Saiabaqtarda ǧajap köp

Däuren Qasenov,
gazet oqyrmany:
– Kün jylynǧan soŋ qala saiabaqtarynda bala-şaǧamen seruendep, demaludy dästürge ainaldyryp kelemın. Biylǧy jazda saiabaqtar halyqqa qan­dai erekşe qyzyqtar ūsy­na­dy eken, sol jaiynda aityp be­resızder me? 

Oqyrman saualyna orai qa­la­lyq Mädeniet jäne sport basqarmasy mynany habarlaidy:

Astananyŋ saiabaqtary osy jazda astanalyqtar jäne qala qonaqtaryna köptegen tosynsyilar daiyndap otyr. Saiabaqtarda jaŋa attraksiondar, qyzyqty şoular jäne «Madagaskar» multfilmınıŋ keiıpkerlerımen bi keşterı ūiymdastyrylady.
Soŋǧy bırneşe jylda qalalyq saiabaqtar edäuır jaŋardy. Bügınde olar barşanyŋ süiıktı demalys ornyna ainaldy. Mäselen, byltyr «Amerikandyq syrǧanaqtar» attraksionyna mıngen jandar köp boldy. Mūndai attraksion «Astanalyq» saiabaqta soŋǧy 10 jylda bolmady. Al biylǧy jazda atalmyş saiabaqta «Bumerang» atty ekstremaldy jaŋa attraksion ıske qosylady. Ol «Amerikandyq syrǧanaqtar» attraksionynyŋ janynda ornalasqan. Jalpy, būl saiabaqta kez kelgen talǧamǧa sai 20-ǧa juyq attraksion ūsynylady.
Ötken jyly Astananyŋ saia­baqtarynda «Saiabaqtyŋ 7 ǧajaiyby» atty oiyn-sauyq jobasy ıske qosylǧan bolatyn. Joba körermenderdıŋ köŋı­lınen şyǧyp, tanymal multfilmderdıŋ keiıpkerlerı biyl da demaluşylarǧa qua­nyş syilaidy.
Astananyŋ kışkentai tūr­ǧyn­dary men qonaqtaryna ani­matorlardyŋ jäne jaŋa keiıp­kerlerdıŋ qatysuymen jaŋa şou ūsynylady. Ärtısterdıŋ bes toby qaladaǧy bes saiabaqty aralaidy jäne künıne ekı qoiy­lymnan körsetedı. Osy jazda saia­baqtarda 1000-ǧa juyq konsert ūiymdastyrylmaq.
Biyl «Saiabaqtyŋ 7 ǧajaiyby» jobasy qala tūrǧyndary men qonaqtaryn taǧy da bır taŋǧal­dyrmaq. Saiabaqtarda «Madagas­kar» multfilmınıŋ keiıpkerlerı mıngen multmobil jüredı. Ol adamdar köp jinalǧan oryndarda toqtap, köŋıldı bi keşterın ötkızedı.
Balalarǧa arnalǧan anima­siialyq şoulardyŋ aptalyq kestesımen tolyǧyraq Astana qalasy Mädeniet jäne sport basqarmasynyŋ İnstagramdaǧy @madeniet_sport.astana akkauntynan tanysyp otyruǧa bolady.

Jazyp alǧan
Amanǧali QALJANOV