Halqymyzdyŋ düldıl änşısı Ramazan Stamǧazievtıŋ elorda törınde konsert bermegenıne on jylǧa juyqtap qaldy. Oǧan kerısınşe, ötken jyly ǧana M.Äuezov atyndaǧy qazaq memlekettık akademiialyq drama teatrynda «Qos şyraq, qoŋyr äuen» atty keşımen Almaty jūrtşylyǧyn quantty. Osy olqylyqtyŋ orny tolaiyn dep otyr. Astana äkımdıgınıŋ qoldauymen Ūlystyŋ ūly künınıŋ qarsaŋynda, iaǧni, bügın Astanadaǧy Kongress-holda änşı «Aittym sälem, saǧynyp» atauymen konsert beredı.
Konsertke atau bergen ännıŋ sözın aqyn Nesıpbek Aitūly, änın Tūrsynjan Şapai jazǧan. Jalpy, osy ekı avtordyŋ änşınıŋ şyǧarmaşylyǧyna tigızgen äserı köp. Ramazan Stamǧaziev – dästürlı än mektebınıŋ ökılı. Qazırgı taŋda şäkırtterın de qazaqy ännıŋ qasietın sezınuge, boiauyn solǧyndatpauǧa baulyp jür. Al, joǧaryda esımderı atalǧan şyǧarmaşylyq ökılderınıŋ «Arman», «Dariǧa-däuren», «Säule-ǧūmyr» syndy tuyndylary ony estradaǧa alyp kelgen edı. Elordada ötetın keşınde de änşı repertuaryndaǧy halyqqa belgılı jäne qalyŋ tyŋdarmanǧa älı jete qoimaǧan ändermen susyndatady.
– Almatydan mädeni ortalyqtardyŋ bırazy köşıp kettı. Konserttık bırlestıkter de jabylyp jatyr. Şyndyǧyn aitqanda, halyqpen qauyşqymyz keledı, sahnany da saǧynyp qaldyq. Merekelık keşterdıŋ köbısı de Astanada ötedı. Oǧan qatysaiyq desek, keide qolymyz timei, jolymyz elordaǧa tüspei jatady. Sondyqtan Astanada bır keştı ötkızudı ūiǧardyq. Bas qalanyŋ Mädeniet, mūraǧattar jäne qūjattamalar basqarmasy da ony qūp alyp, qoldau körsettı, – deidı Ramazan Stamǧaziev.
Onyŋ aituynşa, konsertke elordadaǧy akademiialyq orkestrler, ömırlık qosaǧy Ūltu Qabaeva, özınıŋ şäkırtı, Qazaq ūlttyq öner universitetınıŋ studentı Özgerıs Şerıkbai, şeber gitaraşy Seiıl Aiaǧanov qatysady. Būlardan özge önerpazdar da än şyrqaidy. Keş bırneşe bölımge bölınıp ötkızıledı. «Ärbır bölımde halyq änderı, halyq kompozitorlary men Keŋes zamanynyŋ kompozitorlary şyǧarmalary oryndalyp, qara dombyraǧa basymdyq berıledı. «Aittym sälem, saǧynyp» baǧdarlamasymen byltyr Oŋtüstık Qazaqstan öŋırınıŋ bırneşe jerıne barǧanbyz, halyq jyly qabyldady, astanalyqtardan da sony kütemız» deidı änşı.
Keiıngı kezde änşınıŋ repertuaryna «Qoǧaly köl», «Jürek syry» syndy tamaşa änder kırdı. Jalpy, Ramazan Stamǧaziev osynau änderdıŋ avtorlary Aitmūrat Töreǧali, joǧaryda aty atalǧan Seiıl Aiaǧanov, özge de jas kompozitorlarmen şyǧarmaşylyq bailanys ornatty. Saǧat 18.00-de bastalatyn konsertte sonyŋ nätijesı körınedı. Jalpy, änşımen söileskenımızde elordadaǧy keş turaly ol köp närse aita qoimai, «Qazır bärın aityp qoisam, körermenge qyzyq bolmai qalady» dedı. Endeşe, konserttı köru kerek, aǧaiyn! Änşımen kölemdı sūhbatty da gazetımızdıŋ aldaǧy sandardyŋ bırınen oqi alasyz.
Amanǧali QALJANOV
Materialdy “Astana aqşamy” gazetınıŋ astana-akshamy.kz resmi saityna sılteme jasaǧanda ǧana paidalanuǧa rūqsat etıledı.
