«Taza Qazaqstan» ekologiialyq aksiiasy aiasynda Astana qalasy Dın ısterı jönındegı basqarmasynyŋ bastamasymen Dınderdı zertteu ortalyǧy jäne «Astana medrese» kolledjınıŋ studentterı «Şarapat» äleumettık qyzmet körsetu ortalyǧy aumaǧynda senbılık ötkızdı, dep habarlaidy astana-akshamy.kz
Dınderdı zertteu ortalyǧynyŋ direktory Almas Ernazarovtyŋ sözınşe, ekoaksiiaǧa 60-qa juyq adam qatysty.
«Elordada «Taza Qazaqstan» ekologiialyq aksiiasy ötkızılıp jatyr. Bügın qalalyq Dınderdı zertteu ortalyǧynyŋ qyzmetkerlerı jäne Astana qalasynyŋ medrese kolledj studentterı kelıp, tazalyq jūmystaryn jürgızıp jatyr. Odan bölek ortalyq qariialarymen kezdesemız. Jalpy senbılıkke 60-qa juyq adam qatysyp jatyr. Osy uaqytqa deiın Dın ısterı jönındegı basqarma bastamasymen bırneşe senbılık ūiymdastyryldy», – deidı Almas Ernazarov.
İgı bastamaǧa qatysqan «Astana medrese» kolledjınıŋ 2-kurs studentı Miras Serıkūlynyŋ aituynşa, oqu ordasynyŋ studentterı ärqaşan ekologiialyq aksiialardy qoldaidy.
«Bızdıŋ kolledjde mūndai ıs-şaralar jiı bolyp tūrady. Ärqaşan kolledj aumaǧynda tazalyq jūmystaryn jürgızemız jäne osyndai äleumettık ortalyqtarǧa kömektesıp tūramyz. Bız ärqaşan ekoaksiialardy qoldaimyz», – deidı elordalyq student.
Ekoaksiia barysynda ortalyqta äleumettık qyzmet aluşylarmen kezdesu ūiymdastyryldy. Jiynǧa Yryskeldı qajy atyndaǧy meşıttıŋ bas imamy Nūrlan Baijıgıtūly qatysyp, qariialar men olarǧa kütım jasap otyrǧan qyzmetkerlerge rizaşylyǧyn bıldırdı.
«Bız osy äleumettık ortalyqqa jiı kelıp tūramyz. Ata-äjelerımızdıŋ köŋıl-küiın aulap, jiı sūhbat jürgızemız. Jalpy elımızde mūndai mekemelerge köp köŋıl bölınedı. Ortalyqtaǧy qariialar jyly peiılge mūqtaj. Sebebı jas kelgen saiyn adam balasy är närsege synmen qaraidy. Sondyqtan da qariialarǧa jaqsy söz aitu olarǧa quat syilaidy», – deidı ol.
Öz sözınde Nūrlan imam aldaǧy uaqytta ortalyq qariialaryn kışı qajylyqqa aparudy josparlap otyrǧanyn atap öttı.
«Biyl küzde ortalyqtaǧy öz erkımen jüre alatyn, densaulyǧy joldy kötere alatyn qariialardy qajylyqqa aparu turaly josparymyz bar. Bız mūndai bastamany basqa öŋırlerde dästürge ainaldyrdyq. Qariialardy kütuşı adamdarmen alyp baryp, qysqamerzımdı qajylyqqa aparatyn bolamyz», – dedı ol.
Kezdesu soŋynda äleumettık ortalyq direktory Ardaq Seiıtova ekoaksiia qatysuşylaryna alǧys bıldırdı.
