Keşe Astana qalasy Qoǧamdyq keŋesınıŋ otyrysynda qala äkımdıgı memlekettık-qūqyqtyq bölımınıŋ basşysy Timur Musin qaladaǧy sailau uchaskelerınıŋ şekaralarymen, Parlament Mäjılısı jäne elorda mäslihatynyŋ deputattyǧyna kandidattar üşın ügıttık baspa materialdaryn ornalastyru oryndarymen tanystyrdy. Keŋes müşelerınıŋ saualdaryna jauap berdı.
Qoǧamdyq keŋes müşesı Jasan Zekeiūly Qazaqstan azamattyǧy joq adamdardyŋ dauys beru mäselesın köterdı.
– Şetelderde de sailau uchaskelerı ornalasqan. «Qazaqstan Respublikasynyŋ sailau turaly» zaŋyna säikes dauys beru qūqyǧy respublikanyŋ azamattyǧy bar adamdarǧa ǧana berıledı. Al şetelderde tūratyn, diaspora bolyp tabylatyn qandastarymyzda Qazaqstan azamattyǧy bolmasa, dauys beruge qūqyǧy joq, – dedı baiandamaşy saualǧa jauap berıp.
Sondai-aq jiynda qalalyq Qoǧamdyq keŋestıŋ osy jylǧa arnalǧan jūmys jospary talqylandy.
