Taza qalanyŋ tynysy keŋ. Al elordanyŋ qai kez bolsyn mūntazdai bolyp tūruy, älbette, tazalyqşylardyŋ zor eŋbegı ekenı anyq. Degenmen dästürge ainalǧan senbılık te bas qalanyŋ körkeiuıne özındık ülesın qosuda. Būl ıske kelgende jūrtşylyq ta jūdyryqtai jūmylady. Senbı künı «Qala tazalyǧy üşın» degen tılek ekı qolǧa bır kürek ūstatty. Jalpyqalalyq senbılıkke 188 myŋnan asa astanalyq qatysty.
Senbılıkte memlekettık mekemeler, ministrlıkterden bastap ūlttyq kompaniialardyŋ, jalpy 4180 mekemenıŋ mamandary qala tazalyǧyna üles qosuǧa bılek sybana kırıstı. 171 jük tiegış pen 335 jük kölıgı, jalpy 506 mamandandyrylǧan tehnika jūmyldyrylyp, 2,3 mln şarşy metr jerge tazalyq jūmystary jürgızıldı. Senbılıkke şyqqan ministrlıkterdıŋ, agenttıkterdıŋ, Astana qalasy äkımdıgınıŋ qyzmetkerlerı, Ardagerler keŋesı men käsıpodaq, qoǧamdyq bırlestıkter ūjymdary belsendılık tanytty. Jalpyqalalyq senbılık barysynda aula ışterın abattandyru, balalar oinaityn jäne sport alaŋdaryn qalpyna keltıru, injenerlık-kommunikasiialyq jelılerdı, syrtqy jarnamalardy retke keltıru, ötpejoldardy jäne köpırlerdıŋ qorşaularyn juu, aialdamalardaǧy pavilondardy jöndeu, bei-bereket tastalǧan avtokölık qūraldaryn şyǧaru, köşeler men saiabaqtardaǧy jaryqtandyrǧyştardy boiau siiaqty jūmystar atqaryldy. Sondai-aq erıktıler men qoǧamdyq ūiym ökılderınıŋ qatysuymen Esıl, Aqbūlaq jäne Sarybūlaq özenderınıŋ jaǧalaularynda da ekologiialyq şaralar ötkızıldı.
Bır kündık tazalyq şarasynda 900 tonnadan asa qoqys jinalyp, qala syrtyna şyǧaryldy. Sondai-aq qalanyŋ tört audanynda 9 myŋnan asa aǧaş otyrǧyzyldy. Tüptep aitqanda, jalpyqalalyq senbılık serpındı öttı deuge negız bar.
