Astana – qarqyndy türde damyp kele jatqan qalalardyŋ bırı. Elımızdıŋ bas qalasy Arqa törıne auysqannan berı qūrylysy qyzu ärı toqtausyz jürgızılıp keledı. Sonyŋ nätijesınde türlı nysandar boi köterıp jatyr. Arnaiy at basyn būrǧan şeteldık qonaqtar da taŋdanysyn jasyrmai, joǧary baǧa beredı.
Qalanyŋ sol jaq jaǧalauynda ırgesı qalanǧan ärbır ǧimarat köp ūzamai sän-saltanatymen aşylatyny ras. Degenmen säulettı şaharda jūrt közınen tasada qalyp qoiǧan qūrylys alaŋdarynyŋ älı de bar ekenı jasyryn emes. Bız osy tūsta qūrylysy bastalyp, alaida soŋǧy jyldary toqtap tūrǧan bırneşe oryndy aita ketudı jön kördık.
Astanada №54 mektep-liseiınıŋ aşylǧanyna 10 jyldan asa uaqyt boldy. Däl osy mekteptıŋ maŋynda qūrylysy bastau alyp, alaida toqtap tūrǧan bır ǧimarat bar. Dälırek aitqanda, İmanbaeva men Ǧūmar Qaraş köşelerı qiylysynyŋ maŋaiynda ornalasqan. Bastapqyda oquşylar üşın qajettı tauarlar satylatyn sauda oryndarynyŋ bırıne nemese biznes ortalyqqa ainalar degen boljam jasadyq. Qanşa degenmen, el igılıgıne paidasy tier mekeme bolǧan soŋ köpşılık aşyluyn asyǧa kütkenı ras. Tıptı qūrylys jūmystaryna bailanysty joldyŋ bır bölıgı jabylyp, maŋaiyndaǧy jūrtqa kedergı keltırgen kezı de boldy. Mektep janynda ornalasqan soŋ oquşylar üşın qanşalyqty qauıptı bolǧanyn baǧamdap körıŋız. Kez kelgen damyǧan elde tūrǧyndar qauıpsızdıgı men qūqyǧynyŋ şektelmeuı – basty nazarda. Osyndai keleŋsızdıkterden keiın bızdegı jaǧdai qandai?!
Alǧaşqyda bılınbegen, bıraq uaqyt öte kele būl orynnyŋ zaŋsyz salynǧany anyqtala tüstı. Ǧūmar Qaraş köşesı boiyndaǧy nysannyŋ «qyzyl syzyqtan» asyp tüsıp, jaiaujürgınşıler jolynyŋ bır bölıgın basyp qalǧany belgılı boldy. Qūrylysy bastapqyda qarqyndy türde jürıp, bır-ekı jylda aşylatyndai körıngen. Bıraq qandai sebep bolǧany belgısız, sol orynnyŋ qaŋyrap, bos tūrǧanyna bırneşe jyldyŋ jüzı boldy. Ne sürılmeidı, ne qala basşylyǧy tarapynan qolǧa alynyp, qūrylys jalǧaspady. Soŋǧy ret janynan ötkenımızde «Tez arada satylady» degen jarnama ılınıp tūrǧanyna kuä boldyq. Bıraq «qyzyl syzyqtyŋ» boiynan asyp, zaŋsyz salynǧany üşın şyǧyndalatyn käsıpker jaqyn arada tabyla qoiar ma eken?!
Astanada osyǧan ūqsas orynnyŋ bırneşeuın kezdestıruge bolady. Solardyŋ bırı Abai daŋǧyly men Sembinov köşesınıŋ qiylysynda ornalasqan. Syrtqy tūrpatyna qarap, sauda oryndarynyŋ bırı bolar degen oi qoryttyq. Kelbetıne köz salsaq, bılıktı arhitektorlardyŋ atsalysuymen bastalǧany anyq. Bıraq mūnyŋ da küiı ketıp, joǧaryda aitylǧan zaŋsyz nysannyŋ keipın qūşyp tūr. Äu basta bastalyp, aiaqsyz qalǧan ǧimarattyŋ toqtap tūrǧanyna qazır 10 jyldai bolyp qaldy. Ainalasy qorşalyp, maŋynan ötken adamǧa ziianyn tigızıp otyrǧan jaiy taǧy bar.
Eşbır paidasy joq, odan qala berdı elordanyŋ körkın ketırıp tūrǧan mūndai nysandar bilık tarapynan qolǧa alynyp, qūrylysyn jalǧastyrǧany dūrys. Bolmaǧan jaǧdaida 10 jyldan asa uaqyt maŋaiyna ziianyn tigızıp tūrǧany üşın sürılıp tastaluyna qandai kedergı?
Qoryta aitar bolsaq, Astanada ırgetasy qalanyp, aiaqsyz qalǧan qūrylys alaŋdary älı de barşylyq. Mūndai qaŋqasy ǧana salynǧan oryndar qaşan aiaqtalmaq? Jaŋa bır ǧimaratty salmas būryn osyndai nysandarǧa män berılgenı jön bolar edı.
