Memlekettık qyzmet atqaru qoǧam men memleket tarapynan erekşe senım bıldıru bolyp sanalady jäne memlekettık qyzmetşılerdıŋ moraldyq-ädeptılık beinesıne joǧary talaptar qoiady.
Qoǧam jäne jūrtşylyq tarapynan memlekettık qyzmetşı barlyq küş-jıgerın, bılımı men täjıribesın öz qyzmetın adal ärı käsıbi tūrǧyda atqaruǧa jäne Otanymyzǧa qaltqysyz qyzmet etuge jūmsaidy degen senım qalyptasqany anyq.
El Prezidentı Q.K.Toqaev atap ötkendei, elımızdıŋ auqymdy syn-qaterlerdı eŋseru barysynda memleketke degen qoǧamdyq senım, onyŋ özgerısterge daiyndyǧy mäselesı erekşe maŋyzǧa ie boluda. Neǧūrlym tiımdı memlekettık basqaruǧa, azamattardyŋ basqaruşylyq şeşımder qabyldauǧa qatysuyna degen sūranys tūraqty türde qalyptasuda.
Osy oraida, memlekettık qyzmettıŋ maqsat-müddesı men talaptaryn anyqtap beretın Memlekettık basqarudy damytudyŋ 2030 jylǧa deiıngı jaŋa Tūjyrymdamasy qabyldandy.
Memlekettık basqarudyŋ servistık jäne «adamǧa baǧdarlanǧan» modelın qūrudy aiqyndap otyrǧan Tūjyrymdamanyŋ maqsattaryna qol jetkızu üşın Memleket basşysy klientke baǧdarlanǧan jäne aşyq memlekettık apparatty qalyptastyru, oŋtaily jäne tiımdı memlekettık apparatty qalyptastyru, azamattardyŋ qajettılıkterı negızınde proaktivtı memlekettık qyzmetterge köşu mındetterın alǧa qoiyp otyr.
Jalpy, memlekettık qyzmet körsetudıŋ sapasyn arttyru arqyly azamattardyŋ memlekettık organdardyŋ qyzmetıne degen senımın köterudıŋ maŋyzdylyǧy erekşe dep sanaimyz.
Memlekettık qyzmet körsetu sapasy – memlekettık qyzmetşıler jūmysy tiımdılıgınıŋ basty körsetkışı jäne ol memlekettık tūtynuşy retınde halyqqa tıkelei baǧdarlanuy tiıs.
Ötken jyly Nūr-Sūltan qalasynyŋ memlekettık organdary tarapynan 17 millionnan astam memlekettık qyzmet körsetılgen. Elektrondyq türde körsetılgen memlekettık qyzmetterdıŋ jalpy mölşerı – 81,3%, būl körsetkış ötken jyldyŋ säikes kezeŋımen salystyrǧanda 1,64 esege köp.
Halyqpen tıkelei jūmys ıstep, qūjattardy der kezınde daiyndap, sapaly qyzmet körsete bılu qai kezde bolsyn, eŋ maŋyzdy mäselelerdıŋ bırı bolmaq. Halyqqa qyzmet körsetu bölımderı: belgılı bır qyzmettı alu üşın jügıngen azamattarǧa «bır tereze» arqyly qajettı anyqtamalar men qūjattardy aluǧa mümkındık beredı.
Memlekettık korporasiia filialy arqyly 2021 jyly 1,4 million qyzmet körsetılgen.
Kün ötken saiyn sapaly serviske degen qajettılık artyp keledı, ärdaiym qyzmette nätijege jetu üşın kez kelgen ūiymnyŋ jūmysynda klientke baǧdarlanuşylyq bırınşı kezekke şyǧady. Qyzmet sapasyn baqylau departamentı tūraqty türde halyqqa qyzmet körsetu bölımderınde monitoringter jürgızıp keledı. 2021 jyly 60-qa juyq memlekettık organdar men mekemelerge monitoring jürgızıldı. Sonyŋ nätijesınde memlekettık qyzmetterdı aluşylar üşın qolaily jaǧdailardyŋ jasaluy, qoljetımdılıktı qamtamasyz etuı qadaǧalanady.
Bügıngı taŋda Nūr-Sūltan qalasynda 8 halyqqa qyzmet körsetu bölımı bar. Barlyq bölımder mümkındıgı şekteulı jandarǧa tiıstı jaǧdailar jasap, pandustarmen, şaqyrtu batyrmalarymen jabdyqtalǧan. Sondai-aq keluşıler üşın alǧaşqy järdem körsetetın qobdişalar, qan qysymyn ölşeitın tonometrler, ana men bala bölmelerı de bar.
Sifrlandyru elektrondy qyzmetterdıŋ sany men sapasyn arttyrumen ǧana jasalatyn ıs emes. Ol sondai-aq halyqtyŋ barlyq toptaryn, onyŋ ışınde jasy ülken kısılerdı, mümkındıkterı şekteulı, ne bolmasa densaulyq jaǧdaiyna bailanysty halyqqa qyzmet körsetu bölımderıne baruǧa qinalatyn azamattardy elektrondy täsılmen qyzmet aluǧa üiretu, iaǧni sifrlyq sauattylyǧyn arttyruǧa baǧyştalǧan.
Mäselen, Departamentpen elordalyq «Şarapat» äleumettık qyzmet körsetu ortalyǧynyŋ zeinetkerlerı üşın memlekettık qyzmetterdı alu boiynşa ıs-şara ūiymdastyryldy. Atalǧan mekemede 300-ge juyq qart adamdar men I, II toptaǧy mümkındıgı şekteulı jandar tūrady. Köp jaǧdaida olardyŋ halyqqa qyzmet körsetu bölımderıne jügınuge mümkındıkterı bolmai jatady. Sol sebeptı olar üşın elektrondyq sifrlyq qoltaŋba alu, jasyna bailanysty zeinetaqy tölemderın taǧaiyndau jäne tūrǧylyqty jerı boiynşa tırkeu siiaqty memlekettık qyzmetterdı köşpelı körsetu ūiymdastyrylyp otyrady.
Sonymen qatar, Departamentpen jyl saiyn halyqtyŋ sifrlyq sauattylyǧyn arttyru maqsatynda qala äkımdıgı jäne Memlekettık korporasiia filialy arasynda jelılık keste jasalady. Biyl atalǧan kestege säikes, 10 myŋnan astam tūrǧyndy oqytu josparlanǧan.
Memlekettık qyzmetter körsetu sapasyn baǧalau jäne baqylau jönındegı uäkılettı organnyŋ aldynda memlekettık qyzmetke közqarasty tübegeilı özgertıp qana qoimai, eŋ aldymen, memlekettık qyzmet körsetu sapasyn arttyru maqsaty tūr.
Osylaişa memlekettık qyzmet körsetu sapasyn jaqsartyp, belgılengen problemalardy şeşe otyryp, memleket tarapynan azamattardyŋ senım deŋgeiın edäuır arttyruǧa jäne barlyq yqtimal täuekelderdı barynşa azaituǧa bolady.
Memlekettık qyzmetter körsetu sapasyn jetıldıru mäselesı ärbır organ qyzmetınıŋ basty baǧytyna ainaluy tiıs.
Jandos SÄRSEN, QR Memlekettık qyzmet
ısterı agenttıgınıŋ Nūr-Sūltan qalasy
boiynşa departamentı basşysy
