Būdan bylai salyq saiasatynda oŋtaily özgerıster bolady. Jaŋa Salyq kodeksınıŋ jobasynda salyq töleuşınıŋ müddesı barynşa qorǧalmaq. Tekseruler jeŋıldep, käsıpkerlerge qoiatyn talaptar da azaiady.
Ūlttyq ekonomika ministrlıgınıŋ bırınşı vise-ministrı Ruslan Dälenov qoldanysqa engelı tūrǧan jaŋa jobada ideologiiany özgertu, äkımşılendıruge jaŋa közqaras jäne yntalandyru şaralaryn engızu közdelgenın mälımdedı. Osylaişa, adal salyq töleuşılerdıŋ müddesı qorǧalmaq. Öz betınşe salyq töleudı yntalandyru üşın äkımşılendırudı oŋtailandyru ūsynylǧan eken.
«Bügınde öz käsıbın aşqysy keletın adam salyqty qalai töleitının bılmeuı mümkın. Ol jeŋıl ärı qarapaiym türde jasalǧany jön. Sondyqtan bız ideologiiany özgertıp, yntalandyrudy engızıp, äkımşılendırudı jeŋıldetudı qarastyryp otyrmyz. Barlyq tüsınıksız daular salyq töleuşınıŋ paidasyna şeşıletın bolady. Mūndai qaǧidat salyqtyq daulardy ädıl qarauǧa mümkındık beredı. Eger salyq töleuşı salyq organynyŋ tüsındıruıne säikes äreket etetın bolsa jäne ūstanymyn özgertse, aiyppūl men ösımpūldy qoldanbau ūsynylady» deidı Ruslan Dälenov. Onyŋ sözıne süiensek, jeŋıldıkterdıŋ tiımdılıgın naqty özgerıster arqyly arttyru ūsynylyp otyr. Būl kırısterdı bölek esepteuge, mülıktık, äleumettık salyqtarǧa qatysty. Sonymen qatar auksiondardan alym alu jäne keme jüzetın su joldaryn paidalanu tölemı joiylady.
Şaǧyn jäne orta biznestı damytu üşın jaŋa balamaly rejim qoldanysqa enedı. jaŋa jobada şaǧyn jäne orta bizneske talap qoiu merzımın 5 jyldan 3 jylǧa deiın qysqartu ūsynylǧan. Jospardan tys tekserulerdı taǧaiyndau üşın negızdemelerdıŋ sany 32-den 14-ke, iaǧni, 56 paiyzǧa qysqartylmaq. Salyqtyq äkımşılendırudı oŋtailandyruǧa qatysty naqty şaralar ūsynylmaq.
Şaǧyn jäne orta biznestı damytu üşın jaŋa balamaly rejim qoldanysqa enedı. Vise-ministrdıŋ sözıne qaraǧanda būl kımnıŋ ainalymy ülken, bıraq tabysy az bolsa, solarǧa tiımdı bolmaq. Ol öz tabysynyŋ jartysyn rastausyz şegere alady. Al eger şyǧyndarynyŋ esebın jürgızetın bolsa, şyǧyndaryn rastaǧany üşın syiaqy alady. Ärine, salyq töleuşılerge rejimderdı taŋdau qūqyǧy berıledı. Aita keteiık, şaǧyn jäne orta biznestıŋ damuy üşın qoldanystaǧy arnaiy salyqtyq rejimder de saqtalady.
«Äkımşılendırude qatelıkterge jol berılmeidı. Salyq töleuge kömektesu qajet. Tekserısterdıŋ bır bölıgın autsorsingke bergen jön, biznestı biznes teksergenı abzal. Qalǧan salyqtyq tekserıster üş baǧytta jürgızıledı. Bırınşısı, adal bölıktı teksermeu kerek. Orta bölıktı tek ışınara tekseru qajet. Al «qyzyl» aimaqtaǧylar tekserıske alynady. Kımnıŋ qai baǧytqa jatatynyn anyqtap, naqty erejelerın belgıleu qajet. Sosyn käsıpker «jasyl» aimaqta boluǧa ūmtylady. Elektrondy fakturalardy tapsyrady, salalyq jüktemelerden tömen emes salyq töleidı, öz qyzmetınde aiqyn körınedı» deidı Dälenov.
Sondai-aq, jaŋa jobada şaǧyn jäne orta bizneske talap qoiu merzımın
,5 jyldan 3 jylǧa deiın qysqartu ūsynylǧan. Jospardan tys tekserulerdı taǧaiyndau üşın negızdemelerdıŋ sany 32-den 14 negızdemege, iaǧni, 56 paiyzǧa qysqartylmaq. Salyqtyq äkımşılendırudı oŋtailandyruǧa qatysty naqty şaralar ūsynylmaq.
Gülmira
Aimaǧanbet
