Mındettı äleumettık medisinalyq saqtandyru degenımız ne? MÄMS jüiesıne qalai qatysuǧa bolady? Jaŋa jüienıŋ basty qaǧidattary qandai? Astana qalasynyŋ äkımı Äset İsekeşevtıŋ töraǧalyǧymen mındettı äleumettık medisinalyq saqtandyru jüiesın engızu jönınde aqparattyq-tüsındırme jūmystary boiynşa keŋeitılgen jinalys öttı.
Halyqqa arnalǧan mındettı medisinalyq saqtandyru turaly ärbır adam bıluge tiıs saualdardy ortaǧa salǧan jiynǧa QR Densaulyq saqtau ministrı Eljan Bırtanov, audan äkımderı, qalalyq vedomstvo basşylary, medisinalyq mekemeler men biznes qauymdastyǧynyŋ ökılderı qatysty.
– Qazaqstanda 1 şıldeden bastap resmi türde mındettı äleumettık medisinalyq saqtandyru jüiesı engızıldı. Alǧaş bolyp äleumettık medisinalyq saqtandyru qoryna jūmys beruşıler men jeke käsıpkerler tölem jürgıze bastady. Tūrǧyndar medisinalyq kömektı 2018 jyldyŋ qaŋtarynyn bastap mındettı medisinalyq saqtandyru jüiesı arqyly ala bastaidy. Būl reformanyŋ maŋyzdylyǧy sondai, är Qazaqstan azamatyn qamtidy. Sol sebeptı bız osy jinalysqa elordanyŋ biznes ökılderın şaqyrdyq, – dedı äkım şaraǧa qatysuşylarǧa.
Öz kezegınde Qazaqstan Respublikasynyŋ Densaulyq saqtau ministrı Eljan Bırtanov medisinalyq qyzmettıŋ qoljetımdılıgı men sapasyn arttyratyn eldegı jürgızılıp jatqan būl reformanyŋ maŋyzdylyǧyna toqtaldy.
– Eger bügın qazaqstandyqtardyŋ densaulyǧy körsetkışterın zertteitın bolsaq, onda bız jaqsy dinamikany baiqaimyz. Mysaly, ömır süru jasy ūlǧaiǧan, ana men bala ölımı azaiǧan. Būǧan qosa, tūrǧyndardyŋ egde tartuyna bailanysty körsetıletın medisinalyq qyzmet türlerı de artyp keledı, – dep atap öttı ministr.
Osy künge deiıngı qoldanystaǧy biudjettık modelmen salystyrǧanda, jaŋa jüienıŋ köp artyqşylyǧy bar. Iаǧni, tūrǧyndardyŋ densaulyǧyn qadaǧalau salasynda memleket jūmys beruşı azamat arasyndaǧy teŋ jauapkerşılık saqtalady. Qoljetımdılık teŋdıgı de tartymdy. MÄMS paketı şeŋberınde tabysy men jarnaǧa qaramastan ärbır nauqasqa tiıstı medisinalyq kömek tolyq körsetıledı. Būl jüie medisinalyq qyzmetter sapasynyŋ köterıluıne, medisinalyq mekemeler arasyndaǧy bäsekelestıktı arttyryp, tūrǧyndardyŋ sūranystaryna jauap beretın tiımdı densaulyq jüiesın qūruǧa jol aşady.
Jüienı kezeŋımen engızu tūrǧyndarǧa jaŋa reformaǧa jeŋıl köşuge mümkındık beredı. Biylǧy jyldyŋ şıldesınen bastap jūmys beruşıler är qyzmetkerdıŋ jalaqysynan 1 paiyz audaryp otyrady, 2018 jyly audarymdar 1,5 paiyzǧa ösedı, 2020 jyldan 2 paiyz audarylsa, 2022 jyldan 3 paiyz bölınetın bolady.
Özın jūmyspen qamtyǧandar, onyŋ ışınde jeke käsıpkerler, mamandandyrylǧan mediatorlar, azamattyq-qūqyqtyq kelısımşarty negızınde qarjy alatyn jeke tūlǧa 1 şıldeden ekı tömengı eŋbekaqydan 5 paiyz böledı.
«Äleumettık medisinalyq saqtandyru qory» kommersiialyq emes aksionerlık qoǧamy basqarmasynyŋ töraiymy Elena Bahmutova talqylau kezınde jinalǧandarǧa jüienıŋ barlyq kezeŋı turaly jan-jaqty tüsındırdı. Qor jetekşısı MÄMS aiasynda medisinalyq kömektıŋ qoljetımdılıgı, mındettı erıktı saqtandyru men jeŋıldık qarastyrylǧan tūrǧyndar sanaty turaly baiandady.
– Eger adam jeŋıldık sanatynda bolsa, onda oǧan tölem jasaudyŋ qajetı joq, jeke käsıpker de AQK boiynşa da tölem jürgızbeidı. Memleket būl mındettı özıne alady, – dep mälımdedı qor jetekşısı.
Arnaiy jeŋıldıkter qarastyrylǧandar qatarynda balalar, «Altyn alqa», «Kümıs alqa» iegerlerı, Ūly Otan soǧysy ardagerlerı, zeinetkerler men mügedekter, student jastar, jūmyssyzdar, 3 jasqa deiıngı bala kütımımen otyrǧan analar, jüktı äielder men jazasyn öteuşı adamdar bar.
Sondai-aq, azamattardyŋ barlyq sanattaryna äleumettık maŋyzdy aurulardan basqa, vaksinasiia, şūǧyl kömek, sonyŋ ışınde jedel järdem jäne sanitarlyq aviasiiaǧa kıretın tegın medisinalyq kepıldık berılgen kömek kölemınıŋ paketı ädettegıdei qoljetımdı bolady.
Aigül
UAISOVA
