Qalalyq mäslihattyŋ kezekten tys otyz segızınşı sessiiasyna Astana qalasy äkımınıŋ bırınşı orynbasary S.Horoşun, qala äkımınıŋ orynbasarlary, Almaty, Saryarqa, Esıl audandarynyŋ äkımderı men būqaralyq aqparat qūraldarynyŋ ökılderı qatysty.
Sessiiada söz alǧan qalalyq mäslihattyŋ hatşysy Sansyzbai Esılov Elbasy Jarlyǧymen Qazaqstan Respublikasynyŋ Parlamentı Senaty deputattarynyŋ sailauy biylǧy qazannyŋ 1-ıne taǧaiyndalǧanyn, osyǧan orai, senator retınde kandidattardy ūsynu mäslihattardyŋ sessiialarynda, sondai-aq özın-özı ūsynu tärtıbımen jüzege asyrylatynyn aita kele, Qazaqstan Respublikasy Parlamentı Senatynyŋ deputattaryn sailau nauqany qarsaŋynda qalalyq qauymdastyqtyŋ atynan Senat deputattyǧyna laiyqty ümıtkerdı ūsynuymyz qajet ekenın jetkızdı. Būl rette №12 sailau okrugınıŋ deputaty Sapar Ahmetov elordamyz – Astana qalasynyŋ atynan bolǧandyqtan, ūsynylǧaly otyrǧan ümıtker bas qalamyzdyŋ bedeldı azamaty boluy qajettıgın eskere otyryp, qalalyq mäslihattyŋ deputaty, «Nūr Otan» partiiasynyŋ müşesı, «Sesna» korporasiiasy» AQ direktorlar keŋesınıŋ töraǧasy Serık Jaqsybekovtıŋ kandidaturasyn ūsyndy.
«1997 jyldan bastap 2007 jylǧa deiın «Sesna» korporasiiasy» AQ Basqarmasynyŋ töraǧasy, 2007 jyldyŋ nauryzynan «Sesna» korporasiiasy» AQ Direktorlar keŋesınıŋ töraǧasy qyzmetterın atqaryp kele jatqan Serık Ryskeldıūly mäslihat deputaty, partiia müşesı retınde de qoǧamdyq, äleumettık jūmystar men qaiyrymdylyq şaralaryna belsene aralasyp jür» dedı deputat.
Tyŋ ölkesınde düniege kelıp, osy öŋırdı örkendetuge üles qosqan S.Jaqsybekov är jyldarda Qazaqstan KP Şortandy audandyq komitetı ūiymdastyru bölımınıŋ instruktory, audandyq mamandandyrylǧan şaruaşylyq bırlestıgı partiia komitetınıŋ hatşysy, Selinograd qalalyq atqaru komitetı töraǧasynyŋ kömekşısı, Selinograd qalalyq äkımşılıgı basşysynyŋ keŋesşı-konsultanty, QR QM Aqmola oblysy boiynşa Kedendık basqarmanyŋ bastyǧy qyzmetterın atqardy. Onyŋ ömır joly men adami qasietterı, ösken ortasy turaly äŋgımelegen deputattar Q.Qūlmūqanov pen Z.Şibkenov te ärıptesterın osy ümıtkerdı qoldauǧa şaqyrdy.
Osylaişa, qalalyq mäslihattyŋ deputattary Serık Jaqsybekovtı Qazaqstan Respublikasy Parlamentı Senatynyŋ deputattyǧyna ümıtker retınde tırkeudı bırauyzdan maqūldady.
Gülbarşyn ÖKEŞQYZY
