Keşe äkımdıkte elorda basşysy Baqyt Sūltanov qala aktivımen kezdesu ötkızıp, Memleket basşysy Nūrsūltan Nazarbaevtyŋ «Qazaqstandyqtardyŋ äl-auqatynyŋ ösuı: tabys pen tūrmys sapasyn arttyru» atty halyqqa Joldauyn talqylady. Astana äkımı būl jolǧy Joldau özınıŋ maŋyzy men mazmūny jaǧynan erekşelenıp, būǧan deiın daiyndalǧan jäne uaqyt synynan ötken «Qazaqstan-2050» strategiiasy, «Nūrly jol», «100 naqty qadam» Ūlt jospary siiaqty baǧdarlamalyq qūjattardyŋ logikalyq jalǧasy bolǧanyn atap öttı.
«El Prezidentı Nūrsūltan Nazarbaev azamattardyŋ äleumettık jaǧdaiyn, ömır süru sapasyn jäne qoǧamdy damytuǧa qatysty kölemı jönınen būryn bolyp körmegen ıs-şaralardy belgılep berdı. Joldaudyŋ ärbır tarmaǧy Qazaqstannyŋ qarqyndy damuy üşın maŋyzdy bolyp tabylady, ony jüzege asyru bızge älemdegı 30 damyǧan eldıŋ qataryna senımmen kıruımızge mümkındık beredı. Memleket basşysy jariia etken mındetter aǧymdaǧy jyldyŋ 11 qyrküiegınde qala aktivımen kezdesude aitylǧan maqsattarmen tyǧyz bailanysty. Mäselen, būl – qalany damytudyŋ jaŋa modelın engızu jäne innovasiialardy damytu men jaŋaşyl adamdardy ösıru üşın qolaily orta qalyptastyru» dedı Baqyt Sūltanov.
Kezdesuge qatysuşylar Prezidenttıŋ Joldauynda körsetılgen barlyq salalarǧa qatysty mäselelerdı talqylady. Atap aitqanda, olar «7-20-25» memlekettık baǧdarlamasyn jüzege asyru baǧytyndaǧy oi-pıkırlerımen bölıstı. Qala äkımı Baqyt Sūltanov būl baǧdarlama aldaǧy 5 jylda 100 myŋnan asa azamattardy baspanamen qamtamasyz etuge mümkındık beretının mälım ettı.
Qala aktivı elordamyzdaǧy biznes ahualdy damytu mäselesın köterdı. Būl baǧytta ıske asyrylyp jatqan jobalar jönınde «Damu» käsıpkerlıktı damytu qorynyŋ astanalyq filialynyŋ direktory Abdolla Nūrsūltan baiandady. Bılım beru jäne densaulyq saqtau salasyndaǧy qyzmetterdıŋ sapasy turaly elordalyq mektepterdıŋ basşylary men balabaqşalardyŋ meŋgeruşılerı äŋgımeledı. Astana äkımı är saladaǧy ıs-şaralardyŋ airyqşa maŋyzdylyǧyna toqtaldy. Ol, äsırese, densaulyq saqtau, bılım beru salalarynyŋ azamattar üşın qoljetımdı boluyn qamtamasyz etudı, sondai-aq, aulalyq jäne ışkıoramdyq aumaqtardy abattandyruǧa erekşe köŋıl böludı tapsyrdy.
