Sel men nöser suynan tazartady
Qala äkımdıgı Memleket basşysynyŋ tapsyrmasymen tabiǧi sel men nöserdıŋ suynan qorǧanu üşın «Astana qalasyndaǧy nöserlık kärızderınıŋ jüiesın damytu» jobasyn sättı türde jüzege asyruda. Keşe elorda äkımı Äset İsekeşev Esıl özenınıŋ sol jaǧalauynda salynyp bıtken nöser suynan tazartatyn ǧimaratty baryp kördı.
Joba Astanadaǧy nöserlık kärız jüiesın damytu barysynda qalanyŋ ışkı ortasyn jaqsartyp, joldardyŋ jabyndysyn, ǧimarattar men qūrylystardyŋ negızı men ırgetasynyŋ saqtaluyn qamtamasyz etedı. Tazalaityn ǧimarattyŋ quaty täulıgıne – 19 590 kubometr.
Aua raiynyŋ keibır qolaisyz künderınde şelektep jauǧan nöserdıŋ suy qalalyqtar men jergılıktı bilıktı bıraz äbıgerge salǧan bolatyn. Sebebı jauyn-şaşynnan artylǧan tasqyn sudy kärız jüiesı retteuge şamasy jetpedı ärı oǧan oryn da qarastyrylmaǧan bolatyn. Memleket basşysy kölkıgen jauyn suynyŋ mäselesın şeşudı tapsyrǧan bolatyn.
Osyǧan bailanysty, qala äkımdıgı tūryp qalǧan sudy tazartu jäne su tartu boiynşa keşendı baǧdarlama jasap şyqty. Baǧdarlamada innovasiialyq tehnologiia men tehnikalyq şeşımdermen bırge, eŋ üzdık älemdık täjıribeler de eskerıldı.
2017 jyldyŋ soŋyna deiın tazartatyn ǧimarat keşenı paidalanuǧa berılıp, Tūran daŋǧylynan Syǧanaq köşesınıŋ qiylysyna deiın jäne Esılden Kışı Taldyköl özenıne deiın su aidaityn kollektor ıske qosylady.