Qazaqstanda 6 myŋǧa juyq qazaqstandyq äiel «Aŋsaǧan säbi» baǧdarlamasy boiynşa EKŪ räsımınen öttı. Esepke 2 myŋǧa juyq jüktı äiel tūrdy, 40 bala düniege keldı. Jalpy EKŪ räsımı 6 myŋ äielge ötkızıldı.
QR Densaulyq saqtau ministrlıgı ana men bala densaulyǧyn qorǧau departamentınıŋ direktory Maǧripa Embergenovanyŋ aituynşa, «Salauatty ūlt» atty «Ärbır azamat üşın sapaly jäne qoljetımdı densaulyq saqtau» ūlttyq jobasy aiasynda EKŪ-ǧa jyl saiyn 2025 jylǧa deiın 7000 kvota bölınetın bolady. «Mındettı medisinalyq saqtandyru jüiesı şeŋberınde EKŪ-ǧa daiyndalǧan pasientterdı jyl saiyn barynşa köbırek qamtu mümkındıgı bolady» dedı M.Embergenova. Qazaqstanda 1995 jyldan bastap 85000-ǧa juyq erlı-zaiypty qosalqy reproduktivtık tehnologiialar ädısterımen emdeldı. Qazırgı uaqytta «probirkadan» 25 myŋnan astam bala düniege keldı, elde 27 ekstrakorporaldy ūryqtandyru ortalyǧy jūmys ısteidı. Bügınde 14 myŋ äiel jäne 117 er adam bedeulıkpen esepte tūr.
