Jaz jainatyp, kün küldırıp balalarmen bırge alys saparǧa şyǧu asa qiyn şarua emes. Elımızdegı turistık kompaniialar naryqtyŋ būl segmentın äbden zerttep, talǧamyŋyz ben qaltaŋyzǧa qarai türlı marşrut ūsyna alady. Qalasaŋyz, älemnıŋ barlyq elınde balaŋyzdy demaldyruǧa bolady. Alaida Batys Europada balalar müddesı memleket saiasatyna ainalyp, bar jaǧdaidy jasaǧan eken.
İspaniia äsem tabiǧatymen jäne Europadaǧy eŋ jaqsy jaǧajailardyŋ köptıgımen erekşelenedı. Būl eldegı balalardyŋ demalysy bırneşe baǧytta belsendı damyp keledı. Ärbır ispandyq balalar sport lagerı jalpy dene damuyn jäne belgılı bır sport türın: tennis, at sporty, golf, futbol, jelkendı sport, jüzu jäne t. b. oqudy qamtityn jeke jattyǧu baǧdarlamasyn ūsynady. Ony eldıŋ tarihi-mädeni oryndarynda tanymdyq saiahatpen ūştastyrady. Mūndai ekskursiialarǧa baru arqyly bala İspaniianyŋ ötkenı men bügını turaly köptegen qyzyqty mälımet alady. Mūnda demaluşylarǧa türlı şyǧarmaşylyq şeberhana, ädebi-teatrlandyrylǧan üiırme ūsynylady. İspaniianyŋ köptegen europalyq elderden aiyrmaşylyǧy, mūnda köptegen otbasy balalaryn jazǧy lagerlerge jıberu dästürlı bolǧandyqtan, atalmyş infraqūrylym jaqsy damyǧan. Balalar lagerlerı tek kurorttyq aimaqta ǧana emes, tauda da ornalasqan. Būl – balalardyŋ jaily tūruy men demaluy üşın arnaiy salynǧan keşender. Balalar lagerınde bılıktılıgı joǧary mūǧalımder men arnaiy daiyndalǧan kadrlar jūmys ısteidı. Lagerlerdıŋ köpşılıgı qorǧalatyn, qorşalǧan aumaqta ornalasqan. Negızgı baǧytqa qaramastan, är lagerde balany jan-jaqty damytuǧa baǧyttalǧan keşendı baǧdarlamalar jürgızıledı. Köptegen ispan lagerlerınde balabaqşa ülgısındegı kündızgı lagerler de bar. Onda künı boiy ortalyqta demalyp, keşkısın üiıne qaitady.
Bolgariia – būrynnan demalysqa qolaily, tabiǧaty körkem, infraqūrylymy damyǧan el. Mūnda balalarǧa arnalǧan keşendı jūmystardyŋ basynda balalar lagerınıŋ jūmysy tūr. Olardyŋ baǧdarlamasyna akvaparkke, delfinariige baru, muzyka festivalın tamaşalau jäne basqa da oiyn-sauyq ıs-şaralary qamtylǧan. Sonymen qatar, lagerlerdıŋ köpşılıgı bılım beru baǧdarlamasyn ūsynady. Aita ketu kerek, Bolgariiadaǧy balalar demalysy bekıtılgen standart boiynşa eŋ qauıpsız sanalady.
Turizmı damyǧan elderdıŋ bırı Grekiiada balalardyŋ ata-anasymen bırge demaluyna jaǧdai jasalǧan. Mūndaǧy qonaq üilerde balanyŋ qai jasyna bolmasyn arnaiy oiyn-sauyq baǧdarlamasy öte tartymdy. Bala qarausyz qalmaidy. Qonaq üilerdıŋ barlyǧynda derlık balalar basseinı, oiyn alaŋdary, klubtar bar.
Türkiiadaǧy balalardyŋ demalysy köbıne bılım alumen bırıktırılgen. Qazırgı balalar demalys lagerlerınıŋ denı sport nemese şet tılın üirenu siiaqty belgılı bır baǧytqa mamandandyrylǧan. Mysaly, Türkiiadaǧy eŋ qarapaiym balalar lagerınde de aǧylşyn tılı oqytylady.
Finliandiiadaǧy balalar turizmı de aluan türlı. Ol balalardyŋ jaqsy demaluyna, densaulyǧyn jaqsartuǧa, jaŋa bılım men köptegen jaǧymdy emosiia aluǧa mümkındık beredı. Osylaişa, balanyŋ jan-jaqty damuyna yqpal ete otyryp, ata-ana närestenıŋ boiynda jasyryn jatqan qasiet pen qabılettı köre alady. Saiahat kezındegı balanyŋ tanymdyq äreketı şyǧarmaşyl tūlǧany damytuda yntalandyru qyzmetın atqarady. Būl da bızdıŋ eskere jüretın taqyryptyq baǧyt.
Norvegiiada jeke-dara balalar turizmı joq, ol otbasy demalysy aiasynda qarastyrylǧan. Būl elde bükıl otbasymen saiahattau kezınde kez kelgen ata-ananyŋ da, balalardyŋ da müddesın qamtidy. Eger anasy balasymen bırge saiahattasa, bilettı balalar vagonyna alady, onda tynymsyz säbiler üşın oiyn bölmesı jabdyqtalǧan. Demalys osylaişa sapardyŋ basynan bastalady.
Balalar turizmı İtaliiadaǧy memleket saiasatyna ainalǧan. Şyn mänınde, İtaliia – otbasy jäne balalar demalysyn ūiymdastyruda köşbasşy el. Balalar demalysyn ūiymdastyruda «eresekterge arnalǧan baǧdarlama» ūsynylady.
Sonymen, balalar turizmı naryǧynyŋ tartymdy boluy balalardyŋ densaulyǧyn jaqsartudy, olardyŋ intellektualdyq äleuetın arttyruǧa jäne qoǧammen bailanysty nyǧaituǧa kömektesedı dep qorytyndy jasauǧa bolady. Balalar lagerı jasöspırımnıŋ öz betınşe şeşım qabyldauǧa, tabiǧatty süiuge jäne qorǧauǧa, basqalarmen oŋai tıl tabysyp, bırlıkte tärbieleudıŋ negızın qalaidy.
Balalar turizmı boiynşa otandyq jäne şeteldık baǧdarlamalardy salystyrmaly taldau negızınde şeteldık balalar demalysynyŋ negızgı artyqşylyǧyna mynalardy jatqyzuǧa bolady.
Bırınşıden, «jetı tıldı bıldıŋ be, jetı belden astyŋ ba?!» degen ūstanym boiynşa balanyŋ öresı artady. Öitkenı şet tılın üirenu öz bolaşaǧy üşın maŋyzdy.
Ekınşıden, basqa mädenietpen tanysudan jäne ärtürlı eldıŋ balalarymen qarym-qatynas jasaudan alǧan jaŋa äserı bır bölek.
Ärine, şeteldegı demalys – joǧary tabysty otbasylardyŋ ǧana balalaryna būiyratyn närse. Alaida öz elımızdegı turizm infraqūrylymyn damytu aldynda tūrǧan el üşın şeteldık täjıribenıŋ ozyǧyn qoldanyp, oquşy demalysyn barynşa jaqsartudyŋ jolyna erterek tüssek, ūtylmasymyz anyq
