Bügıngı taŋda elordanyŋ bılım beru mekemelerınde 13 760 pedagog jūmys ısteidı. Jyl saiyn özınıŋ käsıbi bılıktılıgın arttyratyn mūǧalımder sany artqan.
Qazırgı künde qalalyq mektepterde bırınşı jäne joǧary sanattaǧy 6239 pedagog eŋbek etedı. Byltyr būl körsetkış 5944 qana bolǧan. Jyl ötken saiyn bılım salasynda qyzmet etetın jas mamandar sany ūlǧaiyp keledı. Ol 15 paiyzǧa köterılgen. Mektepke deiıngı bılım beru ūiymdarynda 3661 pedagog qyzmet atqarady.
Astanalyq kolledjderde 1774 injenerlık pedagogika qyzmetkerı jasöspırımderge sabaq beredı. Sonyŋ ışınde 913-ı – memlekettık, 861-ı jeke menşık kolledjde ısteidı. Tehnikalyq jäne käsıptık bılım berude kadrlar 100 paiyz jasaqtalǧan.
Kolledjderde dualdı bılım beruge basa nazar audarylady. Qazır būl ürdıske 21 mamandyq boiynşa 18 kolledj ben 44 käsıporyn tartylǧan, memlekettık bılım beru tapsyrysy boiynşa oqyp jatqan 1 464 student qamtylǧan.
Elordalyq 9 kolledjde eksperimentaldy oqu josparlary äzırlendı, olardyŋ öndırıstık oqytu ülesı 60 paiyzǧa deiın, al teoriialyq – 40 paiyzǧa deiın, biylǧy jyldyŋ qyrküiegınen bastap täjıribe 10 oqu ornynda qolǧa alynbaq. Aldaǧy qaraşa aiynda gumanitarlyq, medisinalyq kolledjder men «Danalyq» medisinalyq-farmasevtikalyq kolledjınde dualdı bılım berudı engızu közdelgen.
