Keşe Astana qalalyq mäslihatynyŋ otyrysynda şetkı aimaqtardyŋ jaǧdaiy men olardy damytu mäselelerı ortaǧa salyndy. mäjılıste qalalyq Säulet jäne qala qūrylysy basqarmasy basşysynyŋ orynbasary Anton Maksimov pen qalalyq Energetika basqarmasynyŋ basşysy Baqtybek Japaev baiandama jasady.
Astanada qazır qalanyŋ şetınde ornalasqan 19 tūrǧyn alaby bar. Olarda barlyǧy 140 myŋ halyq tūrady. Baiandamaşylardyŋ sözınen ūqqanymyz, būl eldı mekenderde atqarylatyn şarua älı de şaş etekten. Mäslihat deputattary da ötkır saualdar qoiyp, özektı mäselelerdı qozǧady.
Mäselen, Ramziia Umerbaeva jaŋa äleumettık nysandardy salǧanda mümkındıgı şekteulı jandardyŋ jaǧdaiy eskerıle me degen sūraqty qoidy. Sondai-aq, şetkı aimaqqa jatpasa da, tüitkılderı köp «Şūbar» şaǧyn audanyndaǧy jaǧdaiǧa nazar audardy.
«Būl şaǧyn audanǧa qoǧamdyq kölık bara qoimaidy. Köşelerdıŋ özımen jüru yŋǧaisyz. Jaiau jürgınşılerge, sonyŋ ışınde balalarǧa arnalǧan joldar atymen joq. Būl mäselenı bırneşe ret kötergende, «Şūbar» sürıluge jatatyn audan degen jauapty estimın. Alaida jaǧdaiǧa tereŋdegende investorlardyŋ joqtyǧyn köremız. Būǧan qosa, mūnda nöser sularyn aǧyzatyn jüie men kärız jüiesı da joq. Şaǧyn audan sürıletın boldy ma? Äitpese, Astananyŋ ortalyǧynda ornalasqan audanda tūratyn halyqtyŋ jaǧdaiy adam tözgısız. «Şūbardaǧy» üiler peşpen jylytylatyndyqtan, qalanyŋ ekologiiasyna nūqsan keltırıp otyr deisızder. Halyq sonda basqa ne ısteu kerek? Osy sūraqtarǧa jauap berıŋızşı» dedı deputat.
Bırınşı sūraqqa «qazırgı taŋda qūrylys nysandardy tapsyru kezınde memlekettık komissiianyŋ aktısıne qol qoiu bızdıŋ qūzyrymyzǧa jatpaidy. Moiyndaimyn, osy jaǧdaimen bailanysty jūmysymyz qiyndady. Bızdıŋ tarapymyzdan būl kürdelı mäselelerdıŋ bırın baqylau prosesı kemıdı» degen jauapty berdı Anton Maksimov.
Al ekınşı mäsele boiynşa jaqynda Katardan investorlar kelıp ketkenın, 2025 jylǧa deiın «Şūbarda» üş mektep salu josparlanǧanyn aityp öttı. Al şaǧyn audandaǧy joldar tar bolǧandyqtan, tiıstı standarttarǧa sai injenerlık jelılerdıŋ qūrylysyn jürgızu mümkın bolmai tūrǧanyn jetkızdı. «Ol üşın eldı mekennıŋ bas jaǧyndaǧy üilerdı süruge tura keledı. Al bız būǧan bara almaimyz. Ärine, būl öte kürdelı mäselege ainalyp otyr. Al şaǧyn audandy tügelımen sürıp tastau onyŋ tūrǧyndaryna tıkelei bailanysty. Halyq üilerın qymbat baǧaǧa saudalap tūr. Sondyqtan mäsele sol qalpy ornynan qozǧalmai tūr» dedı qalalyq Säulet jäne qala qūrylysy basqarmasy basşysynyŋ orynbasary.
Otyrysta özge de tūrǧyn alaptaryna qatysty özektı mäseleler qozǧaldy. Qalalyq Energetika basqarmasynyŋ basşysy Baqtybek Japaev olardy jylumen, elektr energiiasymen qamtamasyz etu mäselelerınen habar berdı. Qalaǧa gaz tartu josparymen tanystyrdy.
Tūrǧyn alaptarǧa qoǧamdyq kölıktıŋ az qatynaityny köpten berı aitylyp jür. Būl mäsele boiynşa baiandaǧan «Astana LRT» kompaniiasynyŋ basşysy Talǧat Ardan bärı sol infraqūrylymǧa tırelıp tūrǧanyn, iaǧni joldardy keŋeitu kerektıgın aityp öttı.
Qoryta aitqanda, tüitkılder, negızınen, qarjylandyrudyŋ jetıspeitındıgınen tuyndap jatyr eken. Iаǧni, onyŋ bärın şeşu üşın biudjetten qarjy köbırek bölınu kerek.
Amanǧali QALJANOV
