Astana qalasy qoǧamdyq keŋesınıŋ keŋeitılgen otyrysynda 2018-2020 jyldarǧa arnalǧan qala biudjetı jobasy talqylandy. Onymen qalalyq Ekonomika jäne biudjettık josparlau basqarmasynyŋ basşysy Erǧali Egemberdı tanystyrdy.
Baiandama oqylǧannan keiın bırneşe sūraqty qoǧamdyq keŋes müşesı Tölegen Quanyşev qoidy. Sonyŋ eŋ özektısı Astanany tabiǧi gazben qamtamasyz etu mäselesı turaly boldy. «Biudjet jobasynda Elbasynyŋ būl tapsyrmasy eskerılmegen. Energetika ministrlıgınıŋ mälımdeuınşe, olar qala basşylyǧy tarapynan kelıp tüsken elordany gazben qamtu jobasyn äzırleu jäne atalmyş jūmysqa qalany daiyndau ūsynysyn qūptaǧan. Būl jerde söz gaz qūbyryn tartu turaly emes, jaqyn jyldary gaz taratudyŋ ışkı oramdyq jelılerın salyp, 2018-2020 jyldary qala maŋynda 5-6 gaz jinaqtaǧyş stansany salu jönınde bolyp otyr. Alaida aldaǧy üş jylǧa arnalǧan biudjet jobasynda būl turaly eşteŋe aitylmaǧan. Mūny qalai tüsınemız?» dedı keŋes müşesı.
Oǧan «Qalany gazben qamtamasyz etu üşın 2012-2013 jyldary tehnikalyq-ekonomikalyq negızdemenı jasauǧa 90 mln teŋge bölındı. Al 2018 jyly Qyzylorda-Astana, Astana-Kökşetau, Kökşetau-Petropavl gaz qūbyryn qosatyn «Saryarqa» atty gaz jelısı jobasy boiynşa respublikada jūmystar bastalady» dep jauap berdı Erǧali Egemberdı.
Būǧan Energetika basqarmasynyŋ ökılı tolyǧyraq toqtaldy. Onyŋ aituynşa, bastapqyda gaz elordaǧa soltüstıkten kelu kerek edı. Tiıstı şeşım qabyldandy da. Bıraq köpke ūzamai, Ükımet būl şeşımnıŋ küşın joidy. Sodan aqşa igerılmei qaldy. Qazırgı taŋda «Saryarqa» gaz jelısı boiynşa oŋ şeşım şyǧaryldy. Endı būrynǧy tehnikalyq-ekonomikalyq negızdemege tüzetu engızu qajet. Bügınderı Energetika ministrlıgı men atalmyş basqarma būl mäselenı qarap otyr. Gaz jelısı Astanaǧa jaqyndaǧanda joba äzırlene bastaidy. Qazır tehnika-
ekonomikalyq negızdemenı tüzetuge tiıstı biudjettık tapsyrys ūsynyldy.
Qalada 13 orta mektep kürdelı jöndeudı qajet etedı. Alaida biudjet jobasynda būǧan qarjy qarastyrylmaǧan. Būǧan qalalyq mäslihat deputaty Qaraqat Äbden nazar audardy. «Būl mäselenı byltyr da kötergenbız. Biyl Bılım basqarmasy säikes ūsynysty engızdı. Problemany şeşu üşın 3 mlrd teŋge qajet. Būl – öte özektı mäsele. Bız özge mäseleler boiynşa qarjyny ünemdei alamyz. Bıraq balalardy küttıruge bolmaidy. Aldymen olardyŋ densaulyǧyn oilauymyz kerek. Ekonomika jäne biudjettık josparlau basqarmasy biyl bılımdı qarjylandyru 5 mlrd teŋgege ūlǧaidy dep esep berıp otyr. Alaida būl qarjynyŋ 80 paiyzy mektepaldy daiarlyq mekemelerıne jūmsalmaq. Al qalǧany jalaqyny köteruge ketedı» dedı deputat.
Būǧan jauap bergen Erǧali Egemberdı mäselenı zertteitının, qaladaǧy 85 mekteptıŋ köbısı ötken ǧasyrdyŋ 60-70 jyldary salynǧanyn jäne mäsele kötergen deputatpen tolyqtai kelısetının jetkızdı.
Qoǧamdyq keŋes töraǧasy Sansyzbai Esılov mäsele dūrys köterılgenın aityp, köpke sozbai şeşımın tabu kerektıgın eskerttı.
Amanǧali Qaljanov
