Biylǧy qys elorda halqyna jaily boldy. Ädettegı Arqanyŋ aqyrǧan aiazy da, bet qaratpaityn borany da mınez körsete qoimady. Qazır qaladan da, daladan da köktemnıŋ iısı sezıledı. Bügıngı küntızbenıŋ paraǧy da 1 nauryzdy körsetıp tūr. Būl – dün-dünie jaŋaratyn şuaqty mezgılge jettık degen söz. Alaida, jaibaraqat otyratyndai emes, kommunaldyq qyzmetterdıŋ qarbalas şaǧy älı jalǧasyp jatyr. Qazırgı basty mındet – qalany su basudan saqtap qalu. Bız saryarqalyqtar qarǧynǧa qarsy qandai şaralar atqarylyp jatqanyn bılu maqsatynda audan äkımınıŋ orynbasary Riza Akchuringe jolyǧyp, män-jaiǧa qanyqtyq.
«Tasqynǧa qarsy şaralardy tiımdı jürgızu maqsatynda audanǧa kıretın aumaq jiyrma uchaskege bölındı. Su tasqynynyŋ aldyn alu jūmysy josparly türde jürgızılude. Negızınen, audandy qardan tazartudy ötken jyldyŋ 22 qazanynda bastaǧanbyz. Äsırese, qaŋtar aiy bastalǧanda qarqyndy küşeittık. Qazır būl jūmys jalǧasyp jatyr. Bügıngı künge deiın 700 myŋ tekşe metrden astam qar arnauly poligonǧa şyǧaryldy» deidı ol.
Onyŋ aituynşa, audanda qarǧyn qaupın tudyryp otyrǧan tört aumaq anyqtalǧan. Atalǧan aumaqtar «Köktal» men «Öndırıs» tūrǧyn alaptarynda, Agroqalaşyqta jäne İ. Panfilov pen İ. Pavlov köşelerı jaǧynda ornalasqan. «Būl aumaqtardy qardan tazartudyŋ qarqynyn bäseŋdetken joqpyz. Negızgı tehnika qazır sol jerlerde jür» deidı audan äkımınıŋ orynbasary.
R. Akchurinnıŋ sözınşe, 20 aqpanda aryqtardy tazartu bastalyp, būl jūmystyŋ naqty jospary bekıtılgen. Aryqtardy tazartu Aşhabad, Taşkent, T. Şonanūly jäne Mūnaişylar köşelerınen bastau alyp, bügıngı künge aryqtardyŋ 1 myŋnan astam metrı tazartyldy.
Sondai-aq, Agroqalaşyqta ornalasqan tabiǧi su közderınıŋ deŋgeiın tömendetu maqsatynda 4 myŋ tekşe metr inerttı material daiyndaldy. Su soratyn jäne tazartqyş tehnika saqadai sai tūr. «Aqmolavodservis i K» JŞS būǧan qosymşa tehnikany böleiın dep otyr.
«Su tasqynyn boldyrmas üşın būl jūmysqa kün saiyn monitoring pen baqylaudy jürgızıp otyrmyz. Halyqqa tasqyn qaupı tuyndap qalǧan jaǧdaida qalai qimyldau kerektıgı tüsındırıldı. Dürlıgetındei eşteŋe körıp tūrǧan joqpyz» deidı R. Akchurin.
A. QALJANOV, astana-akshamy.kz
