«Astana music hall» keşenınde «Sän men sahna» halyqaralyq sahna kiımderı festivalı öttı. «Toi köilekterı» dep atalǧan avtorlyq baiqauǧa talantty jas dizainerler qatysty.
Şarada būǧan deiın festivaldıŋ aimaqtyq kezeŋınde jeŋıske jetken Aqtau, Qyzylorda, Şymkent jäne Almaty qalalarynan kelgen dizainerlerdıŋ toptamalary körsetıldı. Aqtaulyq Mädina Masaqovanyŋ toptamasy barynşa aşyq, näzık tüstı köilekterden tūrady. Şymkenttık İndira Belısbekovanyŋ «Geişanyŋ estelıkterı» toptamasynda erkın oi, täuelsız közqaras sezıletındei. Al, Saltanat Omarova toi köilekterıne etnikalyq jäne zamanaui reŋk beruge tyrysqan eken. Qazylar alqasy qatysuşylardyŋ eŋbegın baǧalaǧanda olardyŋ özındık qoltaŋbasyna airyqşa män berdı.
Baiqau qorytyndysynda bırınşı oryndy Mädina Masaqova jeŋıp aldy. Ekınşı oryn Saltanat Omarovaǧa, al, üşınşı oryn «Sylqym» sän üiıne («Tüimedaq» toptamasy üşın) būiyrdy.
Biyl altynşy ret ūiymdastyrylǧan festival ūlttyq kiım ülgılerın zamanaui sän älemınde därıpteudı jäne otandyq sängerlerdıŋ şyǧarmaşylyǧyn nasihattaudy közdeidı. Būl şara qazır qazaqstandyq jäne şeteldık dizainerlerdıŋ täjıribe almasu alaŋyna ainalyp, etnomädeni dialogtyŋ damuyna yqpal etıp otyr.
Roza ÄREN
