Halqymyzdyŋ äl-auqatynyŋ ösuın basty basymdyqqa bekıtken Memleket basşysy N.Ä.Nazarbaevtyŋ Qazaqstan halqyna joldauy «Qazaqstandyqtardyŋ äl-auqatynyŋ ösuı: tabys pen tūrmys sapasyn arttyru» taqyrybynda örbıdı.
Būl rette Elbasy medisinalyq qyzmet sapasyna basty nazar audaryp, ony tūrǧyndardyŋ äleumettık köŋıl-küiınıŋ asa maŋyzdy komponentı retınde baǧalady. Elbasynyŋ osy saladaǧy jūmysty eŋ aldymen, äsırese, auyldyq jerlerde alǧaşqy medisinalyq-sanitarlyq kömektıŋ qoljetımdı boluyn qamtamasyz etu qajettıgın basa körsettı.
Dese de, elordalyq bastapqy medisinalyq-sanitarlyq kömek körsetetın mekemelerdıŋ de özındık qiyndyqtary joq emes. Osy rette Joldauda qarastyrylǧan bırqatar tūjyrymdar densaulyq saqtau salasyn jaŋa sapaǧa köteredı dep oilaimyn. Atap aitqanda, bastapqy medisinalyq-sanitarlyq kömek körsetetın qyzmetkerlerdı yntalandyru üşın 2019 jyldyŋ 1 qaŋtarynan bastap aurulardy emdeu ısın basqarudyŋ jaŋa täsılderın engızgen uchaskelık medisina qyzmetkerlerınıŋ jalaqysyn kezeŋ-kezeŋmen 20 paiyzǧa köbeitudı atqaruşy organdarǧa tapsyrdy. Jäne osy maqsattarǧa kelesı jyly 5 milliard teŋge bölınetını belgılı boldy. Būl öte qajettı, der kezınde köterılgen mäselenıŋ bırı bolyp otyr.
Mäselen, özım jetekşılık etetın №8 qalalyq emhanaǧa 70545 adam tırkelgen. Är uchaskelık därıger myŋnan asa adamnyŋ densaulyǧyna jauapty. Ärine, olardyŋ densaulyǧy, ömır jasynyŋ ūzaqtyǧy qoǧamdaǧy özgerısterge tyǧyz bailanysty. Eger keŋınen alyp qarasaq, Elbasy Joldauynda būl da eskerılıp, adam densaulyǧy ärıden qarastyrylyp otyr. Ol myna mätınde körınedı: «Qūrylysqa men kommunaldyq sektorǧa zamanaui tehnologiialardy belsendı engızu, bılım beru ısınde özımızdıŋ ozyq jüiemızdı qūru, medisinalyq kömektıŋ qoljetımdılıgı men tiımdılıgın arttyru, sapaly jūmyspen qamtudy qamsyzdandyru – azamattarymyzdyŋ ömırınıŋ deŋgeiın sözsız köteredı». Memleket basşysy osy ozyq tehnologiialardy emhanamyzǧa endırsek, onda densaulyq saqtau salasynda aurulardyŋ aldyn alu men emdeudı aitarlyqtai jaqsartuy, medisinalyq qyzmet körsetu sapasyn arttyru ısı sözsız alǧa jyljitynyn aitady.
Barlyq emhanalar men auruhanalar medisinalyq qūjattardy qaǧazsyz, sifrlyq nūsqada jürgızuge köşırıp, 2020 jylǧa qarai bükıl tūrǧyndardyŋ elektrondy densaulyq pasporttaryn jasauǧa, kezekterdı, biurokratiiany joiuǧa, qyzmet körsetu sapasyn arttyruǧa mümkındık aşylu qajettıgı de Joldauda aiqyn körsetılgen.
Būl rette elordamyzda aitarlyqtai auqymdy jūmystar oryndaldy deuge bolady. Bügınde Astana qalasy Qoǧamdyq densaulyq saqtau basqarmasynyŋ mälımetı boiynşa, 780 myŋ medisinalyq qūjattar sandyq sapaǧa auystyrylyp, elektrondy qalypqa endı. Qalalyqtardyŋ 93 paiyzynda densaulyqtyŋ elektrondy pasporty bar.
Qazırgı künde emhanamyzda qoldanylyp jürgen keşendı baǧdarlama, bırınşıden, därıgerge qolaily. Ol özınıŋ uchaskesıne tırkelgen adamdardyŋ hal-jaǧdaiyna, olardyŋ emhanadan tysqaryda bolyp jatqan densaulyǧyna qatysty özgerısterge monitoring jasai alady. Özıne qarasty tırkeude tūrǧan adamnyŋ densaulyǧy kürt tömendep, jedel järdem şaqyrdy ma, ne bolmasa auruhanada emdeldı me, basqa da oqys oqiǧaǧa tap keldı me? Mūnyŋ bärın därıger öz modulı arqyly emdeluşılerdıŋ barlyq qimyl-qozǧalysyn, emdelu qorytyndylaryn baqylap otyrady. Därıger uchaskesındegılerdıŋ tolyq tızımın köre alady, ony top-tobymen jasyna qarai, taǧy basqa sipattarymen ırıktei alady. Osy tızım arqyly skriningten ötuge tiıstı tūrǧyndardy anyqtap, basqa da kezektegı em-şaralardyŋ kestesın tüzep, habarlasa alady.
Osy baǧyttaǧy jūmystardyŋ jandanuyna Elbasy Joldauy tyŋ serpılıs berıp, bızdıŋ jūmystyŋ sapasyn köteruge özındık talap ta qoiyp otyr.
Aigül QASYMOVA,
№8 qalalyq emhananyŋ
bas därıgerı
