Saryarqa audany 1998 jyly 6 mamyrda qūryldy. O basta onyŋ auqymy 196,62 ş.km qamtyǧan edı, bıraq 2018 jyldyŋ köktemınde onyŋ bırtalai bölıgı jaŋadan qūrylǧan Baiqoŋyr audanyna berılıp, qazırgı künı äkımşılık bölınıske 67,75 ş.km qaraidy. Halqynyŋ sany 350 myŋ adamnan asady. Jaqynda audanǧa äkım bolyp Eset BAIKEN taǧaiyndaldy. Bügıngı nömırde aumaqta atqarylyp jatqan jūmystar turaly äŋgımelemekpız.
AUDAN ÄKIMDIGINIŊ HALYQPEN BAILANYSY
Saryarqa audany äkımdıgı ındet kezınde tūrǧyndarmen bailanysty üzbeu üşın Open spase, iaǧni «Aşyq äkımdık» jüiesıne köşken. Jobanyŋ maqsaty – qūzyrly organdardyŋ azamattarǧa qoljetımdılıgın qamtamasyz etu, tūrǧyndarmen jedel jäne tiımdı kerı bailanys ornatu, atqaruşy bilık pen halyq arasynda tıkelei «köpır» qūru. Sol arqyly Memleket basşysynyŋ byltyr halyqqa joldaǧan Joldauyndaǧy «Halyq ünıne qūlaq asatyn memleket» prinsipıne sai jūmys ısteu.
Äkımdık ǧimaratynyŋ bırınşı qabatyndaǧy front keŋsede 11 operator qyzmet körsetedı. Mūnda tūrǧyndar qorşaǧan ortany qorǧau jäne tabiǧatty paidalanu, jūmyspen qamtu jäne äleumettık qorǧau basqarmalarynyŋ, öŋırlık käsıpkerler palatasy «Atameken qoldau ortalyǧy» mobildı jūmyspen qamtu ortalyǧynyŋ jäne Tūrǧyn üi qūrylys jinaq bankınıŋ qyzmetterıne jügıne alady.
Sonymen qatar osy jerde abattandyru jäne qoǧamdyq keŋıstıktı damytu, käsıpkerlık pen önerkäsıptı damytu, infraqūrylym jäne perspektivtı damu, kommunaldyq-şaruaşylyq syndy salalyq bölımder öz qūzyretı şegınde jūmys ısteidı. Bırınşı qabatta kelıssöz bölmesı, kütu alaŋy, elektrondy jelı bar, iaǧni azamattar üşın qolaily jaǧdai jasalǧan.
Front keŋse audan tūrǧyndaryna «Bır tereze» qaǧidaty negızınde jedel qyzmet körsetedı. Indet kezınde tūrǧyndardyŋ mūŋ-mūqtajyn esıtıp, sol boiynşa jedel şeşımder qabyldau üşın audannyŋ būrynǧy äkımı Erǧali Egemberdı 11 şıldeden bastap bügıngı künge deiın äleumettık jelı arqyly 9 kezdesu ötkızgen. Şara şeŋberınde 272 adamnan 405 sūraq kelıp tüstı. 230 sūraqqa tıkelei efirde jauap berıldı. 175 sūraq qūrylymdyq bölımderge jöneltıldı. Qazır osy täjıribenı elımızdegı jergılıktı atqaruşy organdardyŋ denı qoldanyp otyr.
Jalpy, tūrǧyndarmen kerı bailanys ornatu oŋ nätije beredı. 109 – «iKomek» ortalyǧy arqyly 2019 jyly audan boiynşa 13 795 ötınış kelıp tüsken. Sūraqtardyŋ barlyǧyna jauap berılıptı. Al biyl jyl basynan berı «iKomek» arqyly audan boiynşa 16 461 sūraq kelgen. Iаǧni, 2019 jylǧy ötınışterden biyl jarty jylda tüsken ötınış anaǧūrlym köp. Biyl 15 243 ötınışke jauap berılıp, naqty şara qabyldandy. Qalǧan 1218 sūraq boiynşa jūmys jürıp jatyr. 
JAŊAŞYLDYQQA BAǦYTTALǦAN BASTAMALAR
Byltyrdan berı Saryarqa audanynda «Biudjetke qatysu» jobasy jüzege asyrylyp jatyr. Joba biudjettıŋ aşyqtyq qaǧidatyn ūstanady. Iаǧni, biudjettıŋ jūmsaluyna qatysty tūrǧyndar da şeşım qabyldai alady. Naqtyraq aitsaq, mysalǧa bır aulany abattandyru kerek. Ol boiynşa aula tūrǧyndary infraqūrylymdy jaqsartuǧa qatysty ideia ūsynyp, sol arqyly aulalardy jaqsartyp aluǧa mümkındık berıledı. Jobalar qaladaǧy jaryqtandyru, kögaldandyru, jaiau jürgınşıler aimaǧyn abattandyru, ışkı audan joldaryn asfalttau, kärızderdı jöndeu, qoqys üiındılerın joiu, kışı arhitekturalyq pışınderdı dizaindau syndy mäselelerge qatysty boluy mümkın. Sondai-aq aula aumaǧyn qaita jöndeu jäne barşaǧa ortaq jerlerdı abattandyru, trotuar ornatu, balalardyŋ oiyn alaŋyn, futbol alaŋyn, trenajer alaŋdaryn ornatu siiaqty ūsynystar beruge bolady. Sarapşylar keŋesı ūsynylǧan jobalar zaŋdylyǧyn qarap jäne smetaǧa säikestıgıne köz jetkızgen soŋ, dauys beru kezeŋı bastalady.
2019 jyly jūrtşylyqtan mūndai 22 ötınış kelıp tüsken. Onyŋ äkımdıktıŋ qūzyretıne kıretın 14 jobasy qarjylandyrylyp, barlyǧy tolyq jüzege asyryldy. Äkımdık būl şaralarǧa biudjetten 100 mln teŋge böldı. 2020 jyly atalǧan jobany jüzege asyruǧa 200 mln teŋge qarastyryldy. Qazırgı künı tūrǧyndardan 68 joba kelıp tüsken. Sarapşylar keŋesınıŋ müşelerı Saryarqa audany äkımdıgınıŋ qūzıretıne kıretın jäne «Biudjetke qatysu» jobasynyŋ erejesıne sai keletın 40 jobany taŋdap aldy. Olar boiynşa qalalyqtan 8 935 dauys berdı. Sarapşylar keŋesı müşelerı köp dauys jinaǧan 13 jobany jüzege asyruǧa şeşım qabyldady. Qazırgı künı segız aulanyŋ abattandyruy aiaqtalyp, beseuınde jūmystar jalǧasyp jatyr.
GAZDANDYRU JÄNE ÜILERDIŊ QYSQY DAIYNDYǦY
Astana künı qarsaŋynda qala äkımı Altai Kölgınov «Şarapat» äleumettık qyzmet körsetu ortalyǧyn gazǧa qosyp, saltanatty jaǧdaida kögıldır otynnyŋ alauyn jaqty. Bügınde «Köktal-1», «Köktal-2», «Agroqalaşyq» alaptaryn gazdandyru boiynşa oramdardyŋ ışkı gazben jabdyqtau jelılerı tartylǧan. Būl jūmysqa 200 adam, 80-ge juyq tehnika jūmyldyryldy.
Jyl aiaǧyna deiın «Köktal-1» jäne «Köktal-2» alaptaryna gaz tolyǧymen tartylady. «Agroqalaşyqtyŋ» 22 köşesınıŋ jeke üilerı gazǧa qosylǧan. Qalǧan 72 köşenı gazben qamtu 2021 jyly jüzege asyrylmaqşy.
Audan aumaǧynda ornalasqan 949 köppäterlı tūrǧyn üidıŋ ortalyqtandyrylǧan jylu jüiesıne qosylǧany – 829. Sondai-aq 72 äleumettık nysannyŋ barlyǧy jylytu mausymyna daiyndaldy.
JOLDAR JÖNDELIP JATYR
Byltyr jalpy ūzyndyǧy 7 şaqyrym bolatyn 13 köşe orta jöndeuden öttı. Biyl 29,7 şaqyrymdy qūraityn 52 köşege orta jöndeu josparlanǧan. Onyŋ 17,6 şaqyrymy, iaǧni 31 köşe jöndelıp bıttı. «Kölık jäne jol kölık infraqūrylymyn damytu» basqarmasy «Köktal-2» tūrǧyn alabynda joldar men injenerlık jelılerdı salu, qaita jaŋartu boiynşa ūzyndyǧy 2,599 şaqyrymdy qūraityn 12 köşede jūmys ıstep jatyr.
2019 jyly ūzyndyǧy 3,8 şaqyrymdyq 15 köşege inerttı materil töselgen. 2020 jyly 14,9 şaqyrymdy qūraityn 67 köşege inerttı material töseu josparlanǧan. Jyl aiaǧyna deiın būl jūmystardyŋ bärı tolyqtai aiaqtaluy tiıs.
AULALARDY ABATTANDYRU
Audan aumaǧyndaǧy 540 aulanyŋ 421-ınıŋ jaǧdaiy qanaǧattanarlyq küide, al 119 aula jöndeudı qajet etedı. Byltyr 40 aula abattandyrylǧan. Biyl taǧy 40 aula men 14 qoǧamdyq keŋıstıktı abattandyru közdelgen. Sonyŋ ışınde 9 aula men 3 qoǧamdyq keŋıstık «Biudjetke qatysu» baǧdarlamasy aiasynda jasaldy. Aulalar men qoǧamdyq keŋıstıktı abattandyru jūmystary 1 qaraşaǧa deiın tolyq aiaqtalyp bıtuı tiıs.
Aita keteiık, astanadaǧy eŋ ülken saiabaq «Saryarqa» audanynda (15 gektar) ornalasqan. Ol «Köktal-1» alabynda qanatyn jaiyp tūr. Jaqynda qalalyqtar saiabaqqa tal ektı.
