Beken QAIRATŪLY:
Köp jaǧdaida şyǧys mūsylman halyqtarynyŋ ūstanymyna ainalǧan äl-Farabi atamyzdyŋ ūlaǧatty sözı bar. Ol kısı: «Tärbiesız berılgen bılım – ziian» deptı. Iаǧni, osy sözdı qazaqşa täpsırlesek: ūrpaqtyŋ tärbiesın, tälımın, közqarasyn sonyŋ ışınde özınıŋ tek-tūqymy, tarihy, ata-babalarynyŋ qūndy qasietterın boiyna sıŋırmei bergen bılımnen bes tiyn paida joq. Ekınşıden, ündı halqynda «qoidy arystan bastasa qoilar arystanǧa ainalady, arystandy qoi basqarsa arystan qoiǧa ainalady» deitın mätel bar. Ūstazdyq degenımız – qoidy arystanǧa ainaldyru. Arqaly aqyn Maǧjan Jūmabaev: «İgı jaqsy bas qosqanda – tör ūstazdıkı» degendı beker aitty deisız be? Sol ūstazyŋ qazır bosaǧa syǧalap qaldy emes pe? Törge baişıkeşter otyryp aldy.
Bırjan SÄNDIBEK:
Maqalada avtor öte özektı mäselenı qozǧaǧan. Şyndyǧynda, bız qazır bılımge basa nazar audaryp kettık te, tärbienı ekınşı orynǧa ysyryp qoidyq. Sonyŋ kesırınen qazır qoǧamda neşe türlı keleŋsız oqiǧalar beleŋ aldy. Elımızdegı jemqorlyqtyŋ asqynyp bara jatqany da osy tärbiege kelıp tıreledı. İmany men tärbiesı bar adam ondai qadamǧa barmaidy dep oilaimyn. Sondyqtan ata-ana öz balasyna ūlttyq tärbienı sıŋıre bılse, jaqsy azamat bolyp qalyptasary haq.
