Öner jolyn Taşkent filarmoniiasynyŋ än-bi ansamblınde änşı bolyp bastaǧan. Odan keiın maidan dalasynda än aityp, 1945 jyly 9 mamyrda Berlindegı jeŋıs konsertıne qatysqan Qazaqstannyŋ jäne būrynǧy KSRO-nyŋ halyq ärtısı, keiınnen Halyq qaHarmany ataǧyna ie bolǧan Roza Baǧlanova Tyŋ ölkesı Selinogradqa gastroldık saparmen bırneşe ret kelgen.
Är kelgen saiyn ol öner ūjymdarymen kezdesıp, öner adamdarymen emen-jarqyn äŋgıme-düken qūrady eken. Äsırese, änşı qazaqtyŋ halyq änderın naqyşyna keltıre oryndaǧanda körermender oryndarynan tūryp qol soǧyp, ūzaq qoşemet körsetetın bolǧan.
«Roza Täjıbaiqyzy – älem halyqtarynyŋ änderın şeber oryndaityn sirek talant edı. Ol qai elge barmasyn äuelı sol eldıŋ halyq änderın jattap, ony naqyşyna keltıre oryndaudy ädetke ainaldyrǧan. Är konsertınde onyŋ tamyljyǧan dausyna süisıngen önersüier qauym sahnadan tüsken boida qaumalai qorşap, qoltaŋba alyp jatatyn» dep eske alady zamandastary.
Mıne, sol «Ah, Samara – gorodok» änımen tek Keŋes Odaǧyna ǧana emes, bükıl älemge tanylǧan airyqşa dauys iesı 1970 jyly Mäskeuden kele jatyp Selinogradqa at basyn būrypty. Sol künı ol Alekseev, Vişnevka audandarynyŋ eŋbek adamdaryna konsert berıp, kelesı künı Şortandy jihaz fabrikasynda, «Selinogradselmaş» zauytynda bolyp, üşınşı künı Tyŋ igeruşıler saraiynda dombyraşy, Qazaq SSR-ınıŋ halyq ärtısı Äzidolla Esqalievpen bırge tyŋ eŋbekkerlerıne qorytyndy konsertın beredı.
Surette äuejaidan Roza Baǧlanovany Boris Maevskii bastaǧan oblystyq mädeniet basqarmasy qyzmetkerlerınıŋ kütıp alu sätı.
Ǧaziza İsahan
