«Astana Opera» balet truppasy otandyq horeografiiany damytyp, jaŋa ūlttyq baletter qoiudy maqsat etedı. Teatr osy maqsatyn ünemı sättı oryndap keledı. Bügınde repertuarlardyŋ ışınde türlı ūlttyq, klassikalyq dünieler körermender nazaryna ūsynylyp keledı. Bügınde balet truppasy şyǧarmaşylyq jemıstı eŋbekpen qatar, balet älemındegı ūstazdaryna zor qūrmetpen jäne tebırenıspen qaraidy. Onda bırtuar horeograftardyŋ aituly jetıstıkterı men jarqyn oqiǧalary jaily estelıkter jazylǧan tarih paraqtary ūqypty saqtalady. Elordada horeografiialyq önerdıŋ negızın qalauşynyŋ bırı, ataqty baletmeister, jarqyn önerımen el esınde qalǧan jaqsy adam Tūrsynbek Nūrqalievtıŋ esımı qazaqstandyq balet tarihyna altyn ärıptermen jazyldy. Juyrda «Astana Opera» ülken zalynyŋ sahnasynda «Raqmet, Şeber!» atty eske alu keşı ötkızıldı.
Ūrpaqtar sabaqtastyǧy jalǧasqanda, balet önerı mäŋgı öşpeidı dep aityp jatady. Tūrsynbek Nūrqaliev qazaqstandyq ärtısterdıŋ tūtas şoǧyryn tärbieledı, olar ūstazdarynan alǧan käsıbi täjıribenı öskeleŋ ūrpaqqa jetkızıp jür. Olardyŋ qatarynda qazaqstandyq önerdı Otanymyzda jäne şetelde äigılep jürgen ataqty bişıler – Qazaqstannyŋ eŋbek sıŋırgen qairatkerlerı Mädina Önerbaeva, Äigerım Beketaeva, Änel Rüstemova, Baqtiiar Adamjan, Erkın Rahmatullaev, köptegen halyqaralyq baiqaudyŋ laureattary Äsel Şäikenova, Arman Urazov, Serık Naqyspekov, Daniiar Jūmataev, Bauyrjan Mekembaev bar. Eske alu keşı aiasynda köpşılık olardyŋ şyǧarmaşylyǧyna joǧary baǧa berdı.
Tūrsynbek Nūrqalievtıŋ özınıŋ airyqşa mänerı bolatyn. Sondyqtan onyŋ zaiyby, Qazaqstannyŋ eŋbek sıŋırgen qairatkerı Ǧaliia Börıbaeva konsert baǧdarlamasyn äigılı baletmeisterdıŋ jūmys ısteu qaǧidaty boiynşa qūrdy.
M.Hegertidıŋ «Hikaia», G.Forenıŋ «Pavana», D.Şostakovichtıŋ «Jol» sekıldı jarqyn horeografiialyq kompozisiialary, S.Prokofevtıŋ «Romeo men Djuletta» baletınen duet, K.Gliuktıŋ tanymal «Melodiia» duetı baǧdarlamanyŋ sänın keltırdı. Soŋǧy atalǧan duettı kezınde maestronyŋ özı ärdaiym zor jetıstıkpen oryndaǧan bolatyn. Sondai-aq balet keşınde P.Chaikovskiidıŋ «Ūiqydaǧy aru», «Şelkunchik», L.Minkustyŋ «Don Kihot» baletterınen nömırler, B.Asafevtıŋ «Baqşasarai būrqaǧy» baletınen «Romans» pen «Tatar biı» auqymdy nömırı, K.Sen-Sanstyŋ «Ölım aldyndaǧy aqqu», A.Hachaturiannyŋ «Spartak», V.Solovev-Sedoidyŋ «Gopak» jäne taǧy basqalary oryndaldy.
– Tūrsynbek Äbdıbaiūly tek basşy, ūstaz ǧana emes, balet ärtısterınıŋ barlyǧyna qamqor äke boldy, – deidı «Astana Operanyŋ» jetekşı solisı, balet sahnasynyŋ jūldyzy Baqtiiar Adamjan.
– Aldyna kömek sūrap kelgen ärbır janǧa qol ūşyn berıp, baletpen ainalysyp jürgen jastardyŋ tek teatrda ǧana emes, odan tys jerlerde de özın jaily sezınuıne qoldan kelgennıŋ bärın jasady. Ol elordanyŋ qalyptasu kezeŋınde osynda kürdelı jaǧdailarda jūmys ısteuge kelısken sanauly azamattyŋ bırı boldy. Ärtıstermen bırge jataqhanada tūrdy. Onyŋ qaltqysyz eŋbek etuınıŋ nätijesınde Astanada akademiialyq balet paida boldy. Naǧyz käsıpqoi, keremet bişı bolǧan Tūrsynbek Nūrqaliev klassikalyq önerdıŋ barlyq niuansyn tüsınetın, bız dūrys jattyqpasaq, bızge ärdaiym eskertu jasap, käsıbi keŋes beretın. Qazır maǧan bärınen būryn onyŋ «Balam, sende bärı jaqsy ma?» degen jyly sözı jetpeidı. Ol balet truppasynyŋ äkesı boldy, – dedı B.Adamjan öz estelıgınde.
Qazaqstannyŋ eŋbek sıŋırgen qairatkerı, professor, ataqty baletmeister Tūrsynbek Nūrqaliev elımızdıŋ balet önerınıŋ damuyna zor üles qosty, onyŋ joǧy ärtısterge ǧana emes, barşaǧa älı künge deiın sezıledı, sahna saŋlaǧy jarqyn tūlǧa retınde el esınde mäŋgı qaldy.
