SAǦYNDYRǦAN ASYLDAR
Juyrda qolymyzǧa «Saǧyndyrǧan asyldar» atty kıtap tüstı. Kıtap atauy men mūqabasyndaǧy bar qazaqqa aiauly beineler jürekke jylylyq ūialatyp, mazmūnyna jetelei jöneldı. Mūnda erke Esıl boiynda äsem elorda ornaǧaly qalanyŋ ruhani tūrǧydan kemeldenuıne, şyn mänınde Astana atyna sai boluyna ölşeusız ülesın qosqan, ökınışke qarai, qazır ömırde joq tūlǧalar turaly paiymdy tolǧamdar jinaqtalǧan.
Astana qalasy äkımdıgınıŋ qoldauymen ötken jyldyŋ soŋynda jaryq körgen qalyŋ tomdai būl eŋbektı özımızdıŋ «Astana aqşamy» gazetınıŋ būrynǧy bas redaktory, QR Prezidentı syilyǧynyŋ iegerı, Qazaqstannyŋ eŋbek sıŋırgen qairatkerı, Qazaqstannyŋ qūrmettı jurnalisı Jūmagül Sauhat qūrastyrdy.
Asa körnektı jazuşy Säken Jünısov, qalamnyŋ qarymy men ǧalymdyq alymyn qatar tanytqan Rymǧali Nūrǧaliūly men Aqseleu Seidımbek, sahna saŋlaǧy Äzırbaijan Mämbetov bız Astanaǧa kelgende fäni saparyn tämamdaǧan edı. Al kıtaptyŋ özge keiıpkerlerı – kompozitor Erkeǧali Rahmadiev, ırı qalamgerler Dükenbai Dosjan, Nūrǧoja Oraz, «jezkiık» aqyn Käkımbek Salyqov, poeziia padişasy Fariza Oŋǧarsynova, ūlttyŋ abyzyndai bolǧan jazuşy Äbış Kekılbaiūly jäne belgılı teatr synşysy Äşırbek Syǧai sekıldı tūlǧalarmen kezdesken jerde amandasudan ärıge asa almadyq. Būl kısılermen sūhbatqa ädetımızşe ūzaq daiyndalyp jürgenımızde, olar baqiǧa köşıp kete bardy. Közderı barda emen-jarqyn äŋgıme qūra almaǧanymyzǧa älı künge deiın ökınemız.
Amal qanşa, qazaq ruhaniiatynyŋ būl alyptary turaly endı ötken şaqta ǧana jazuǧa mäjbürmız. Qoldan kelgenşe jazyp ta kelemız. Gazetımızdıŋ közı qaraqty oqyrmandary jyl basynan berı biylǧy mereitoilaryna orai jaryq körıp kele jatqan Äşırbek Syǧai, Käkımbek Salyqov turaly jäne Nūrǧoja Orazdyŋ dünieden ötkenıne bır jyl toluyna arnalǧan maqalalardy oqyǧan da bolar. Būl ürdıstı, būiyrtsa, älı de jalǧastyramyz. Sebebı osy qatardaǧy bırneşe tūlǧanyŋ 75, 85 jyldyqtary aǧymdaǧy jyldyŋ enşısıne tiıp tūr.
Osylardyŋ qai-qaisysy bolsyn ūlttyq ädebiet, mädeniet, öner, ǧylym salalaryna eren eŋbek sıŋırıp, Astananyŋ örkeniet biıgıne köterıluıne baryn saldy. Olardyŋ esımderın eldıŋ esınde mäŋgıge qaldyru maqsatynda da qalada bırşama jūmystar atqarylyp jatyr. Mäselen, Rymǧali Nūrǧaliūlynyŋ atyna mektep beru mäselesı bekıtıluge taiau. Aqseleu Seidımbektıŋ atymen da orta bılım beru ornyn atau kün tärtıbınen tüsken joq. Äzırbaijan Mämbetovke juyrda köşe berıldı. Fariza Oŋǧarsynova tūrǧan üige memorialdyq eskertkış taqta ornatyldy. QR Ūlttyq akademiialyq kıtaphanada Dükenbai Dosjan atyndaǧy «Jazuşy» zaly jūmys ıstep tūr.
Ärine, mūnymen barlyq jūmys aiaqtaldy dep aituǧa bolmaidy. Halyqta ömırden ötken tūlǧalarǧa degen saǧynyş bar. Sol sezımdı «Saǧyndyrǧan asyldar» kıtaby säl de bolsa basatyn siiaqty. Ony şyǧarudaǧy maqsat pen alda atqarylar ıster auqymy jaily kıtaptyŋ alǧysözınde aitylady.
«Būl – eŋbek tarihi tūlǧalarǧa ūlttyq qūrmettıŋ körınısı, Astananyŋ sol asyldarǧa degen saǧynyşqa toly ıltipaty. Aldaǧy maqsat – alyp azamattarymyzdyŋ ruhyna taǧzym etu, olardyŋ mäŋgılıkke qaldyrǧan mändı eŋbekterın, qazynaly mūralaryn jastardyŋ ruhani qazynasyna ainaldyryp, ūrpaqqa jetkızu. Ūltymyzdyŋ tölqūjatyna ainalǧan tūlǧalardy äspettep, ūlyqtai bereiık, baǧalai bıleiık!» deidı Astana qalasy äkımınıŋ orynbasary Ermek Amanşaev. Ötkınşı düniede mäŋgılık eşteŋe joq. El bolyp, ūlt bolyp ūiysyp, alǧa basa beruımız üşın osyndai tūlǧalardyŋ ülgısı men önegesın ūstanu bızge auadai qajet. Kıtap osynysymen qūndy.
Amanǧali QALJANOV