Nūr-Sūltan qalasynda «Mäŋgılık dästür men salt-sananyŋ säikestıgı» taqyrybynda körme öttı. «Ruhani jaŋǧyru» baǧdarlamasy aiasynda ötken şarany «Tarih jäne mädeni mūra ortalyǧy «I – QAZAQ» qoǧamdyq qory men Nūr-Sūltan qalasynyŋ «Ruhani jaŋǧyru» jobalyq keŋsesı ūiymdastyrdy.
Jastarǧa qazaq mädenietın nasihattau, ūlttyq önımderdı tanystyru maqsatynda ötken şaraǧa joǧary oqu oryndarynyŋ tülekterı qatysyp, şeberler qolynan şyqqan qazaqy būiymdarmen tanysty. Būrynǧyǧa mūrager, keiıngıge būidager bolǧan şeberler olarǧa kestelı äşekei būiymdardyŋ tıgılu ädısın tanystyrdy.
– Bügıngı körmenıŋ kölemı şaǧyn bolǧanymen, ūrpaqtarǧa beretın tärbiesı mol. Öitkenı ūltymyzdyŋ qolönerın, äsırese, qazaq äielderınıŋ qolynan şyqqan ūlttyq būiymdardy zamanǧa sai därıptep, nasihattap otyrmasa, dästür jalǧasy üzıledı. Men özım suretşı bolsam da, qolöner būiymdaryn tıgumen ainalysqanyma otyz jyldan asty. Bügın öz qolymnan şyqqan önımderdı jastarǧa tanystyru qūrmetıne ie boldym. Ūlttyq qūndylyqty ūlyqtaǧan osyndai ıs-şaralar köbeie bersın, – dedı on sausaǧynan öner tamǧan qolöner şeberlerınıŋ bırı Ükıjan Qaliaqparqyzy.
