Oqyrmandar saualdaryna «Elorda Aqparat» JŞS zaŋgerı Äset Qaiyrhan jauap beredı.
– Qyzym 2012 jyly ipotekaǧa päter aldy. Onyŋ alǧaşqy jarnasyn men bergen edım, ol üşın qolhat jazdy jäne üş adam kuägerlık ettı. Qolhatta qaryzǧa alynǧan qarajattyŋ qaitarylu merzımı körsetılmegen. Qazır qyzym ajyrasty. Sūraǧym kelgenı – qyzym men onyŋ būrynǧy küieuı mülıktı bölıske salǧan kezde men öz aqşamdy qaitaryp ala alamyn ba? Älde onyŋ merzımı eskırıp kettı me?
E.Taŋsyqbaev, Nūr-Sūltan qalasy
– «QR Neke jäne otbasy turaly» kodeksınıŋ 38-babyna säikes, «erlı-zaiyptylardyŋ ortaq mülkın bölu kezındegı erlı-zaiyptylardyŋ jalpy qaryzdary olardyŋ arasynda berılgen ülesterge säikes bölınedı». Sondyqtan sızdıŋ qaryz aqşaŋyz ortaq mülıktı bölu kezınde erlı-zaiyptylardyŋ arasynda olarǧa berılgen ülesterge säikes bölınedı. QR Azamattyq kodeksınıŋ 277-baby 2-bölımıne säikes, eger mındettemelerde ony oryndau merzımı körsetılmegen bolsa jäne osy kezeŋdı anyqtauǧa mümkındık beretın jaǧdailar bolmasa, ol mındetteme tuyndaǧannan keiın belgılı bır merzım ışınde oryndaluy kerek. Sızdıŋ jaǧdaida esepteu merzımı sızdıŋ azamattyq qūqyqtaryŋyzdyŋ būzylǧandyǧy turaly bıletın kezden bastalady. Boryşker kreditor ony oryndau turaly talapty ūsynǧan künnen bastap jetı kün ışınde oryndauǧa mındettı.
– Menıŋ qūrbymnyŋ jasy 82-de, 52 jyldan berı dostyq bailanystamyz. Onyŋ jienınen basqa eşkımı joq. Qūrbym öz tuystarymen tıl tabysa almai, ösiettı menıŋ qyzymnyŋ atyna jazdy. Bıraq notarius ösiettı toltyru barysynda terapevt pen psihiatrdan anyqtama sūraǧan joq, bar bolǧany «közben tekserıldı» dep jazdy. Endı qūrbymnyŋ tuystary ösiet dūrys jasalmaǧan dep bızdı bopsalap, qoqan-loqqy körsetıp otyr. Olardyŋ sözınıŋ jany bar ma?
Älima Omarova, zeinetker, qala tūrǧyny
– Ösiet degenımız – azamat qaitys bolǧan jaǧdaida onyŋ mülkın ielıkten şyǧaru turaly erkı. Ösiet – būl bır jaqty mämıle. Ony oryndau üşın tek bır adamnyŋ – ösiet qaldyruşynyŋ qalauy jetkılıktı. Azamat eşkımge tüsındırmesten özınıŋ barlyq mülkın nemese onyŋ bır bölıgın bır nemese bırneşe azamatqa, kez kelgen ūiymǧa nemese memleketke mūra ete alady, sondai-aq mūragerın mūradan aiyra alady. Ösiet qaldyruşy ony qūrastyru kezınde tolyq qūqyqtyq qabıletke ie adam bolady. Azamattyq kodeks ösiettı kez kelgen uaqytta joiuǧa nemese özgertuge bolatyndyǧyn qarastyrady. Zaŋda qart adam ösiet jazǧanda notarius odan densaulyq jaǧdaiy turaly anyqtamany talap etuı kerek dep qarastyrylmaǧan. Bıraq keibır notariustar saqtyq retınde, ösiet qaldyruşy 70 jasqa tolǧan bolsa, odan densaulyǧy turaly anyqtama sūraidy.
