SÄBİLER QUANǦAN KÜN
Qalalyq Mamandandyrylǧan balalar üiınde «Armysyŋ, äz-Nauryz! Quan, säbi!» atty merekelık şara ötıp, ata-ana qamqorlyǧynsyz qalǧan ekı büldırşınnıŋ tūsauy kesıldı.
Kışkentai Käusar men Armanǧa önegelı joly būiyrsyn dep, tūsau kesu räsımın oryndauǧa qazaqstandyq densaulyq saqtau qyzmetkerlerı käsıpodaǧynyŋ Astana qalasyndaǧy filialynyŋ töraǧasy Baqytjan Täjıbai men 40 jyl boiy bılım salasynda qyzmet etıp, tärbie jolynda 3 balabaqşa saldyrǧan astanalyq Dina Smaiylqyzy şaqyryldy.
Sondai-aq, qonaqtar nazaryna aǧa tärbieşı Gauhar Äbseiıtovanyŋ jetekşılıgımen ūiymdastyrylǧan konserttık baǧdarlama ūsynyldy. Qazaqtyŋ ūlttyq kiımın kigen büldırşınder byldyrlap öleŋ oqydy, hormen än salyp, toppen bi biledı.
«Balalar osy künderı erekşe tıl alǧyş bolyp, Nauryzǧa quana-quana daiyndaldy, syilyqtardy asyǧa küttı. Adamşylyqqa tärbielenuı üşın bala jastaiynan meiırımge bölenıp öskenı jön. Osy tūrǧyda säbilerdıŋ taǧdyryna alaŋdap, qaiyrymdylyq kömekterın aiamaityn ızgı jandarǧa alǧys bıldıremız» dedı joǧaryda atalǧan mekemenıŋ bas därıgerı Läilä Zakarianova. Meiram qarsaŋyndaǧy ıs-şarany mesenattar men bala asyrap aluǧa niettı ata-analar tamaşalap, önerpazdarǧa türlı oiynşyqtardy tartu ettı.
Qazırgı uaqytta Astana qalasy Mamandandyrylǧan balalar üiınde 76 bala tärbielenude. Onyŋ 29-y – tastandy bolsa, 22-sı belgılengen tärtıppen mügedek dep tanylǧan. Al, 23 säbi otbasy jaǧdaiyna bailanysty būl jerge uaqytşa ornalastyrylǧan.
Mädina JAQYP