«Egemen Qazaqstan» gazetı köşesı boiynan Jurnalister saiabaǧy aşyldy. Saltanatty ıs-şaraǧa Aqparat jäne qoǧamdyq damu ministrı Darhan Qydyrälı, Astana qalasynyŋ äkımı Jeŋıs Qasymbek arnaiy qatysty.
Ministr Darhan Qydyrälı: «Būl oqiǧa – jurnalisterge körsetılgen qūrmettıŋ bır körınısı. Osydan ekı jyl būryn däl osy maŋda Prezidenttıŋ qatysuymen Alaş qairatkerlerınıŋ eskertkışı aşylǧany belgılı. Sol qalamgerler saiabaǧyna ūlasyp jatqan jurnalister saiabaǧy ūlt ruhaniiatynyŋ sabaqtastyǧyn körsetedı» dedı.
Jurnalister saiabaǧyndaǧy sändı stelada qazaq merzımdı baspasözınıŋ baǧdarşysy Ahmet Baitūrsynūly men ūlt jurnalistikasynyŋ bairaǧy Şeraǧaŋnyŋ beinesı men ūlaǧatty sözderı taspalandy. Eldegı būqaralyq aqparat qūraldarynyŋ aty oiyp jazylǧan būl eskertkış otandyq jurnalistikanyŋ jylnamasy ıspettı.
Elorda 25 jyldyŋ ışınde tek äkımşılık ortalyq qana emes, mädeni jäne ruhani ordaǧa ainalǧanyn aitqan qala äkımı Jeŋıs Qasymbek Jurnalister saiabaǧy elordanyŋ tartymdylyǧyn arttyryp, kelbetıne jaŋa reŋ beretının atap öttı.
Saiabaqqa jaŋadan aǧaştar otyrǧyzylyp, jasyl jelegı molaia tüstı. Qala tūrǧyndarynyŋ demalyp, tynyǧuy üşın oryndyqtar qoiyldy. Onda «Qazaqstan jäne BAQ», «Jurnalist jäne operator», «Oqyrman» müsını tūr.
