Säken Jünısov – önerde de, ädebiette de jarqyn ız qaldyrǧan qalamger. Biyl tuǧanyna seksen jyl tolatyn jazuşynyŋ mereitoiyna orai Astana qalasy Tılderdı damytu basqarmasy ırgelı şara ūiymdastyrdy.
Q.Quanyşbaev atyndaǧy qazaq drama teatrynda ötken «Tıl önerı jäne tūlǧa» atty köşe merekesıne Parlament Senatynyŋ deputaty Jabal Erǧaliev, aqyn Serık Tūrǧynbekūly, Halyq ärtısı Qairat Baibosynov, dästürlı änşı Erlan Rysqali jäne basqa da ziialy qauym qatysty. Olar basqosuda el ışınde serı atanǧan qalamgerdıŋ bıregei bolmysy, şyǧarmaşylyǧy, önerı jaiynda estelıkter aityp, äŋgıme qozǧady. Jiynǧa S.Jünısovtıŋ ūly – Janbota, nemerelerı – Ämır men Älihan jäne qaryndasy Roza qonaq boldy.
Mereke barysynda köpşılık teatr ärtısterınıŋ somdauymen Säkennıŋ «Qysylǧannan qyz boldyq» dramasynan jäne jazuşy turaly tüsırılgen derektı filmnen üzındı tamaşalady. Sonymen qatar, qalamgerdıŋ kıtaptarynan körme ūiymdastyryldy.
Dinara JAQSYLYQQYZY
