Jaqynda ötken «EKSPO-2017» halyqaralyq mamandandyrylǧan körmesıne daiyndyq jönındegı arnaiy keŋeste Elbasynyŋ qataŋ eskertuınen keiın tiıstı organdar Astana qalasyndaǧy «rezeŋke päterlerdı» anyqtap, naqty şaralar qoldana bastady. Osy mäselenı bızdıŋ gazetımız üstımızdegı jylǧy 25 säuır küngı nömırınde qozǧaǧan bolatyn.
Jüielı jürgızılgen reidterdıŋ nätijesınde zaŋsyzdyqqa jol bergen 200-den asa päter iesı äkımşılık jauapkerşılıkke tartylyp, tırkeusız jürgen 100000-nan asa azamat esepke alynǧan edı.
Būl jūmys odan ärı qarqyndy jalǧasuda. Ötken aptada Astana qalasynyŋ prokuraturasy qala äkımdıgımen jäne qūqyq qorǧau organy qyzmetkerlerımen bırlese otyryp, tūrǧyn üiler men uaqytşa baspanalardy aralaǧan edı. Nätijesınde 30-dan 2500-ge deiın adam zaŋsyz tırkelgen ondaǧan päter men jekemenşık üi anyqtaldy. Alaida osynşama adam tırkelgenımen, ol üilerde bırde-bırı tūrmaityn bolyp şyqty.
«Bügıngı taŋda jergılıktı polisiia qyzmetı osyndai qūqyq būzuşylyqqa jol bergen 88 päter iesın äkımşılık jauapkerşılıkke tartty. Al zaŋsyz tırkelgen 4000-nan asa adam tırkeuden şyǧaryldy. Bır aita keterlıgı, olardyŋ arasynda şeteldık azamattar da bar. Aldaǧy uaqytta mūndai tärtıp būzǧan azamattarǧa memlekettık qyzmet körsetu türı şekteledı. Atap aitqanda, olar endı memlekettık tūrǧyn üi qorynan päter ala almaidy.
Sondai-aq, «rezeŋke päterlerde» tırkelgen adam sanyna bailanysty kommunaldyq qyzmet (jaryq, gaz, sumen jabdyqtau, qoqys şyǧaru) körsetu baǧalary qaita esepteletın bolady» dedı qalalyq prokuraturanyŋ baspasöz qyzmetı.
Qazır qalada kriminogendık jaǧdaidy sauyqtyru maqsatynda jürıp jatqan «Qūqyqtyq tärtıp» şūǧyl-aldyn alu ıs-şarasynyŋ alǧaşqy on künınde türlı bap boiynşa 10000-nan asa adam äkımşılık jauapkerşılıkke tartylsa, belgılı tūraǧy joq 336 adam uaqytşa beiımdeu ortalyǧyna ornalastyrylǧan.
Köşı-qon erejesın būzǧan 1320 adamǧa aiyppūl salynsa, 73 şeteldık elden şyǧaryldy.
Taŋatar TÖLEUǦALİEV
