdarlamasyn ıske asyru aiasynda elordada tūrǧyn üi qoryn renovasiialau jobasy ıske asyrylyp jatqanyn habarlady. Bırınşı kezeŋ şeŋberınde, 2013-2017 jyldar aralyǧynda 228 apatty üi nemese 3444 päter sürıldı. 2018 jyldan bastap 2022 jylǧa deiıngı merzımge eseptelgen ekınşı kezeŋdı ıske asyru boiynşa apatty jaǧdaidaǧy 56 üidıŋ (1082 päter) tūrǧyndaryn köşıru josparlanǧan. Qazırgı uaqytta üilerdı süru jūmystaryna konkurs jariialau üşın qūjattama daiyndaluda. Osy jyly 18 apatty üidıŋ (333 päter) tūrǧyndaryn köşıru josparlanǧan. Sonyŋ ışınde kelesı jyldyŋ josparynan biylǧa ekı apatty üidı – Y.Dükenūly köşesı, 21 mekenjaiyndaǧy jataqhanany jäne äl-Farabi daŋǧyly, 27-üidegı 208 päterlık tūrǧyn üidı qosu qarastyrylyp otyr.
Änuar Saipovtyŋ aituynşa, bügınde Nūr-Sūltan qalasynda tozuy 61 paiyzdan asatyn 200-ge juyq tūrǧyn üi bar. Vedomstvoaralyq komissiia 138 tūrǧyn üidı apatty dep tanyp, tiıstı şeşım şyǧardy. Bolaşaqta olardy süru jūmystaryn jürgızu qajet. Azamattardyŋ tūrǧyn üi jaǧdaiyn jaqsartu üşın 2022-2024 jyldary investisiialardy tarta otyryp, «Elorda damu» JŞS-ke qosymşa qarjy bölu kerek.
Qalalyq mäslihattyŋ qūrylys, ekologiia, kölık, sauda jäne tūrǧyn üi-kommunaldyq şaruaşylyq mäselelerı jönındegı tūraqty komissiianyŋ töraǧasy Batyr Kotyrev 60-70-jyldary salynǧan jataqhanalar mäselesın köterdı. Mäselen, Lui Paster köşesı, 73 mekenjaiynda ornalasqan jataqhana apatty dep tanyldy. Deputat Nūrdäulet Orazhanov «Zarechnyi» tūrǧyn alabyndaǧy üiler qaşan sürıletının, sol üilerdıŋ tūrǧyndaryna qai audanda baspana berıletının sūrady. Ol Asan qaiǧy köşesındegı eskı üilerdıŋ jaǧdaiymen bırneşe ret tanysyp, şynymen de, tozyǧy jetkenıne köz jetkızgenın, sol sebepten olardyŋ sürıluın qoldaitynyn aitty.
Qalalyq Säulet, qala qūrylysy jäne jer qatynastary basqarmasy basşysynyŋ orynbasary Ǧabbas Berǧaliev elordany köşırgen sätten bastap saiajailar audanynda, Kenesary köşesındegı (Slobodka), «Komsomolskii» tūrǧyn alabynda tūrǧyn üilerdı süru jürgızılgenın aitty. Osyǧan deiın barlyǧy 2280 gektar aumaqtaǧy qūrylys sürılıp, 5,5 mln şarşy metr tūrǧyn üi qaita salyndy. Būl renovasiianyŋ bırınşı kezeŋı boldy. Elordanyŋ bas josparyna säikes, renovasiiany kezeŋ-kezeŋımen ıske asyru üşın audany 1350 gektar bolatyn aumaq 14 uchaskege bölındı. Asan qaiǧy, İmanov, Seifullin köşelerı jäne Bögenbai batyr daŋǧyly şekarasynda renovasiianyŋ bırınşı kezegı belgılendı.
