Būl dumanǧa 10 myŋnan astam körermen kelıptı. Jiylǧan önersüier qauymnyŋ denı jastardan tūratyn bır bölıgı sahna aldyndaǧy alaŋda konserttı tıkesınen tık tūryp tamaşalady. Olar sauyq keşınıŋ basynan aiaǧyna deiın alaŋdy bige bölep, änşıler önerıne qoşemet körsetumen boldy. Sondai-aq, būl keş «KTK», «Astana» telearnalarynan tıkelei efir arqyly milliondaǧan körermenge jol tartyp jatty.
Konsertte öner körsetken «Asyl», «A-Studio» toptary, Luina, Äli Oqapov jäne italiialyq Son Paskal syndy änşıler halyq süiıspenşılıgıne bölendı. Olardyŋ önerıne täntı bolǧan jūrtşylyq respublikamyzdyŋ tükpır-tükpırınen äleumettık jelıler arqyly änşılerge sälem joldap, barşa qazaqstandyqtardy mereilı merekelerımen qūttyqtap jatty.
Keştıŋ orta şenınde ukrainalyq jūldyzdar – Potap pen Nastia sahnaǧa köterıldı. Özderıŋız kuä bolǧandai, körşı elden kelgen toptyŋ janküierlerı men tyŋdarmandary elımızde az emes eken. «Chumachechaia vesna» änı oryndalyp bolysymen, tūs-tūstan ysqyryp, qiqu salǧan jūrt keŋ saraidy «basyna köterdı». Ol ol ma, jastar qos jūldyzǧa qosylyp şyrqap, Qazaqstanda olardyŋ qanşalyqty tanymal ekendıgın paş ettı.
Al, «Diskoteka Avariia» şyqqan kezde qol şapalaqtamaǧan jan qalmady. Degenmen, keştıŋ eŋ syily qonaǧy Nikol Şerzinger boldy. Orysqa jien bolyp keletın gavailyq qyz, rasynda, älemge äigılı änşılerdıŋ bırıne ainalǧan. Onyŋ būl konsertke qatysuy merekelık şaranyŋ maŋyzyn arttyra tüskendei edı.
Erbol JANAT
