Ūlttyq akademiialyq kıtaphanada «Astana qalasy şet aimaǧy tūrǧyndarynyŋ bos uaqyttaryn tiımdı ūiymdastyru» taqyrybynda
«döŋgelek üstel» mäjılısı ötkızılıp, oǧan Qazaqstan Respublikasy Parlamentı Mäjılısınıŋ deputaty Sapar Ahmetov, qalanyŋ Mädeniet, Sport, Bılım basqarmalarynyŋ basşylary, mäslihat deputattary, qoǧamdyq keŋes müşelerı, taǧy da basqa adamdar qatysty.
Keiıngı kezde qoǧamda jastar mäselesıne dendep köŋıl bölıne bastady. Öitkenı eldıŋ erteŋgı bolaşaǧy sanalatyn on segız pen otyzdyŋ arasyndaǧy jıgıtter men qyzdardyŋ ömırge degen közqarastary, bügıngı tynys-tırşılıkterı eşkımdı de bei-jai qaldyra almaidy.
Osyǧan orai, Astana qalasynyŋ Işkı saiasat basqarmasy qalalyq mäslihatpen jäne «Jaina Astana» qoǧamdyq bırlestıgımen bırge «Äleumettık problemalar kartasy» jobasyn äzırlegen edı. Mūndaǧy negızgı maqsat – qalanyŋ şetkerı aimaǧy men tūrǧyn alaptary tūrǧyndarynyŋ tūrmys-
tırşılıgın, tüitkıldı mäselelerın jan-jaqty zerttep, zerdelep, olarǧa barynşa kömek qoldaryn sozu.
Osy baǧytta «Ürker», «Köktal-1», «Köktal-2», «Öndırıs», «Qyrqynşy», «Qoiandy», taǧy basqa da toǧyz şet aimaq tūrǧyndaryna saualnama jürgızılıp, kezdesuler ötkızıldı.
«Şet aimaq» baǧdarlamasy aiasynda atalǧan tūrǧyn alaptarǧa jol salu, sumen jabdyqtau, basqa da mädeni-tūrmystyq mäselelerdı şeşude qyruar jūmystar atqaryldy. Degenmen keibır şeşılmegen qiyndyqtar älı de bar. Mıne, osy jailardy nazarǧa alyp, jastardyŋ bos uaqyttarynyŋ tiımdı mümkındıkterın ızdestırıp otyrǧan qalanyŋ qoǧamdyq
ūiymdary men belsendı azamattarynyŋ bastamalary qoldauǧa tūrarylyq» dedı öz sözınde Mäjılıs deputaty
Sapar Qairatūly.
Sondai-aq, ol jastardyŋ bos uaqyttaryn tiımdı ūiymdastyru mäselesınıŋ ülken tärbielık te, önegelık te mänı zor ekenın aita kelıp, tūrǧyn üi-kommunaldyq şaruaşylyǧynyŋ tūjyrymdamasyn äzırleuge atsalysqanyn, onda üidı paidalanuǧa bergen kezde kondominium tırkeuı kerektıgı, osyǧan bailanysty päterdı satyp alǧan iesı bırden kondominium müşesı boluy tiıstıgı jönınde ūsynys aitty.
Bügıngı taŋda qalada şamamen 250-300 myŋǧa tarta jas bar. Olardyŋ basym bölıgı – studentter. 14 joǧary oqu orny men 35 kolledjde bılım alyp jatqan osy jıgıtter men qyzdardyŋ
13 myŋyna jataqhana jetıspeidı. Naqty bır bas qosyp, bos uaqytty tiımdı ötkızetın jastar ortalyǧy joq. Keiıngı kezde aula klubtary jūmys ıstei bastady, alaida olardyŋ
sany mardymsyz. Bükıl qalada tek 12 aula kluby ǧana bar. Aldaǧy jyly onyŋ sanyn ekı ese köbeitıp, 25-ke jetkızu közdelıp otyr. Mıne, osyndai tüitkılderdı tılge tiek etken Astana qalasy Jastar saiasaty mäselelerı basqarmasynyŋ basşysy Ashat Oralov şet aimaqta jastardyŋ bos uaqytyn ūiymdastyruǧa köp bolyp küş salu kerek ekendıgın jetkızdı.
Sondai-aq, talqylanyp otyrǧan mäselege orai Astana qalasy Dene şynyqtyru jäne sport basqarmasy basşysynyŋ orynbasary Samat Qabdullin, Mädeniet, mūraǧattar jäne qūjattama basqarmasy basşysynyŋ orynbasary Narima Mūhambetalina, Astana qalasy Qazaqstan halqy assambleiasy hatşylyǧynyŋ meŋgeruşısı Läzzat Qūsaiynova, «Astana qalasy äielderı ligasy» qoǧamdyq bırlestıgınıŋ töraiymy Klara Erjanova, taǧy basqa da qatysuşylar öz pıkırlerı men ūsynystaryn ortaǧa saldy.
Jaŋa zaman jastarynyŋ jaŋa talaptaryn elemeu – uaqyt aǧymyn eskermegenmen bırdei. Būdan şyǧar qorytyndy – jastar arasyndaǧy mäselelerdı jıtı zerttep, olardyŋ mūŋ-mūqtajyna der kezınde nazar audaryp otyrǧan jön. «Döŋgelek üstel» mäjılısınde osy baǧytta aitylǧan pıkır-
ūsynystar negızınde qarar jobasy qabyldandy.
Taŋatar TÖLEUǦALİEV
