L.Gumilev atyndaǧy Euraziia ūlttyq universitetınıŋ ǧylymi kıtaphanasynda «Sapaly ūlt: bılım, ǧylym jäne mädeniet» taqyrybynda belgılı ǧalymdardyŋ studenttermen kezdesuı öttı.
Memleketımızdı bäsekege qabılettı elge ainaldyruda sapaly ūlt qalyptastyru – maŋyzdy mındettıŋ bırı. Eŋbekqorlyq, bılımpazdyq jäne adami qasietter sekıldı jalpyūlttyq qūndylyqtardy ūlyqtaityn sanaly ūlt tūtas eldıŋ damu küşıne ainalady. Jastarmen jüzdesudıŋ özegı retınde osy taqyryp taŋdalyp, taǧylymdy ıs-şara ūiymdastyryldy.
Kezdesuge Ūlttyq ǧylym akademiiasynyŋ akademigı Uälihan Qalijan, alaştanuşy-ǧalym, professor Tūrsyn Jūrtbai, Ūlttyq ǧylym akademiiasynyŋ akademigı, filologiia ǧylymdarynyŋ doktory Kärımbek Qūrmanäliev, «Qazaq gazetterı» JŞS bas direktory Dihan Qamzabekūly jäne Ūlttyq ǧylym akademiiasynyŋ korrespondent-müşesı Amantai Şärıp qatysty. Jiyndy universitettıŋ basqarma töraǧasy – rektor mındetın atqaruşy, akademiialyq mäseleler jönındegı prorektor Serık Maqyş aşyp, öz sözınde ǧalymdarǧa alǧys bıldıre otyra, oqu ordasynda sapaly ūlt qalyptastyru jolynda eŋbek etıp jürgen qoǧam qairatkerlerı, ǧalymdar jäne beldı tūlǧalarmen jüzdesu dästürge ainalǧanyn, sol sekıldı būl kezdesu de sonyŋ jalǧasy ekenın atap öttı. Is-şarany ǧylymi kıtaphana direktory Baqytjan Orazaliev jürgızdı.
Akademik Uälihan Qalijan «adam boiynda eŋ ızgı qasiet mahabbat bolsa, mūndai ūlt kez kelgen salada köş bastaidy» dep, studentterge özınıŋ maqalasyn oqyp, ıs-şarany äserlı bastady. Jazuşy-ǧalym Tūrsyn Jūrtbai abaitanu töŋıregınde söz bastap, bügınde danyşpan eŋbekterınıŋ būrmalanǧan, älı tolyq zerdelenbei jatqan tūstaryn basa aitty. Osylaişa professor Abai şyǧarmaşylyǧy arqyly keleşek ūrpaqtyŋ adamdyq kelbetın, kısılık sapasyn qalai arttyruǧa bolatynyna tereŋ toqtaldy. Akademik Kärımbek Qūrmanäliev studenttermen kezdesudıŋ ǧylymi kıtaphanada ūiymdastyryluynyŋ simvolikalyq mänı baryn aitty.
«Bılım – kıtapta. Şeteldık ǧalymdardyŋ paiymynşa, keleşekte gadjet ūstaǧandardy kıtap oqityndar basady. Ǧylym men bılımdı ekınşı orynǧa qoiǧan memleket eşuaqytta köş bastamaidy. Ekonomika da, şaruaşylyq ta, barlyǧy ǧylymǧa negızdeluı qajet. Sondyqtan ülken ǧylym jolynyŋ negızı ızdenıste jatyr» dedı ǧalym.
Al akademik Dihan Qamzabekūly jastarǧa damyǧan memleketterdıŋ damu jolyn mysalǧa keltırıp, el bolaşaǧyn ılgerıletetın baǧyttar turaly oiyn jetkızdı.
«Sapaly ūlt qalai qalyptasady? Ony qalyptastyrudyŋ joly – ǧylym men tehnologiiada. Qazır jastarǧa jan-jaqty mümkındık bar. Şeteldık ǧalymdardyŋ därısterı aşyq jüiede tūr. Onyŋ artyq-kem tūstary da bar. Köp aqparat adastyryp jıberuı mümkın. Bıraq jastar osynyŋ arasynan adaspai jol tabuy qajet. Bügıngı bılımnıŋ astaryn bılu kerek. Bıraq qanşa bılımdı bolsaŋyzdar da, bärıbır ruhani dästür mäselesı aldyŋyzdan şyǧady. Bılım dästürmen bailanysty. Sapaly ūlt – tabysty ūlt. Tabysty ūlt bolu üşın bılımdı ūlt bolu kerek» dedı D.Qamzabekūly.
Ǧalym Amantai Şärıp qūndylyqtar auysyp jatqan zamanda jas buynnyŋ jarqyn bolaşaqqa bastaitynyna senım bıldırdı.
«Aqyn Esenǧali Rauşanovtyŋ «Üstınde tūryp altynnyŋ, özgenıŋ kümısıne taŋǧaldyq» degen sözı bar. Jerımızdıŋ asty da, üstı de altyn. Sondyqtan altynymyzdy baǧalap, keleşekke jol aşatyn jastar sapaly ūltty qalyptastyrady» dedı professor.
Kezdesu soŋynda ǧalymdarǧa TURKSOY halyqaralyq ūiymynyŋ atauly medaldary tapsyrylyp, studentter ǧalymdarmen jeke kezdesu ötkızu jönınde ūsynysyn aitty.
