Bügın joǧary oqu oryndary men kolledjderdı tämamdaǧan tülekter arasynda Qazaqstannyŋ jetekşı ūiymdarynda taǧylymdamadan ötuge mümkındık beretın «Sättı qadam – Taǧylymdama» jobasynyŋ ekınşı kezeŋı bastaldy. Ūlttyq kompaniialar men memlekettık organdarda taǧylymdamadan ötuge niet bıldırgen ümıtkerlermen tūraqty komissiia sūhbat ötkızdı.
Atalǧan joba elımızde üş jyl boiy tabysty jüzege asyp keledı. Soŋǧy jyldary «Sättı qadam» jobasy ekı kezeŋ boiynşa jürgızıldı. Atap aitqanda, bırınşı kezeŋde joǧarǧy oqu oryndary jäne kolledj tülekterınıŋ qataryndaǧy jetım balalardy jūmysqa ornalastyru qarastyrylǧan. Ekınşı kezeŋde taǧylymdamaǧa baratyndardyŋ taǧdyry şeşıledı.
«Sättı qadam» jobasy – būl joǧary oqu oryndary men kolledjderdıŋ tülekterı üşın öz mansap joldaryn Qazaqstannyŋ ırı ūiymdary, ūlttyq kompaniialar, türlı ministrlıkter men vedomstvolardan taǧylymdamadan ötuge bastaityn bıregei mümkındık. Jobaǧa qatysuşylarǧa 350 eŋ ırı ūlttyq kompaniia men memlekettık organdarda taǧylymdamadan ötu ūsynylady.
Ümıtkerlermen sūhbatty bırneşe adamnan tūratyn tūraqty komissiia qabyldaidy. Ärine, onda qatysuşylardyŋ bılım deŋgeiı ǧana emes, söz söileu şeşendıgı, aşyqtyǧy, bılım men jūmysqa yntasy, adamdarmen qarym-qatynasy da tekserıledı. Al ırıkteuden ötken tülekter taǧylymdamadan ötkenge deiın ūjymmen jaqsy qarym-qatynas ornatu üşın ärtürlı taqyryptaǧy seminar-treningterge de qatysady.
