Qazaqstan Prezidentı Qasym-Jomart Toqaev Aqorda rezidensiiasynda şet memleketterdıŋ ırı investisiialyq kompaniialary ökılderımen kezdestı.
Jiynda Memleket basşysy şeteldık investisiialar Qazaqstan damuynyŋ negızgı faktorlarynyŋ bırıne ainalǧanyn, sondyqtan elımız investisiialyq ahualdy jaqsartuǧa erekşe köŋıl böletının atap öttı.
– Būl saladaǧy jüielı ärı jan-jaqty jūmystar bızdı Ortalyq Aziiadaǧy eŋ ırı, postkeŋestık keŋıstıkte jyldam damyp kele jatqan ekonomikalardyŋ bırıne ainaldyrdy. Täuelsızdık jyldary şetelden 370 milliard dollardan astam tıkelei investisiia tarttyq. Memleket investorlardy barlyq jaǧynan qoldauǧa basymdyq beredı. Bız ärbır investordy jeke ärı keşendı qoldau qaǧidatyn engızdık, – dedı Qasym-Jomart Toqaev.
Prezident tıkelei özı töraǧalyq etetın Şeteldık investorlar keŋesınıŋ investorlarmen özara yqpaldasu üşın negızgı alaŋ ekenın atap öttı. Naqty sektorǧa tıkelei investisiia tartudan bölek qūndy qaǧazdar naryǧyn damytu men şeteldık portfeldı investorlardy elge äkeluge erekşe köŋıl bölınıp keledı. Memleket basşysy Qazaqstannyŋ aimaqtaǧy ırı kapital naryǧyn qūrap otyrǧanyn jetkızdı.
– Ūlttyq bank negızgı qarjylyq retteuşı retınde qor naryqtaryn odan ärı damytu jolynda belsendı jūmys ıstep jatyr. Qazaqstanda būl salanyŋ qūqyqtyq jäne infraqūrylymdyq baǧyty jetıldırılgen. Elımızde ekı qor birjasy – Almatydaǧy KASE jäne Astana halyqaralyq qarjy ortalyǧy tabysty qyzmet atqaryp keledı, – dedı Memleket basşysy.
Prezidenttıŋ aituynşa, älemdegı jetekşı uran öndıruşı «Qazatomönerkäsıp» käsıporny men qarjy tehnologiiasy boiynşa aimaqtaǧy köşbasşy Kaspi.kz IPO-lary kapital naryǧynyŋ dinamikasyn arttyryp, ılgerıleuıne üles qosty.
Qasym-Jomart Toqaev qazır elımızde jekeşelendıru boiynşa auqymdy jūmystar atqarylyp jatqanyn aitty.
– Qazırgı uaqytta Qazaqstan ekonomikasynyŋ mūnai-gaz, energetika, infraqūrylym jäne basqa da salalarynda 700-den astam memlekettık käsıporyndy jekeşelendıru boiynşa auqymdy jūmystar jürgızılude. Bız ırı kompaniialardyŋ aksiialarynyŋ ūlttyq qor birjalarynda tırkelgenın qūp köremız, – dedı Memleket basşysy.
Prezident bügıngı kezdesu qazaqstandyq kapital naryqtaryna şeteldık investisiialardy köptep tartu turaly pıkır almasuǧa tamaşa mümkındık beretının aitty. Sonymen qatar Qasym-Jomart Toqaev osyndai kelelı jiyndy tūraqty türde ötkızudıŋ maŋyzdy ekenın atap öttı.
Jiynda «Blackrock», «Luxor Capital», «Lugard Road Capital», «Aberdeen Asset Management», «Capital Group», «Sands Capital», «Alameda Research&FTX», «Kingsway Capital» kompaniialarynyŋ jetekşılerı söz söiledı.
